Mahindra XUV 7XO Bookings Begin: Mahindra XUV 7XO ટૂંક સમયમાં ભારતમાં લોન્ચ થવા જઈ રહી છે. કંપનીએ આ SUV નું લોન્ચિંગ પહેલા જ બુકિંગ શરૂ કરી દીધું છે. XUV 7XO એ Mahindra XUV700 નું અપગ્રેડેડ લુક સાથેનું ફેસલિફ્ટ મોડલ છે. આ આવનારી SUV માં ડિઝાઈન અને ફીચર્સની બાબતમાં ઘણા મોટા ફેરફારો જોવા મળશે. જાણો તેના ફીચર્સ, બુકિંગ અને લોન્ચની સંપૂર્ણ માહિતી.
બુકિંગ અને લોન્ચ
Mahindra XUV 7XO નું પ્રી-બુકિંગ ₹21,000 ની ટોકન રકમથી શરૂ થયું છે. ગ્રાહકો તેને કંપનીની ઓફિશિયલ ડીલરશીપ અથવા ઓનલાઈન પ્લેટફોર્મ દ્વારા બુક કરાવી શકે છે. પ્રી-બુકિંગ દ્વારા ગ્રાહકો વહેલી ડિલિવરીનો લાભ મેળવી શકે છે. બુકિંગ દરમિયાન, ગ્રાહકો તેમની પસંદગીના ફ્યુલ ટાઇપ, ટ્રાન્સમિશન અને ડીલરશીપ પણ પસંદ કરી શકે છે. મહિન્દ્રા 5 જાન્યુઆરી, 2025 ના રોજ આ SUV ની કિંમતની જાહેરાત કરશે અને તે જ દિવસે તેને ઓફિશિયલ રીતે લોન્ચ કરવામાં આવશે.
વધુ પ્રીમિયમ લુક
Mahindra XUV 7XO ની ડિઝાઇનમાં ઘણા મોટા ફેરફારો જોવા મળશે. આગળના ભાગમાં નવા ડ્યુઅલ-પોડ LED હેડલેમ્પ્સ આપવામાં આવશે, જે ઊંધી L શેપના LED DRL સાથે હશે. આ લુક હાલની XUV700 કરતા એકદમ અલગ અને વધુ મોર્ડન હશે. પાછળના ભાગમાં નવા LED ટેલ લેમ્પ્સ ઉપલબ્ધ હશે, જે Mahindra XEV 9S જેવા દેખાય છે. આ ઉપરાંત, SUV ને નવી બ્લેક-આઉટ ગ્રિલ, સિલ્વર સ્લેટ્સ અને નવા ડિઝાઈન કરેલા એલોય વ્હીલ્સ પણ આપવામાં આવશે, જે તેને લુકમાં શાનદાર બનાવશે.
મોર્ડન SUV
XUV 7XO ની કેબિન પણ પહેલા કરતા વધુ પ્રીમિયમ હશે. તેમાં નવી ડેશબોર્ડ ડિઝાઇન મળશે, જેમાં ટ્રિપલ-સ્ક્રીન સેટઅપ આપી શકાય છે. ડેશબોર્ડ પર સોફ્ટ-ટચ મટિરિયલ, નવા AC વેન્ટ્સ અને સારી ફિનિશિંગ જોવા મળશે. SUV માં પેટ્રોલ અને ડીઝલ એન્જિન બંને ઓપ્શન હશે, જે મેન્યુઅલ અને ઓટોમેટિક ગિયરબોક્સ સાથે આવશે. જો તમે મોટી, સ્ટાઇલિશ અને ફીચર લોડેડ SUV ખરીદવાનું વિચારી રહ્યા છો, તો XUV 7XO તમારા માટે એક સારો ઓપ્શન સાબિત થઈ શકે છે.
