Bus Accident Tamil Nadu: રવિવારે તમિલનાડુના શિવગંગા જિલ્લામાં બે બસો વચ્ચે સામસામે અથડાઈ હતી. જેમાં 11 લોકોના મોત અને લગભગ 40 ઘાયલ થયા. પોલીસના જણાવ્યા અનુસાર, તિરુપ્પત્તુર નજીક કુમ્માનગુડી રોડ પર આ દુ:ખદ અકસ્માત થયો હતો. મૃતકોમાં એક બાળકનો પણ સમાવેશ થાય છે. એક બસ તિરુપ્પુરથી કરાઈકુડી જઈ રહી હતી, જ્યારે બીજી કરાઈકુડીથી ડિંડીગુલ જઈ રહી હતી.
ઈજાગ્રસ્તોને હોસ્પિટલ ખસેડવામાં આવ્યા
શિવગંગા જિલ્લાના પોલીસ અધિક્ષક શિવ પ્રસાદે અકસ્માતની પુષ્ટિ કરી હતી અને જણાવ્યું હતું કે બચાવ અને રાહત કામગીરી તાત્કાલિક શરૂ કરવામાં આવી હતી. પ્રત્યક્ષદર્શીઓના જણાવ્યા અનુસાર, ટક્કર એટલી તીવ્ર હતી કે તેના કારણે ભારે હોબાળો મચી ગયો હતો, અને પોલીસ અને સ્થાનિક રહેવાસીઓ ઘાયલોને બચાવવા દોડી આવ્યા હતા. ઈજાગ્રસ્તોને તાત્કાલિક હોસ્પિટલ ખસડેવામાં આવ્યા હતા
મુખ્યમંત્રી એમકે સ્ટાલિને શોક વ્યક્ત કર્યો
પોલીસ અધિકારીઓએ જણાવ્યું હતું કે, ટક્કરમાં બંને વાહનોના આગળના ભાગને સંપૂર્ણપણે નુકસાન થયું હતું. ઘણા મુસાફરોના ઘટનાસ્થળે જ મોત થયા હતા. પોલીસના જણાવ્યા અનુસાર, અકસ્માતની માહિતી મળતાં પોલીસ ઘટનાસ્થળે પહોંચી ગઈ અને ઘાયલોને તાત્કાલિક શિવગંગા જિલ્લા હોસ્પિટલમાં લઈ ગઈ, જ્યાં ડોક્ટરોએ જણાવ્યું કે ઘણા ઘાયલોની હાલત ગંભીર છે. અકસ્માત બાદ તમિલનાડુના મુખ્યમંત્રી એમકે સ્ટાલિને ઊંડા શોક વ્યક્ત કર્યો અને અધિકારીઓને ઘાયલોને તાત્કાલિક અને સારી સારવાર તેમજ મૃતકોના પરિવારોને શક્ય તેટલી બધી સહાય પૂરી પાડવા નિર્દેશ આપ્યો.
