ક્રિસમસ પર અજમાવો સોજી અને નારિયેળનો જાદુ! : ઘરે બનાવો સ્વાદિષ્ટ ગોવન કોકોનટ બાથ કેક, ઓછી સામગ્રીથી પરંપરાગત મીઠાઈ, જાણો સરળ રેસીપી

Goan Baath Cake Recipe: નાતાલની ઉજવણી કેક વિના અધૂરી છે! ગોવામાં ક્રિસમસ અને નવા વર્ષની ઉજવણીમાં ખાસ પરંપરાગત વાનગી છે બાથ કેક (જેને બાથક અથવા બાટિકા કેક પણ કહેવામાં આવે છે). આ કેક મુખ્યત્વે સોજી (સેમોલિના) અને નારિયેળથી બને છે, જે તેને ઘણી મોઇસ્ટ, ડેન્સ અને સ્વાદિષ્ટ બનાવે છે. સૌથી સારી વાત એ છે કે તે ઓછી સામગ્રીથી સરળતાથી ઘરે બની શકે છે.

મુખ્ય ઘટકો માત્ર સોજી અને નારિયેળ

આ રેસિપીમાં અમે તમને એક સરળ વર્ઝન આપીએ છીએ જેમાં મુખ્ય ઘટકો માત્ર સોજી અને નારિયેળ છે (ઇંડા વગરનું વર્ઝન પણ શક્ય છે, પરંતુ પરંપરાગતમાં થોડા અન્ય ઘટકો હોય છે).આ કેકનું મિશ્રણ રાતોરાત સેટ થવા દેવાથી સોજી સારી રીતે પલળી જાય છે અને કેક વધુ સોફ્ટ બને છે. જો તરત જ બનાવવી હોય તો પણ ચાલે!

જરૂરી સામગ્રી

100 ગ્રામ સોજી (ફાઇન સેમોલિના)

50-100 ગ્રામ નારિયેળના ટુકડા અથવા ખમણેલું નારિયેળ (તાજું હોય તો સારું)

50 ગ્રામ પાઉડર ખાંડ (સ્વાદ અનુસાર વધારી શકો)

50 ગ્રામ દહીં

1 નાની વાટકી દૂધ અથવા નારિયેળનું દૂધ

2 ચમચી કન્ડેન્સ્ડ મિલ્ક (વૈકલ્પિક, વધુ મીઠાશ માટે)

5 ચમચી ઓગાળેલું માખણ અથવા ઘી

1 ચમચી વેનિલા એસેન્સ

થોડો એલચી પાવડર

તમારી પસંદગીના સૂકા ફળો (બદામ, કાજુ વગેરે, વૈકલ્પિક)

1/2 ચમચી બેકિંગ સોડા અથવા બેકિંગ પાવડર

બનાવવાની રીત (સ્ટેપ બાય સ્ટેપ):

સ્ટેપ 1: નારિયેળના ટુકડા અને થોડું દૂધ મિક્સરમાં પીસીને બારીક પેસ્ટ બનાવો. એક મોટા બાઉલમાં આ પેસ્ટ રેડો. તેમાં દહીં, કન્ડેન્સ્ડ મિલ્ક, પાઉડર ખાંડ અને ઓગાળેલું માખણ/ઘી ઉમેરી સારી રીતે મિક્સ કરો.

સ્ટેપ 2: ધીમે ધીમે સોજી ઉમેરો અને 2-3 મિનિટ સુધી સારી રીતે હલાવો જેથી કોઈ ગાંઠો ન રહે. હવે વેનિલા એસેન્સ, એલચી પાવડર અને સૂકા ફળો (જો ઉમેરવા હોય) મિક્સ કરો.

સ્ટેપ 3: બેટરને 1-1.5 કલાક અથવા રાતોરાત ઢાંકીને રેસ્ટ કરવા દો (આ પગલું મહત્વનું છે જેથી સોજી પલળી જાય). પછી બેકિંગ સોડા ઉમેરી હલાવો. બેટરને ગ્રીસ કરેલા કેક ટીનમાં રેડો, ઉપર થોડા બદામ છાંટો.

સ્ટેપ 4 (બેકિંગ): કુકરમાં: તળિયે મીઠું છાંટીને મધ્યમ આંચ પર 20 મિનિટ પ્રીહીટ કરો. વાયર રેક મૂકીને કેક ટીન રાખો (સીટી કાઢીને). ઢાંકીને ખૂબ ધીમી આંચે 20-25 મિનિટ બેક કરો.

ઓવનમાં: 180°C પર પ્રીહીટ કરીને 30-40 મિનિટ બેક કરો.

માઇક્રોવેવમાં: કન્વેક્શન મોડ પર બેક કરી શકો.

સ્ટેપ 5: ટૂથપિકથી ચેક કરો – જો સ્વચ્છ નીકળે તો કેક તૈયાર છે. 15 મિનિટ ઠંડી થવા દો, પછી પ્લેટમાં કાઢીને ઇચ્છિત આકારમાં કાપો અને પીરસો.

આ ગોવન કોકોનટ બાથ કેક ખાવામાં જેટલી સ્વાદિષ્ટ છે તેટલી જ બનાવવામાં સરળ! તેના આરોગ્યપ્રદ ઘટકોને કારણે બાળકોથી લઈને મોટા સુધી સૌને પસંદ આવશે. આ ક્રિસમસ પર ઘરે જરૂર ટ્રાય કરજો અને પરિવાર સાથે મજા કરજો.