T20 World Cup : ICC T20 વર્લ્ડ કપ 2026 ની બીજી સેમીફાઇનલમાં ક્રિકેટ પ્રેમીઓને એક અવિસ્મરણીય મેચ જોવા મળી. મુંબઈના વાનખેડે સ્ટેડિયમમાં રમાયેલી ભારત અને ઈંગ્લેન્ડ વચ્ચેની આ મેચ માત્ર હાર-જીત પૂરતી મર્યાદિત ન રહી, પરંતુ રેકોર્ડ બુકમાં પણ સુવર્ણ અક્ષરે લખાઈ ગઈ. રનનો પહાડ અને ચોગ્ગા-છગ્ગાના વરસાદ વચ્ચે ભારતીય ટીમે સાત રનથી રોમાંચક જીત મેળવી ફાઇનલમાં પ્રવેશ કર્યો છે.
મેચનો રોમાંચક અંજામ
ગુરુવારે રમાયેલી આ મેચમાં બંને ટીમો વચ્ચે કાંટાની ટક્કર જોવા મળી હતી. મેચ છેલ્લી ઓવર સુધી ખેંચાઈ હતી, જેમાં ભારતે બાજી મારી હતી. હવે 8 માર્ચે અમદાવાદના નરેન્દ્ર મોદી સ્ટેડિયમમાં ભારત અને ન્યૂઝીલેન્ડ વચ્ચે ફાઇનલ જંગ જામશે. ન્યૂઝીલેન્ડે સાઉથ આફ્રિકાને હરાવીને પહેલેથી જ ફાઇનલમાં જગ્યા બનાવી લીધી છે.
રનનો નવો ઈતિહાસ
આ મુકાબલામાં ભારત અને ઈંગ્લેન્ડ બંને ટીમોએ મળીને કુલ 499 રન બનાવ્યા હતા. T20 વર્લ્ડ કપના ઇતિહાસમાં આ અત્યાર સુધીની સૌથી હાઈ-સ્કોરિંગ મેચ બની છે. આ મેચમાં કુલ 34 છગ્ગા અને 39 ચોગ્ગા ફટકારવામાં આવ્યા હતા. અગાઉ 2016 માં ઈંગ્લેન્ડ અને સાઉથ આફ્રિકા વચ્ચે 459 રનનો રેકોર્ડ હતો, જે હવે ભૂતકાળ બની ગયો છે.
મેન્સ T20I મેચમાં સર્વોચ્ચ રન (Most runs in two innings combined)
કુલ રન | મેચ (ટીમ) | સ્થળ | વર્ષ |
|---|---|---|---|
517 | સાઉથ આફ્રિકા vs વેસ્ટ ઈન્ડિઝ | સેન્ચુરિયન | 2023 |
499 | ભારત vs ઈંગ્લેન્ડ | વાનખેડે (મુંબઈ) | 2026 |
496 | ભારત vs ન્યૂઝીલેન્ડ | તિરુવનંતપુરમ | 2026 |
489 | ભારત vs વેસ્ટ ઈન્ડિઝ | લોડરહિલ | 2016 |
488 | ન્યૂઝીલેન્ડ vs ઓસ્ટ્રેલિયા | ઓકલેન્ડ | 2018 |
488 | બલ્ગેરિયા vs સર્બિયા | સોફિયા | 2022 |
T20 વર્લ્ડ કપ મેચમાં સૌથી વધુ છગ્ગા (Most Sixes in a Match)
છગ્ગાની સંખ્યા | મેચ (ટીમ) | સ્ટેડિયમ | વર્ષ/સ્ટેજ |
|---|---|---|---|
34 | ભારત vs ઈંગ્લેન્ડ | વાનખેડે, મુંબઈ | 2026 (સેમિફાઈનલ) |
31 | વેસ્ટ ઈન્ડિઝ vs ઝિમ્બાબ્વે | વાનખેડે, મુંબઈ | 2026 |
30 | નેધરલેન્ડ્સ vs આયર્લેન્ડ | સિલ્હટ | 2014 |
28 | ભારત vs ઝિમ્બાબ્વે | ચેન્નાઈ | 2026 |
25 | ઈંગ્લેન્ડ vs ઈટાલી | કોલકાતા | 2026 |
એક ઈનિંગમાં સૌથી વધુ છગ્ગા (T20 વર્લ્ડ કપ)
છગ્ગાની સંખ્યા | ટીમ (કોની વિરુદ્ધ) | સ્થળ | વર્ષ |
|---|---|---|---|
19 | નેધરલેન્ડ્સ (વિ. આયર્લેન્ડ) | સિલ્હટ | 2014 |
19 | વેસ્ટ ઈન્ડિઝ (વિ. ઝિમ્બાબ્વે) | વાનખેડે | 2026 |
19 | ભારત (વિ. ઈંગ્લેન્ડ) | વાનખેડે | 2026 |
