Motorola Edge 70 Pro+ : ટેકનોલોજીની દુનિયામાં અત્યારે ભારે ઉત્સાહનો માહોલ જોવા મળી રહ્યો છે, કારણ કે, પ્રખ્યાત સ્માર્ટફોન નિર્માતા કંપની મોટોરોલા ભારતીય માર્કેટમાં પોતાનો એક નવો અને અત્યંત શક્તિશાળી સ્માર્ટફોન લોન્ચ કરવા માટે સંપૂર્ણ રીતે તૈયાર થઈ ગઈ છે. આ પ્રીમિયમ લુક ધરાવતા ફોનનું નામ Motorola Edge 70 Pro+ રાખવામાં આવ્યું છે. આ ફોનના ઓફિશિયલ લોન્ચિંગમાં હવે ગણતરીના દિવસો જ બાકી રહ્યા છે, પરંતુ તે પહેલા જ સોશિયલ મીડિયા અને ટેક વર્લ્ડમાં આ ફોનના ફીચર્સ ભારે ચર્ચા જગાવી રહ્યા છે. સામાન્ય રીતે મિડ-રેન્જ બજેટમાં આટલા શાનદાર અને પ્રીમિયમ ફીચર્સ જોવા મળતા નથી, જે કંપનીએ આ મોડેલમાં આપ્યા છે. લોન્ચિંગ પહેલા જ કંપનીએ ગ્રાહકોની ઉત્સુકતા વધારવા માટે તેના ઓફિશિયલ સ્પેસિફિકેશન્સ જાહેર કરી દીધા છે, જે જોતાં એવું લાગે છે કે, આ ફોન માર્કેટમાં આવતાની સાથે જ ધૂમ મચાવી દેશે.
લોન્ચિંગની વિગતો
જો તમે પણ આ નવો સ્માર્ટફોન ખરીદવાનું વિચારી રહ્યા છો, તો તમને જણાવી દઈએ કે Motorola Edge 70 Pro+ સ્માર્ટફોન ભારતીય બજારમાં આગામી 4 જૂનના રોજ બપોરે 12:00 વાગ્યે ઓફિશિયલી લોન્ચ થવા જઈ રહ્યો છે. કંપની આ ફોનને ભારતના સૌથી મોટા ઓનલાઇન શોપિંગ પ્લેટફોર્મ ફ્લિપકાર્ટ (Flipkart) ના માધ્યમથી ગ્રાહકો માટે ઉપલબ્ધ કરાવશે. આ માટે ફ્લિપકાર્ટ પર એક ખાસ માઇક્રોસાઇટ પણ લાઈવ કરી દેવામાં આવી છે, જ્યાં ફોનની ઝલક જોઈ શકાય છે. કલર ઓપ્શનની વાત કરીએ તો, મોટોરોલાએ આ ફોનને ખૂબ જ યુનિક અને પ્રીમિયમ કલર શેડ્સમાં રજૂ કર્યો છે. ગ્રાહકો આ ફોનને Pantone Chicory Coffee, Pantone Zinfandel અને Pantone Stormy Sea જેવા આકર્ષક રંગોમાં ખરીદી શકશે, જે ફોનને ક્લાસી લુક આપે છે.
iPhone કે Samsung હોવા છતાં ફોટા નથી આવતા સારા?: તમારી આ ભૂલો હોઈ શકે છે કારણ
ડિસ્પ્લેની ખૂબીઓ
મનોરંજન અને ગેમિંગના શોખીનો માટે આ સ્માર્ટફોનમાં એક અદભુત ડિસ્પ્લે સેટઅપ આપવામાં આવ્યું છે. ફોનમાં 6.8 ઇંચની મોટી અને પ્રીમિયમ AMOLED ડિસ્પ્લે સ્ક્રીન મળે છે, જે વીડિયો જોવાનો અનુભવ એકદમ શાનદાર બનાવે છે. સ્ક્રીનને સુપર સ્મૂથ અને ફાસ્ટ ચલાવવા માટે તેમાં 144Hz નો હાઈ રિફ્રેશ રેટ આપવામાં આવ્યો છે, જે ગેમિંગ દરમિયાન ઘણો ઉપયોગી સાબિત થશે. આ ફોનનો સ્ક્રીન-ટુ-બોડી રેશિયો 96.8% છે, એટલે કે ફોનની આસપાસની બોર્ડર એકદમ પાતળી છે. પ્રખર તડકામાં પણ ફોન વાપરવામાં કોઈ તકલીફ ન પડે તે માટે તેમાં 5200 નિટ્સની પીક બ્રાઇટનેસ આપવામાં આવી છે, જે અત્યાર સુધીની સૌથી શ્રેષ્ઠ બ્રાઇટનેસમાંની એક છે. આ સાથે જ આ સ્ક્રીન HDR10+ અને 100% DCI-P3 કલર ગેમટને સપોર્ટ કરે છે. ફોનની પ્રાઇવસી અને સુરક્ષા માટે સ્ક્રીનની અંદર જ લેટેસ્ટ ઇન-ડિસ્પ્લે ફિંગરપ્રિન્ટ સ્કેનર પણ ફિટ કરવામાં આવ્યું છે.
