મહિન્દ્રા એન્ડ મહિન્દ્રાએ એક જ મંચ પરથી 4 નવી SUV કૉન્સેપ્ટ કાર રજૂ કરી છે. મુંબઈમાં યોજાયેલા કાર્યક્રમમાં કંપનીએ Vision X, Vision T, Vision S અને Vision SXT રજૂ કરી હતી. ચારેય SUV અલગ ડિઝાઇન ધરાવે છે, પરંતુ તે બધી મહિન્દ્રાના નવા લોન્ચ થયેલા NU.IQ પ્લેટફોર્મ પર આધારિત છે. આ પ્લેટફોર્મના માધ્યમથી મહિન્દ્રા વૈશ્વિક બજારમાં પણ પોતાની પકડ મજબૂત કરવાની યોજના ધરાવે છે.
મહિન્દ્રા Vision T અને Vision SXT
Vision T: બોક્સી બોડી ડિઝાઇન સાથે આવે છે.
Vision SXT: ટ્રક જેવી કેબિન ધરાવે છે અને પાછળના ડેકમાં સ્પેર વ્હીલ ફિટ કરેલા છે.
બંને SUVની ડિઝાઇન મજબૂત અને આકર્ષક છે. જો કે, પ્રોડક્શન વર્ઝનમાં તેને દૈનિક ઉપયોગ માટે વધુ વ્યવહારુ બનાવવા માટે ફેરફારો શક્ય છે.
મહિન્દ્રા Vision S
Vision S SUVને બોક્સી શેપ આપવામાં આવ્યો છે.
ફ્રન્ટ: ટ્વીન પીક્સ લોગો બાજુ ત્રણ LED લાઇટ્સ અને ઇન્વર્ટેડ L-આકારની હેડલાઇટ્સ.
બમ્પર: રડાર યુનિટ અને પાર્કિંગ સેન્સર સાથે.
SUVમાં: 19 ઇંચના વ્હીલ્સ, લાલ કેલિપર્સ, ડિસ્ક બ્રેક્સ, છત પર માઉન્ટેડ લાઇટ્સ અને જમણી બાજુ Jerry Can.
મીડિયા રિપોર્ટ્સ અનુસાર, ભવિષ્યમાં આ કૉન્સેપ્ટને નવી બોલેરો તરીકે રજૂ કરવામાં આવી શકે છે.
મહિન્દ્રા Vision X
Vision X SUVનો ડિઝાઇન ક્રોસઓવર-સ્પોર્ટી લુક ધરાવે છે.
કૂપ સ્ટાઇલની પાછળની વિન્ડસ્ક્રીન
સ્પોઇલર જે મહિન્દ્રાની BE 6 ઇલેક્ટ્રિક SUV યાદ અપાવે છે.
આગળ અને પાછળ પાતળા લાઇટિંગ તત્ત્વો.
Vision X, મહિન્દ્રાના NU.IQ મોનોકોક પ્લેટફોર્મ પર આધારિત છે, જે 3,990 mm થી 4,320 mm લાંબી SUV માટે યોગ્ય છે. તેનો વ્હીલબેઝ 2,665 mm છે અને તેની લંબાઈ 4 મીટરથી ઓછી હોવાની અપેક્ષા છે.
