ત્વચાની રાખો સંભાળ : રોજ રાત્રે કરો બસ આટલું, મળશે ચમકતી અને સુંવાળી ત્વચા

ઉંમર વધતાની સાથે સાથે ચહેરા પર કરચલીઓ આવવા લાગે છે અને સાથે જ, ત્વચાની ચમક પણ ઓછી થવા લાગે છે. અને તેને જાળવી રાખવા માટે થોડું ધ્યાન રાખવું જરૂરી છે. વધતી ઉંમર સાથે ત્વચાની ઉંમરને વધતી પણ અટકાવી નથી શકાતી પરંતુ તેની ઉંમર વધવાની પ્રક્રિયાને ધીમી તો કરી જ શકાય છે. રોજ ચહેરા પર માલિશ કરવાની એજિંગની પ્રક્રિયા ધીમી થાય છે. તે તમારી ત્વચાને પોષણ આપે છે અને સાથે તેને ચમકદાર અને કોમળ બનાવે છે. આવો જાણીએ ચહેરા પર ક્યા તેલથી મસાજ કરવો જોઈએ અને કેવી રીતે કરવો જોઈએ.

નારિયળનું તેલ, બદામનું તેલ, ઓલિવ ઓઈલ, આર્ગન ઓઈલ એવા તેલ છે જે ચહેરાની ચમક જાળવી રાખવા માટે સારા છે. નારિયળના તેલમાં એન્ટીઓક્સીડન્ટ હોય છે, જે સ્કિનને ફ્રી રેડિકલ્સથી બચાવે છે. અને ત્વચાને મોઈશ્ચરાઈઝ કરે છે. તો બદામના તેલમાં વિટામિન-ઈ ભરપૂર હોય છે. જે ડાર્ક સર્કલને ઓછા કરવામાં મદદ કરે છે, ઓલિવ ઓઈલમાં વિટામિન એ અને ઈ હોય છે, અર્ગન ઓઈલમાં વિટામિન ઈ અને ફેટી એસિડ હોય છે. જે ત્વચાને હાઈડ્રેટેડ રાખે છે.

માલિશ કેવી રીતે કરવી?
સુતા પહેલા માલિશ કરવી સારી છે. જેના માટે સુતા પહેલા ચહેરાને સારી રીતે સાફ કરી લો. તમારી આંગળી પર તેલના કેટલાક ટીપા લો અને તેને હળવા હાથથી ચહેરા પર લગાવો. ગોળાકાર ગતિમાં માલિશ કરો અને ખાસ કરીને તેને હળવા હાથે માલિશ કરો. તેલને કેટલાક રીતે ચહેરા પર લાગેલું રહેવા દો. સવારે ઉઠીને હુંફાળા પાણીથી ચહેરો ધોઈ લો.

આટલી વાતોનું ધ્યાન રાખો
--ચહેરાની મસાજ દરમિયાન ધીમે ધીમે માલિશ કરો.
--મસાજ દરમિયાન ચહેરા પર વધારે દબાણ ન કરો.
--મસાજ કર્યા પછી ચહેરાને સારી રીતે ધોઈ લો.
--જો તમને કોઈપણ પ્રકારની એલર્જી હોય તો ડોક્ટરની સલાહ લો.
--નિયમિતપણે ચહેરાની મસાજ કરવાથી તમને વધુ સારા પરિણામો મળશે.
--કોઈપણ નવા તેલનો ઉપયોગ કરતા પહેલા, પેચ ટેસ્ટ કરો.
--સ્વસ્થ આહાર અને પૂરતી ઊંઘ પણ ત્વચાને યુવાન રાખવામાં મદદ કરે છે.

(Disclaimer: અહીં આપવામાં આવેલી જાણકારી સામાન્ય માહિતી પર આધારિત છે. OffBeatStories તેની જવાબદારી નથી લેતું. કોઈ પણ સૂચનને અમલમાં મુકતા પહેલા વિશેષજ્ઞોની સલાહ લો.)