પ્રોસેસર અને સ્ટોરેજ
ફોન હેંગ થયા વગર સુપરફાસ્ટ સ્પીડમાં કામ કરી શકે તે માટે મોટોરોલાએ આ ડિવાઇસમાં મીડિયાટેક ડાયમેન્સિટી 8500 એક્સ્ટ્રીમ (MediaTek Dimensity 8500 Extreme) ચિપસેટ પ્રોસેસર આપ્યું છે. આ હેવી પ્રોસેસર મલ્ટિટાસ્કિંગ અને હાઈ-ગ્રાફિક્સ ગેમ્સને ખૂબ જ સરળતાથી હેન્ડલ કરી શકે છે. સ્પીડને વધુ બૂસ્ટ કરવા માટે આ ફોનમાં 12GB સુધીની પાવરફુલ LPDDR5X રેમ (RAM) અને ફોટા-વીડિયો સેવ કરવા માટે 512GB ની વિશાળ UFS 4.1 ઇન્ટરનલ સ્ટોરેજ ક્ષમતા મળશે. સોફ્ટવેરની વાત કરીએ તો, આ ફોન આઉટ-ઓફ-ધ-બોક્સ લેટેસ્ટ એન્ડ્રોઇડ 16 ઓપરેટિંગ સિસ્ટમ પર કામ કરશે. કંપની ગ્રાહકોને લાંબા સમય સુધી સપોર્ટ આપવા માટે 3 વર્ષ સુધીના ઓપરેટિંગ સિસ્ટમ (OS) અપડેટ્સ અને પૂરા 5 વર્ષ સુધી સિક્યુરિટી પેચ અપડેટ્સ આપવાનું વચન પણ આપી રહી છે, જેથી તમારો ફોન વર્ષો સુધી નવો જ રહેશે.
WhatsAppમાં આવી રહ્યો છે મોટો બદલાવ!: ટૂંક સમયમાં મળશે Log Out બટન, જાણો બીજા શું થશે ફેરફાર?
બેટરી અને ચાર્જિંગ
આ સ્માર્ટફોનનું સૌથી મોટું અને આકર્ષક પ્લસ પોઈન્ટ તેની પાવરફુલ બેટરી બેકઅપ છે. Motorola Edge 70 Pro+ માં કંપનીએ 6500mAh ની વિશાળ સિલિકોન-કાર્બન બેટરી આપી છે, જે સામાન્ય વપરાશમાં આરામથી બે દિવસ સુધી ચાલી શકે છે. આટલી મોટી બેટરીને ફટાફટ ચાર્જ કરવા માટે બોક્સમાં 90W નું વાયર્ડ ફાસ્ટ ચાર્જિંગ સપોર્ટ મળશે, જેનાથી ફોન મિનિટોમાં ચાર્જ થઈ જશે. આ સિવાય, પ્રીમિયમ યુઝર્સની સુવિધાને ધ્યાનમાં રાખીને ફોનમાં વાયરલેસ ચાર્જિંગ (Wireless Charging) ની સુવિધા પણ આપવામાં આવી છે. એટલું જ નહીં, આ ફોનમાં રિવર્સ વાયરલેસ ચાર્જિંગનો સપોર્ટ પણ ઉપલબ્ધ છે, જેનો ઉપયોગ કરીને તમે તમારા અન્ય વાયરલેસ ગેજેટ્સ જેમ કે ઈયરબડ્સ કે બીજા ફોનને પણ ચાર્જ કરી શકો છો.
