Sarfaraz Khan Record-Breaking Century: વિજય હજારે ટ્રોફી 2025-26 માં મુંબઈના આક્રમક બેટ્સમેન સરફરાઝ ખાને ગોવા સામે વરસાવ્યો રનનો વરસાદ. જયપુરમાં રમાયેલી આ મેચમાં સરફરાઝે માત્ર 75 બોલમાં 157 રનની વિસ્ફોટક ઇનિંગ રમી, જેમાં 9 ચોગ્ગા અને 16 છગ્ગા સામેલ હતા. તેની આ ધમાકેદાર બેટિંગના કારણે મુંબઈએ 50 ઓવરમાં 8 વિકેટે 444 રનનો વિશાળ સ્કોર ઊભો કર્યો હતો. આ મુંબઈનો લિસ્ટ-એ ક્રિકેટમાં બીજો સૌથી મોટો સ્કોર છે. સરફરાઝની આ પારીએ મેચને એકતરફી બનાવી દીધી અને તેના પર્ફોર્મન્સથી ફેન્સમાં ખુશીનો માહોલ છવાઈ ગયો.
વિજય હજારે ટ્રોફીમાં સરફરાઝ ખાને તોફાની બેટિંગથી મચાવ્યો હડકંપ
વિજય હજારે ટ્રોફીમાં મુંબઈ તરફથી રમતા સરફરાઝ ખાને ગોવાના બોલરો પર તુફાન મચાવ્યું હતું. તેણે 75 બોલમાં 157 રન કર્યા, જેમાં તેના બેટમાંથી 9 ચોગ્ગા અને 14 છગ્ગા નીકળ્યા. તેના ભાઈ મુશીર ખાને પણ અર્ધસદી ફટકારી હતી. મુશીરે 66 બોલમાં 5 ચોગ્ગા અને 2 છગ્ગાની મદદથી 60 રન બનાવ્યા. યશસ્વી જયસ્વાલ અર્ધસદીથી ચૂકી ગયા અને 64 બોલમાં 46 રન કરીને આઉટ થયા. તેમ છતાં, મુંબઈએ 50 ઓવરમાં 8 વિકેટે 444 રનનો સ્કોર બનાવ્યો. આ ઇનિંગમાં કુલ 25 છગ્ગા અને 35 ચોગ્ગા લાગ્યા, જે મુંબઈની આક્રમક બેટિંગનું પ્રતીક હતું.
સરફરાઝે તોડ્યો રોહિત શર્માનો રેકોર્ડ
75 બોલમાં 157 રનની આ તોફાની ઇનિંગથી સરફરાઝ ખાને રોહિત શર્માનો રેકોર્ડ તોડી નાખ્યો. સરફરાઝે માત્ર 56 બોલમાં સદી ફટકારી, જે મુંબઈ માટે લિસ્ટ-એ ક્રિકેટમાં સૌથી ઝડપી સદી છે. અગાઉ આ રેકોર્ડ રોહિત શર્માના નામે હતો, જેમણે સિક્કિમ સામે62 બોલમાં સદી કરી હતી. સરફરાઝની આ પારીએ તેને મુંબઈના લિસ્ટ-એ ઇતિહાસમાં અમર કરી દીધો છે.
મુંબઈએ બનાવ્યા 444 રન, હાર્દિકે પણ રમી T-20 સ્ટાઇલમાં વિસ્ફોટક પારી
સરફરાઝ ખાનના 75 બોલમાં157 રન ઉપરાંત મુંબઈ માટે વિકેટકીપર હાર્દિક તમોરેએ પણ T-20 સ્ટાઇલમાં વિસ્ફોટક બેટિંગ કરી. હાર્દિકે 28 બોલમાં 6 ચોગ્ગા અને 2 છગ્ગાની મદદથી 53 રન બનાવ્યા. શમ્સ મુલાનીએ 15 બોલમાં 22 રન અને તનુષ કોટિયને 12 બોલમાં અણનમ 23 રનનું યોગદાન આપ્યું. યશસ્વી જયસ્વાલે 64 બોલમાં 46, મુશીર ખાને 66 બોલમાં 60 અને અંગકૃષ રઘુવંશીએ 18 બોલમાં માત્ર 11 રન બનાવ્યા. આમ, મુંબઈએ વિશાળ 444 રનનો સ્કોર ઊભો કર્યો, જેમાં બેટ્સમેનોએ ગોવાના બોલરોની જમ્મીને પીટી હતી.
શું સરફરાજ ખાન ટીમ ઈન્ડિયામાં કમબેક કરશે ?
સરફરાઝ ખાન લાંબા સમયથી ટીમ ઇન્ડિયાથી બહાર છે, પરંતુ ડોમેસ્ટિક ક્રિકેટમાં ત્રણેય ફોર્મેટમાં સતત રન બનાવી રહ્યા છે. રેડ બોલ ક્રિકેટમાં સતત પર્ફોર્મન્સ પછી તેણે સૈયદ મુશ્તાક અલી ટ્રોફીમાં T-20 માં કમાલ કરી અને હવે 50 ઓવરના ફોર્મેટમાં પણ ધમાલ મચાવી રહ્યા છે. IPL 2026માં સરફરાઝ ચેન્નઈ સુપર કિંગ્સનો હિસ્સો બનશે, જેમને તેણે ઓકશન માં 75 લાખ રૂપિયામાં ખરીદ્યા છે. આ પર્ફોર્મન્સથી સરફરાઝે સિલેક્ટર્સને મજબૂત મેસેજ આપ્યો છે કે તે વ્હાઇટ બોલ ક્રિકેટમાં પણ રમવા માટે તૈયાર છે.
