MG Majestor : MG Motor India તેની SUV લાઇન-અપને વધુ મજબૂત કરવા જઈ રહી છે. કંપની ટૂંક સમયમાં ભારતમાં તેની નવી ફુલ-સાઇઝ SUV MG Majestor લોન્ચ કરવા જઈ રહી છે. તેની ઓફિશિયલ લોન્ચિંગ તારીખ 12 ફેબ્રુઆરી 2026 નક્કી કરવામાં આવી છે. આ SUV કંપનીના પોર્ટફોલિયોમાં MG Gloster ની ઉપર સ્થિત હશે. MG Majestor ને ભારતમાં સૌપ્રથમવાર 2025 ઓટો એક્સ્પો દરમિયાન રજૂ કરવામાં આવી હતી. હવે MG નવા વર્ષના પ્રથમ મોટા લોન્ચ તરીકે, આ SUV ને ભારતીય માર્કેટમાં લોન્ચ કરવા જઈ રહી છે. જાણો MG Majestor ની માહિતી.
Gloster કરતાં મોટી અને પ્રીમિયમ
MG Majestor વાસ્તવમાં ઇન્ટરનેશનલ માર્કેટમાં વેચાતી Maxus D90 SUV નું બેજ-એન્જિનિયર વર્ઝન છે. જોકે તેનું બેઝ પ્લેટફોર્મ MG Gloster પરથી લેવામાં આવ્યું છે, પરંતુ તેને ડિઝાઇન અને ફીચર્સની દ્રષ્ટિએ વધુ પ્રીમિયમ બનાવવામાં આવી છે.
પાવરફુલ એન્જિન અને 4x4 સિસ્ટમ
MG Majestor ને એ જ વિશ્વસનીય 2.0-લિટર ટ્વીન-ટર્બો ડીઝલ એન્જિન મળવાની અપેક્ષા છે, જે Gloster ને પાવર આપે છે. તે 213bhp નો પાવર અને 478 Nmનો ટોર્ક જનરેટ કરવામાં સક્ષમ છે. તેમાં 8-સ્પીડ ઓટોમેટિક ગિયરબોક્સ છે. તેમાં 4x4 (ઓલ-વ્હીલ ડ્રાઇવ) ડ્રાઇવ સિસ્ટમ પણ છે. આ SUV ઓફ-રોડિંગ તેમજ લાંબા હાઇવે ડ્રાઇવ માટે શ્રેષ્ઠ સાબિત થઈ શકે છે.
ડિફરન્ટ અને બોલ્ડ ડિઝાઇન
MG Majestor માં Gloster થી અલગ પાડવા માટે ઘણા એક્સટિરિયર ફેરફારો કરવામાં આવ્યા છે, જેમાં નવી બ્લેક-આઉટ ગ્રિલ, વર્ટિકલી ઓરિએન્ટેડ હેડલેમ્પ્સ, સ્લીક LED DRLs, નવા એલોય વ્હીલ્સ, રિફ્રેશ્ડ સ્કિડ પ્લેટ્સ અને નવા LED ટેલલેમ્પ્સ અને લાઇટ બારનો સમાવેશ થાય છે. ડ્યુઅલ એક્ઝોસ્ટ ટિપ્સ અને સાઇડ રનિંગ બોર્ડ પણ ઉપલબ્ધ છે.
ફીચર્સથી ભરપૂર
MG Majestor માં પ્રીમિયમ સેગમેન્ટની જેમ અનેક એડવાન્સ ફીચર્સ હોવાની અપેક્ષા છે. આ SUV માં પેનોરેમિક સનરૂફ, નવું ફુલ્લી ડિજિટલ ઇન્સ્ટ્રુમેન્ટ ક્લસ્ટર, 12.3 ઇંચની ટચસ્ક્રીન ઇન્ફોટેનમેન્ટ સિસ્ટમ, લેવલ-2 ADAS (એડવાન્સ્ડ સેફ્ટી ફીચર્સ), વાયરલેસ ચાર્જર અને 3-ઝોન ક્લાઇમેટ કંટ્રોલ જેવા ફીચર્સ હશે.
MG Majestor સાથે કઈ કાર કોમ્પિટિશન કરશે?
MG Majestor ભારતમાં લોન્ચ થયા પછી, Toyota Fortuner, Skoda Kodiaq અને Jeep Meridian જેવી પ્રીમિયમ SUV સાથે કોમ્પિટિશન કરે તેવી શક્યતા છે.