17 | ભારત (વિ. ઝિમ્બાબ્વે) | ચેન્નાઈ | 2026 |
16 | ઓસ્ટ્રેલિયા (વિ. ભારત) | બ્રિજટાઉન | 2010 |
T20 વર્લ્ડ કપની એક સિઝનમાં સૌથી વધુ છગ્ગા લગાવનારી ટીમ
છગ્ગાની સંખ્યા | ટીમ | વર્ષ |
|---|---|---|
88* | ભારત | 2026 |
76 | વેસ્ટ ઈન્ડિઝ | 2026 |
72 | સાઉથ આફ્રિકા | 2026 |
62 | વેસ્ટ ઈન્ડિઝ | 2024 |
61 | ભારત | 2024 |
T20 વર્લ્ડ કપના નોકઆઉટ મેચોમાં સર્વોચ્ચ સ્કોર
સ્કોર | ખેલાડીનું નામ | vs | સ્ટેડિયમ/મેચ | વર્ષ |
|---|---|---|---|---|
105 | જેકબ બેથેલ | ભારત | વાનખેડે, સેમીફાઇનલ | 2026 |
100* | ફિન એલન | સાઉથ આફ્રિકા | કોલકાતા, સેમીફાઇનલ | 2026 |
96* | તિલકરત્ને દિલશાન | વેસ્ટ ઈન્ડિઝ | ધ ઓવલ, સેમીફાઇનલ | 2009 |
89* | વિરાટ કોહલી | વેસ્ટ ઈન્ડિઝ | મુંબઈ, સેમીફાઇનલ | 2016 |
89 | સંજુ સેમસન | ઈંગ્લેન્ડ | વાનખેડે, સેમીફાઇનલ | 2026 |
T20 વર્લ્ડ કપના હાઈએસ્ટ સ્કોર (Highest Team Totals)
સ્કોર | ટીમ | કોની વિરુદ્ધ | વર્ષ/સ્ટેજ |
|---|---|---|---|
260/6 | શ્રીલંકા | કેન્યા | 2007 |
256/4 | ભારત | ઝિમ્બાબ્વે | 2026 |
254/6 | વેસ્ટ ઈન્ડિઝ | ઝિમ્બાબ્વે | 2026 |
253/7 | ભારત | ઈંગ્લેન્ડ | 2026 (સેમીફાઇનલ) |
246/7 | ઈંગ્લેન્ડ | ભારત | 2026 (સેમીફાઇનલ) |
235/5 | આયર્લેન્ડ | ઓમાન | 2026 |
સિક્સર કિંગ સંજુ સેમસન
ભારતીય બેટર સંજુ સેમસને આ વર્લ્ડ કપમાં શાનદાર પ્રદર્શન કરતા સિક્સર ફટકારવાનો નવો રેકોર્ડ બનાવ્યો છે. તેણે એક જ વર્લ્ડ કપ એડિશનમાં 16 છગ્ગા ફટકારીને રોહિત શર્માના 15 છગ્ગાના રેકોર્ડને પાછળ છોડી દીધો છે. સંજુની આક્રમક બેટિંગ ભારતની જીતમાં નિર્ણાયક સાબિત થઈ હતી.
ભારત માટે એક એડિશનમાં સૌથી વધુ સિક્સર
ખેલાડીનું નામ | વર્ષ | સિક્સરની સંખ્યા |
|---|---|---|
સંજુ સેમસન | 2026 | 16* |
રોહિત શર્મા | 2024 | 15 |
શિવમ દુબે | 2026 | 15* |
ઈશાન કિશન | 2026 | 14* |
હાર્દિક પંડ્યા | 2026 | 14* |
ટીમ ઈન્ડિયા : 250+ સ્કોરનું પાવરહાઉસ
ભારતીય ટીમ હવે T20 ક્રિકેટમાં સૌથી વધુ વખત 250 થી વધુ રન બનાવનારી ટીમ બની ગઈ છે. ભારતે આ સિદ્ધિ 6 વખત મેળવી છે, જેને IPL ટીમ સનરાઈઝર્સ હૈદરાબાદ (5 વખત) નો રેકોર્ડ પણ તોડી નાખ્યો છે. આ સિઝનમાં ભારતની 'એગ્રેસિવ બેટિંગ' રણનીતિ સ્પષ્ટપણે જોવા મળી રહી છે.
ટીમનું નામ | 250+ સ્કોરની સંખ્યા |
|---|---|
ઈન્ડિયા (India) | 6 |
SRH (સનરાઈઝર્સ હૈદરાબાદ) | 5 |
વેસ્ટ ઈન્ડિઝ (West Indies) | 3 |
ઝિમ્બાબ્વે (Zimbabwe) | 3 |
