Mercedes-Benz એ તેની સૌથી પ્રીમિયમ લક્ઝરી સેડાન S-Class 2027 ફેસલિફ્ટ પરથી પડદો ઉઠાવ્યો છે. કંપનીના જણાવ્યા અનુસાર, આ નવા અપડેટમાં કારના 50 ટકાથી વધુ હાર્ડવેરને રિફાઈન્ડ અથવા રિપ્લેસ કરવામાં આવ્યા છે. વૈશ્વિક સ્તરે ઉત્સર્જનના કડક નિયમો હોવા છતાં, Mercedes એ તેના ચાહકો માટે શક્તિશાળી V8 એન્જિનને જાળવી રાખ્યું છે, જે આ ફેસલિફ્ટની સૌથી મોટી હાઈલાઈટ છે.
ભવ્ય ડિઝાઈન અને સ્ટાર-થીમ
નવી S-Class ની રોડ પ્રેઝન્સ હવે પહેલા કરતા વધુ શાનદાર છે. તેની ફ્રન્ટ ગ્રિલને 20 ટકા મોટી કરવામાં આવી છે અને તે હવે ઇલ્યુમિનેટેડ (પ્રકાશિત) ફીચર સાથે આવે છે. ગ્રિલમાં થ્રી-ડી ક્રોમ સ્ટાર એલિમેન્ટ્સ અને બોનેટ પરનો આઇકોનિક 'Mercedes Star' પણ હવે પ્રકાશિત થાય છે. હેડલેમ્પ્સ અને ટેલલેમ્પ્સમાં પણ સ્ટાર-શેપની નવી LED ડિઝાઈન આપવામાં આવી છે, જે રાત્રિના સમયે કારને એક અલગ જ ઓળખ આપે છે.
AI અને ChatGPT સાથેનું સ્માર્ટ ઈન્ટિરિયર
કારના કેબિનમાં સૌથી મોટું આકર્ષણ MBUX Superscreen છે, જે આખા ડેશબોર્ડ પર ફેલાયેલી છે. તેમાં ત્રણ મોટી સ્ક્રીનનો સમાવેશ થાય છે:
12.3-ઇંચનું ડિજિટલ ઇન્સ્ટ્રુમેન્ટ ક્લસ્ટર
14.4-ઇંચની સેન્ટ્રલ ટચસ્ક્રીન
12.3-ઇંચની પેસેન્જર ડિસ્પ્લે
આ સિસ્ટમ નવા MB.OS પર ચાલે છે, જેમાં ChatGPT અને જનરેટિવ AI નું ઇન્ટિગ્રેશન કરવામાં આવ્યું છે. 'Hey Mercedes' વોઇસ આસિસ્ટન્ટ હવે યુઝર્સ સાથે વધુ નેચરલ રીતે વાતચીત કરી શકે છે. પાછળની સીટ પર બેસતા મુસાફરો માટે 13.1-ઇંચની ડ્યુઅલ એન્ટરટેઈનમેન્ટ સ્ક્રીન અને વીડિયો કોન્ફરન્સિંગ માટે HD કેમેરા જેવી સુવિધાઓ પણ ઉપલબ્ધ છે.
પાવરફુલ V8 એન્જિન અને પરફોર્મન્સ
નવી S-Class માં સૌથી મોટો મિકેનિકલ ફેરફાર 4.0-લિટર Twin-Turbo V8 એન્જિનમાં કરવામાં આવ્યો છે, જે હવે 530 hp નો પાવર જનરેટ કરે છે. આ સિવાય તેમાં 3.0-લિટર ઇનલાઇન-સિક્સ પેટ્રોલ અને ડીઝલ એન્જિનના વિકલ્પો પણ મળશે. કારમાં સુરક્ષા માટે લેવલ-3 સ્તરની સેલ્ફ-ડ્રાઇવિંગ ક્ષમતા, ADAS અને 360-ડિગ્રી કેમેરા જેવા એડવાન્સ ફીચર્સ આપવામાં આવ્યા છે.
ભારતમાં લોન્ચિંગ અને કિંમત
Mercedes-Benz S-Class 2027 ફેસલિફ્ટ ભારતીય બજારમાં વર્ષ 2026 ના અંતમાં અથવા 2027 ની શરૂઆતમાં લોન્ચ થઈ શકે છે. ભારતમાં તેની અંદાજિત કિંમત 1.85 કરોડથી 2 કરોડ રૂપિયા (એક્સ-શોરૂમ) ની વચ્ચે રહેવાની શક્યતા છે.
