વારંવાર એસિડિટી કરી રહી છે હેરાન : ફૂડ હેબિટ્સમાં કરો આ ફેરફાર

એસિડિટી પ્રોબ્લેમ: ખરાબ લાઈફસ્ટાઈલ અને ખાણપાન સંબંધિત સમસ્યાઓને કારણે અપચો અથવા એસિડિટી થઈ શકે છે.  જો તમે તમારા આહારમાં થોડા નાના બદલાવ કરો તો વારંવાર થતી એસિડિટીથી રાહત મેળવી શકો છો.

એસિડિટી શું છે?
 એસિડિટીએ એક સામાન્ય સમસ્યા છે, જે ખોટી આહારશૈલી અને જીવનશૈલીના કારણે થઈ શકે છે. તેનાથી પેટ ફૂલવાનું (બ્લોટિંગ) અથવા છાતીમાં બળતરાની સમસ્યા થઈ શકે છે. કેટલીકવાર, એસિડિટી વધુ વધી જાય છે, જેના કારણે દવાઓ લેવાની જરૂર પડે છે. જો તમને પણ એસિડિટી છે, તો ચિંતા કરવાની જરૂર નથી.

કયા ફેરફાર કરવાથી એસિડિટીથી રાહત મળે?
 ડાયટિશિયન કહે છે કે જો તમે તમારા ખાવાના સ્વભાવમાં બદલાવ લાવો, તો એસિડિટીથી બચી શકો છો. જ્યારે પેટમાં વધુ એસિડનું ઉત્પાદન થાય છે, ત્યારે તે ફૂડ પાઈપમાં બળતરાનું કારણ બની શકે છે. તો જાણીએ કે કયા આહાર બદલાવથી એસિડિટીથી રાહત મળી શકે.

1. મસાલેદાર અને તેલિયા ખોરાકથી બચો

મસાલેદાર અને ઓઈલવાળું ખાવાથી પેટમાં એસિડનું ઉત્પાદન વધી શકે છે, જેનાથી એસિડિટીની સમસ્યા થાય છે.  તળેલા-બળેલા ખોરાક અને વધારે મસાલાવાળા ખોરાકને ટાળો. ડાયટમાં સાદુંભોજન અને તાજા ફળ-શાકભાજીનો સમાવેશ કરો.

2. ખાટી વસ્તુઓને ટાળો

લીંબુ, ટામેટા, દ્રાક્ષ, અને નારંગીમાં પ્રાકૃતિક એસિડ હોય છે, જેને વધુ પ્રમાણમાં ખાવાથી એસિડિટી વધી શકે છે. જો તમને વારંવાર એસિડિટી થાય છે, તો આ ખાટી વસ્તુઓ ઓછી ખાવી જોઈએ.  તેના બદલે, એવા ફળો ખાઓ જે એસિડિટી ઘટાડે, જેમ કે કેળું અને પપૈયું.

3. પૂરતું પાણી પીવો

પાણી પેટના પાચનક્રિયાને સુધારવામાં મદદ કરે છે. એસિડિટીથી બચવા માટે દિવસભર પૂરતું પાણી પીવું જરૂરી છે.  ભોજન બાદ તુરંત વધારે પાણી પીવાથી બચવું જોઈએ, કારણકે તે પેટમાં એસિડનું સ્તર વધારી શકે છે. દરરોજ ઓછામાં ઓછા 2 લિટર પાણી પીવું જરૂરી છે.

4. ફાઈબરયુક્ત આહાર લો

ફાઈબરયુક્ત ખોરાક જેવા કે ઓટ્સ, સંપૂર્ણ અનાજ, ફળો, અને લીલાશાકભાજી એસિડિટી પર નિયંત્રણ રાખવામાં મદદ કરે છે.  ફાઈબર પાચનક્રિયાને સુધારે છે, જેથી પેટમાં એસિડનું ઉત્પાદન સંતુલિત રહે છે. તે પાચનતંત્રને આરોગ્યપ્રદ રાખે છેઅને એસિડિટીની સમસ્યા ઘટાડે છે.

આ સારા આહારની આદતો અપનાવીને તમે વારંવાર થતી એસિડિટીથી રાહત મેળવી શકો છો!