મહારાષ્ટ્ર સરકારે ઇલેક્ટ્રિક વાહનો પરનો એક મોટો લાભ હવે હટાવી દીધો છે. રાજ્ય સરકારે જાહેરાત કરી છે કે 01 જુલાઈ, 2025થી ₹30 લાખથી વધુ કિંમત ધરાવતા તમામ ઇલેક્ટ્રિક વાહનો પર હવે 6% રોડ ટેક્સ લાગુ રહેશે. અગાઉ, ઇલેક્ટ્રિક વાહનો પર રાજ્યમાં કોઈ રોડ ટેક્સ લાગુ નહોતો, જેના કારણે લોકો લાખો રૂપિયા બચાવતા હતા.
લક્ઝરી ઇલેક્ટ્રિક કાર ખરીદવી થશે હવે મોંઘી
ઉદાહરણ તરીકે, જો કોઈ ગ્રાહક ₹70 લાખની BMW iX કે Mercedes EQE ખરીદે છે, તો હવે તેને લગભગ ₹4.2 લાખ જેટલો રોડ ટેક્સ પણ ચૂકવવો પડશે. જૂનના છેલ્લા સપ્તાહમાં, ઘણા શોરૂમમાં ડિલિવરી માટે ભારે ભીડ જોવા મળી હતી કારણ કે ખરીદદારોએ ટેક્સ લાગુ થવાનો પૂર્વે વાહનો બુક કરાવવાનો પ્રયાસ કર્યો હતો.
સરકારના મંતવ્યો: સમાનતા અને આવકનું સમીકરણ
મહારાષ્ટ્ર સરકારનું કહેવું છે કે, જ્યારે પેટ્રોલ અને ડીઝલ ચાલિત વાહનો પર ટેક્સ વસૂલાતો રહ્યો છે, ત્યારે લક્ઝરી ઇલેક્ટ્રિક કારઓને મુક્તિ આપવી અન્યાયસૂચક બની રહે છે. તેથી ₹30 લાખથી વધુ કિંમત ધરાવતા EVs પર હવે ટેક્સ ફરજિયાત રહેશે. સરકારના મત પ્રમાણે, આ પગલું રાજ્ય માટે નવી આવકનો સ્ત્રોત પણ બનશે.
સાથે જ, રાજ્ય સરકારે તમામ નૉન-ઈવી વાહનો પર પણ 1% સરચાર્જ લાગુ કર્યો છે.
ઓટો ઇન્ડસ્ટ્રીની ચિંતા: નિર્ણય રોકાણ અને વેચાણને અસર કરી શકે
ઓટો ઉદ્યોગના નિષ્ણાતો માને છે કે આ નિર્ણયનો લાંબા ગાળે નકારાત્મક અસર થઈ શકે છે, ખાસ કરીને ત્યારે જ્યારે Tesla, KIA, Volvo જેવી કંપનીઓ ભારતમાં તેમના નવા ઈલેક્ટ્રિક મોડેલો લોન્ચ કરવાની તૈયારીમાં છે. કિંમતની સંવેદનશીલતા ધરાવતા બજારમાં આવા ટેક્સથી ઇલેક્ટ્રિક વાહનોના દાવપેચ નબળા પડી શકે છે.
કઈ EV કાર હજુ પણ કરમુક્ત છે?
આ નવા નિયમો પ્રમાણે, ₹30 લાખથી ઓછી કિંમતની ઇલેક્ટ્રિક કાર પર હજુ પણ રોડ ટેક્સ લાગુ પડતો નથી. તેથી બજેટ સેગમેન્ટના ગ્રાહકો માટે આ ઉપાયો હજી પણ આકર્ષક છે. આમાં નીચેના મોડેલોનો સમાવેશ થાય છે:
Tata Nexon EV, Punch EV, Curvv EV, Harrier EV
MG ZS EV, MG Windsor (અગામી મોડેલ)
Mahindra XUV400
આ તમામ મોડેલો પર ગ્રાહકોને ટેક્સ મુક્તિ અને ઓછા GST નો લાભ મળે છે, જેનાથી તેઓ “વેલ્યુ ફોર મની” બનાવે છે.
એડવેન્ચર ટ્રિપ પ્લાન કરી રહ્યા છો?: આ બાઇક્સ તમારી ટ્રિપને બનાવી દેશે યાદગાર