કેમેરા સેટઅપ
જો તમે ફોટોગ્રાફીના શોખીન છો, તો આ ફોન તમારા માટે બેસ્ટ સાબિત થઈ શકે છે કારણ કે તેમાં 50mp નો કુલ ચાર પાવરફુલ કેમેરા આપવામાં આવ્યા છે. ફોનની પાછળની તરફ ટ્રિપલ કેમેરા સેટઅપ છે, જેમાં મુખ્ય કેમેરો LYTIA 710 સેન્સર અને ઓપ્ટિકલ ઇમેજ સ્ટેબિલાઇઝેશન (OIS) ટેકનોલોજી સાથે 50mp નો છે, જે ધ્રુજતા હાથોથી પણ સ્થિર ફોટા પાડી શકે છે. તેની સાથે વાઇડ એંગલ શોર્ટ્સ માટે 50mp નો અલ્ટ્રાવાઇડ કેમેરો આપવામાં આવ્યો છે. ત્રીજો કેમેરો ખૂબ જ ખાસ છે, જે 50mp નો સેન્સર ધરાવતો પેરિસ્કોપ ટેલિફોટો લેન્સ છે અને તે 3.5x ઓપ્ટિકલ ઝૂમને સપોર્ટ કરે છે, જેથી દૂરની વસ્તુઓ પણ એકદમ ક્લિયર કેપ્ચર કરી શકાશે. સોશિયલ મીડિયા પર રીલ્સ બનાવવા અને સેલ્ફી લેવા માટે ફોનની આગળની તરફ પણ 50mp નો જ હાઈ-ઝોલ્યુશન ફ્રન્ટ કેમેરો ફિટ કરવામાં આવ્યો છે.
તમારા મોબાઇલમાં સૌથી વધુ ડેટા કઈ એપ્સ ખાય છે?: આ સેટિંગ્સ બદલશો તો આખો દિવસ ચાલશે ઇન્ટરનેટ
મજબૂતાઈ અને સાઉન્ડ
મોટોરોલાએ આ ફોનની ડિઝાઇન સુંદર રાખવાની સાથે તેની મજબૂતાઈ પર પણ ખાસ ધ્યાન આપ્યું છે. આ સ્માર્ટફોનને કડક ટેસ્ટિંગમાંથી પસાર કરીને MIL-STD-810H મિલિટરી ગ્રેડ સર્ટિફિકેશન આપવામાં આવ્યું છે, જે દર્શાવે છે કે ફોન નાની-મોટી અકસ્માતની અસરો સરળતાથી સહન કરી શકે છે. આ સિવાય, પાણી અને ધૂળથી ફોનને કોઈ નુકસાન ન થાય તે માટે આ ડિવાઇસને IP68 અને IP69 એમ બંને હાઈ-લેવલ પ્રોટેક્શન રેટિંગ મળેલા છે, એટલે કે ફોન પાણીમાં પડી જાય તો પણ ચિંતા કરવાની જરૂર નથી. મનોરંજન પ્રેમીઓ માટે સિનેમા જેવો સાઉન્ડ આપવા માટે ફોનમાં ડોલ્બી એટમોસ (Dolby Atmos) ના પાવરફુલ સ્પીકર્સ પણ ઇન-બિલ્ટ આપવામાં આવ્યા છે.
ફોનનું કદ
6500mAh ની આટલી મોટી અને વજનદાર બેટરી હોવા છતાં, કંપનીએ આ ફોનની ડિઝાઇનને અદભુત રીતે સ્લિમ અને લાઈટવેઈટ રાખી છે. આ સ્માર્ટફોનની કુલ જાડાઈ માત્ર 7.34mm છે, જે તેને અત્યાર સુધીના સૌથી પાતળા સ્માર્ટફોન્સની યાદીમાં સામેલ કરે છે. આ પાતળી ડિઝાઇનના કારણે ફોનને લાંબો સમય સુધી હાથમાં પકડવામાં કે ખિસ્સામાં રાખવામાં કોઈ મુશ્કેલી પડતી નથી. વજનની વાત કરીએ તો, આટલા બધા હેવી ફીચર્સ હોવા છતાં ફોનનું વજન માત્ર 190 ગ્રામ રાખવામાં કંપની સફળ રહી છે, જેથી તે પકડવામાં ખૂબ જ હલકો અને કમ્ફર્ટેબલ લાગે છે.
