મહીસાગર પોલીસે કડક કાર્યવાહી હાથ ધરી છે અને દુકાન કે મકાન ભાડે આપતા પહેલાં પોલીસને જાણ કરવાની ફરજ અંગે ચેતવણી આપી છે. ખાનપુર તાલુકાના લીમડિયા ખાતે આવેલી Limdiya APMC ના સેક્રેટરી નીતિનભાઈ રાયજીભાઈ પટેલ વિરુદ્ધ ગુનો દાખલ કરવામાં આવ્યો છે.
SOGની ચેકિંગ દરમિયાન સામે આવ્યો ભંગ
મહીસાગર SOG દ્વારા હાથ ધરવામાં આવેલી ચેકિંગ કામગીરી દરમિયાન જાણવા મળ્યું કે દુકાનો ભાડે આપતી વખતે પોલીસ તંત્રને કોઈપણ પ્રકારની પૂર્વ જાણ કરવામાં આવી નહોતી. પ્રાથમિક તપાસમાં જિલ્લા મેજિસ્ટ્રેટના જાહેરનામાનો ભંગ થયાનો ખુલાસો થયો હતો.
BNS કલમ 223 હેઠળ ગુનો નોંધાયો
આ મામલે પોલીસે Bharatiya Nyaya Sanhitaની કલમ 223 હેઠળ ગુનો નોંધ્યો છે. પોલીસે સ્પષ્ટ કર્યું છે કે ભવિષ્યમાં કોઈપણ વ્યક્તિ દુકાન કે ઘર ભાડે આપે ત્યારે પોલીસ ચકાસણી અને જરૂરી જાણ કર્યા વગર ભાડે આપશે તો તેના સામે કાયદેસર કાર્યવાહી કરવામાં આવશે.
મહીસાગર પોલીસે નાગરિકોને અનુરોધ કર્યો છે કે ભાડે આપતા પહેલાં પોલીસ વેરીફિકેશન કરાવવું અનિવાર્ય છે, નહીં તો કાયદાની જોગવાઈ મુજબ પગલાં લેવામાં આવશે.
