આપણે કોઈ મોટી હસ્તિથી પ્રભાવિત થતા હોઈએ છીએ ત્યારે તેમના જીવનની જાણી અજાણી વાતો જાણવામાં આપણને રસ હોય છે. આવી વ્યક્તિઓમાં એલન મસ્ક પણ સામેલ છે. એલન મસ્કની ખાસિયત છે કે તેઓ ચર્ચામાં અને વિવાદમાં સાથે રહે છે. એલન મસ્ક વિશ્વના સૌથી ધનિક વ્યક્તિ જે પોતાના વિચારો અને કાર્યશૈલીને કારણે કાયમ ચર્ચામાં રહે છે. હાલમાં તેઓ અમેરિકાના રાષ્ટ્રપતિ ડોનાલ્ડ ટ્રમ્પની સૌથી નજીકની વ્યક્તિઓમાંથી એક છે.
એલન મસ્ક ઘણીવાર કહી ચૂક્યા છે કે તેઓ જમીન પર અથવા પોતાના ઓફિસમાં જ ઊંઘી જાય છે. તેમણે ખાસ કરીને ટેસ્લા અને SpaceXમાં કામ કરતા સમયે પોતાની ઊંઘવાની ટેવ વિશે કહ્યું. વર્ષ 2018માં, જ્યારે ટેસ્લા ઉત્પાદનની સમસ્યાઓમાંથી પસાર થઈ રહ્યું હતું, ત્યારે તેમણે કહ્યું કે તેઓ ફેક્ટરીના ફ્લોર (જમીન) પર ઊંઘતા હતા જેથી કામની યોગ્ય દેખરેખ રાખી શકે. તેમનું કહેવું છે, "જો કંઈક ખરાબ થાય, તો તેની સીધી જવાબદારી તેમની બને છે. તેમણે એ પણ કહ્યું કે તેઓ પાસે કોઈ સ્થાયી ઘર નથી અને ઘણીવાર મિત્રોના ઘરે અથવા ઓફિસમાં ઊંઘી જાય છે. 2022માં, તેમણે જણાવ્યું હતું કે તેઓ મોટાભાગનો સમય SpaceXના હેડક્વાર્ટરના નજીક આવેલા $50,000ના એક નાના ઘરમાં રહે છે. ઘણીવાર તેઓ ટેસ્લા અથવા SpaceX ઓફિસમાં જ ઊંઘી જાય છે. એક ઈન્ટરવ્યુ દરમિયાન તેમણે જણાવ્યું હતું કે તેઓ રાતે ફક્ત 6 કલાક જ ઊંઘે છે. અગાઉ તેઓ ફક્ત 4 કલાક ઊંઘતા, પરંતુ તે તેમની તંદુરસ્તી માટે સારું નહોતું. તેથી હવે તેમણે 6 કલાક ઊંઘવાની શરૂઆત કરી છે. તેમનું માનવું છે કે જો તેઓ વધુ ઓછું ઊંઘશે, તો તેમનું મગજ યોગ્ય રીતે કામ નહીં કરે.
એલન મસ્કની સવાર
એલન મસ્ક સવારે 7 વાગે ઉઠે છે અને લગભગ 6 થી 6.5 કલાક ઊંઘ લે છે. તેઓ માને છે કે પૂરતી ઊંઘ મગજની કાર્યક્ષમતા માટે જરૂરી છે. ઉઠ્યા પછી તેમનું પ્રથમ કામ શાવર લેવું હોય છે, જે તેમને તાજગી આપે છે અને દિવસ માટે તૈયાર કરે છે.
