ભારતમાં 8 July એ લોન્ચ થશે Moto G77 Power
Motorola ટૂંક સમયમાં ભારતીય બજારમાં પોતાનો નવો સ્માર્ટફોન Moto G77 Power લોન્ચ કરવા જઈ રહી છે. કંપનીએ સત્તાવાર રીતે જાહેરાત કરી છે કે આ સ્માર્ટફોન 8 July ના રોજ ભારતમાં લોન્ચ થશે. લોન્ચ બાદ ફોન Flipkart, Motorola ની અધિકૃત વેબસાઇટ અને પસંદગીના ઓફલાઇન સ્ટોર્સ પર ઉપલબ્ધ થશે.
7000mAh બેટરી ફોનનું સૌથી મોટું આકર્ષણ
Moto G77 Powerની સૌથી મોટી ખાસિયત તેની 7000mAhની મોટી બેટરી છે. Motorola નો દાવો છે કે સામાન્ય ઉપયોગમાં આ ફોન એક વખત ચાર્જ કર્યા પછી લગભગ 3 દિવસ સુધી બેટરી બેકઅપ આપી શકે છે. ફોનમાં TurboPower ફાસ્ટ ચાર્જિંગ પણ મળશે, જેથી મોટી બેટરી ઝડપથી ચાર્જ થઈ શકે.
ડિસ્પ્લે, કેમેરા અને અન્ય ફીચર્સ
કંપની દ્વારા જાહેર કરવામાં આવેલી માહિતી મુજબ Moto G77 Power માં 6.72-inch Full HD+ ડિસ્પ્લે સાથે 120Hz રિફ્રેશ રેટ આપવામાં આવશે. ફોનમાં 50MP Sony LYT-600 મુખ્ય કેમેરા, 8MP અલ્ટ્રા-વાઇડ કેમેરા અને 32MP ફ્રન્ટ કેમેરા મળશે. ઉપરાંત Dolby Atmos સપોર્ટ સાથે ડ્યુઅલ સ્ટીરિયો સ્પીકર્સ અને 3.5mm હેડફોન જેક પણ આપવામાં આવ્યો છે. ફોન Android 16 આધારિત Hello UI પર ચાલશે.
કેટલી હોઈ શકે કિંમત?
Motorolaએ હજુ સુધી Moto G77 Powerની સત્તાવાર કિંમત જાહેર કરી નથી. જોકે વિવિધ રિપોર્ટ્સ અનુસાર આ સ્માર્ટફોનની કિંમત Rs. 30,000થી ઓછી હોઈ શકે છે. ફોન 4GB + 128GB અને 8GB + 128GB જેવા સ્ટોરેજ વિકલ્પોમાં આવી શકે છે. લોન્ચ ઇવેન્ટ દરમિયાન તેની અંતિમ કિંમત અને ઉપલબ્ધતા અંગે સંપૂર્ણ માહિતી જાહેર કરવામાં આવશે.
