This car gives an excellent mileage of 34km: ભારતીય કાર બજારમાં SUV નો ક્રેઝ સતત વધી રહ્યો છે, પરંતુ હેચબેક સેગમેન્ટ લોકપ્રિય રહ્યું છે. આનો સૌથી મોટો પુરાવો Maruti Suzuki WagonR છે, જેને કેલેન્ડર વર્ષ 2025 (CY25) માં 1.94 લાખ યુનિટના વેચાણ સાથે દેશની નંબર 1 હેચબેક કારનો ખિતાબ મેળવ્યો. જાણો સંપૂર્ણ માહિતી
SUV યુગમાં પણ હેચબેકનો દબદબો
CY25 માં SUV સેગમેન્ટનું વર્ચસ્વ સ્પષ્ટ હતું, કુલ પેસેન્જર વાહનોના વેચાણમાં તેનો હિસ્સો રેકોર્ડ 55.3% સુધી પહોંચ્યો. આમ છતાં, WagonR જેવી સસ્તી અને વિશ્વસનીય હેચબેક કારે બતાવ્યું છે કે મધ્યમ વર્ગના પરિવારો અને શહેરી ખરીદદારો માટે હેચબેક હજુ પણ પ્રથમ પસંદગી છે.
WagonR શા માટે લોકપ્રિય છે?
Maruti WagonR ની સફળતા પાછળ ઘણા મજબૂત કારણો છે. તે એક બજેટ-ફ્રેંડલી ફેમિલી કાર છે જેની કિંમત સસ્તી છે. તે હાઇ-માઇલેજ આપે છે. તેનું પેટ્રોલ મોડલો લગભગ 24.35 થી 25.19 કિમી/લીટર સુધીની માઇલેજ આપે છે, જ્યારે CNG વેરિઅન્ટ શાનદાર 34.05 કિમી/કિલોગ્રામની માઇલેજ આપે છે. તે પેટ્રોલ અને CNG બંને ઓપ્શનમાં ઉપલબ્ધ છે. તે ઓછી જાળવણી ખર્ચ અને વિશ્વસનીય મારુતિ સેવા આપે છે. આ જ કારણ છે કે, WagonR નાના શહેરોથી લઈને મેટ્રો શહેરો સુધી ખરીદદારોને આકર્ષિત કરવાનું ચાલુ રાખે છે.
Dzire દેશની સૌથી વધુ વેચાતી કાર બની.
જ્યારે WangonR હેચબેક સેગમેન્ટમાં પ્રભુત્વ ધરાવે છે, ત્યારે Maruti Suzuki Dzire એકંદર ભારતીય કાર બજારમાં નંબર 1 કાર બનીને ઇતિહાસ રચ્યો છે. Dzire CY25 માં ભારતની સૌથી વધુ વેચાતી કાર બની હતી.
સેડાન સેગમેન્ટમાં સતત મજબૂત પકડ
સેડાન સેગમેન્ટમાં Maruti Dzire નંબર 1 કાર બની ગઈ છે. ટેક્સી અને ખાનગી વાહનો બંનેમાં તેની માંગ મજબૂત છે. આ દર્શાવે છે કે, Maruti Suzuki ની હાજરી ફક્ત એક સેગમેન્ટ સુધી મર્યાદિત નથી. CY25 ચોક્કસપણે ભારતીય ઓટો ઉદ્યોગ માટે SUV નું વર્ષ હતું, પરંતુ WagonR અને Dzire ના મજબૂત વેચાણથી સ્પષ્ટ થઈ ગયું છે કે, હેચબેક અને સેડાન સેગમેન્ટનો હજુ પણ અંત આવ્યો નથી. આ બે Maruti Suzuki કાર આગામી વર્ષોમાં સામાન્ય ભારતીય ખરીદદારોની પહેલી પસંદગી રહેશે તેવી અપેક્ષા છે.