તેઓ મોટાભાગે નાસ્તો છોડે છે, પણ જ્યારે લે છે ત્યારે ઓમલેટ જેવી હાઈ-પ્રોટીન ડાયટ લે છે અને સાથે કોફી પીવે છે
કામનો સમય
- નાસ્તા પછી તેઓ પોતાના બાળકોને સ્કૂલ મોકલે છે અને પછી કામ પર જાય છે. મસ્ક દાવો કરે છે કે તેઓ અઠવાડિયામાં 80 થી 120 કલાક સુધી કામ કરે છે, જેમાં મોટાભાગનો સમય ડિઝાઇન અને ઇજનેરી પર કેન્દ્રીત હોય છે. તેઓ અનાવશ્યક મીટિંગોમાં ભાગ લેતા નથી અને પોતાના સમયનું મહત્તમ મૂલ્ય ધરાવે છે
- દિનચર્યા
- દિવસ દરમિયાન તેઓ ઓછી કેલોરી લે છે અને રાત્રે વધુ ખાય છે. તેમનું મનપસંદ પીણું ડાયટ કોક છે. તેઓ લગભગ રાત્રે 10 વાગ્યે ઘરે પરત આવે છે, જ્યાં તેઓ થોડીવાર વાંચે છે અથવા એનિમેટેડ મૂવીઝ જોવાનું પસંદ કરે છે.
- ઊંઘવાનો સમય
- એલન મસ્ક સામાન્ય રીતે રાત્રે 1 વાગ્યે સૂઈ જાય છે, જે તેમને બીજા દિવસ માટે એક્ટિવ રહેવામાં મદદ કરે છે.
- એલન મસ્કની ડાયટ
- તેમની ડાયટમાં મુખ્યત્વે સરળ અને ઘરના બનેલા ભોજનનો સમાવેશ થાય છે. તેઓ ફળ, શાકભાજી અને ડ્રાયફ્રૂટ્સ વધારે ખાય છે. તેઓ ઈન્ટરમિટન્ટ ફાસ્ટિંગ (Intermittent Fasting) ફોલો કરે છે, જેના કારણે તેઓએ આશરે 9 કિલો વજન ઓછું કર્યું છે. મસ્કને ડોનટ્સ અને સુશી પણ ખૂબ પસંદ છે.
- ભારતીય ભોજન
- એલન મસ્કને ભારતીય ભોજન બહુ પસંદ છે, ખાસ કરીને બટર ચિકન અને નાન. તેમણે ટ્વિટર પર એક પોસ્ટમાં આ વાતની પુષ્ટિ કરી હતી. તેઓ ભારતીય ભોજનની વિવિધતા અને સ્વાદને પસંદ કરે છે, જે તેમના સોશિયલ મીડિયા પોસ્ટ્સમાં જોવા મળે છે. તેઓને મસાલાવાળા અને વિવિધ સ્વાદોવાળા ભોજન ગમતા હોય છે, અને કદાચ એ કારણ છે કે તેઓ ભારતીય ભોજન પ્રત્યે આકર્ષિત છે.
- એલન મસ્કને કયું કામ ગમે?
- ઇજનેરી અને ડિઝાઇન:તેઓ નવા ઉત્પાદનોની ડિઝાઇન અને વિકાસમાં સક્રિયપણે જોડાય છે.
- વાંચન અને સંશોધન:તેઓ નવી ટેકનોલોજી વિશે જાણવા અને પુસ્તકો વાંચવાનું બહુ પસંદ કરે છે.
- ઉદ્યોગસાહસ અને નવીનતા:તેઓ નવા બિઝનેસ શરૂ કરવા અને નવીનતાઓ લાવવાનું પસંદ કરે છે.
- ફિટનેસ અને કસરત:તેઓ ટ્રેડમિલ પર દોડવાનું અને તાઇક્વાન્ડો જેવા માર્શલ આર્ટ્સ પસંદ કરે છે.
મસ્ક વિશે લોકો શું વિચારે છે?
- પાવરફુલ લીડર:મસ્કને એક પ્રભાવશાળી નેતા ગણવામાં આવે છે, જે નવી દિશામાં કંપનીઓને આગળ લઈ જવાની ક્ષમતા ધરાવે છે.
- વિવાદાસ્પદ વ્યક્તિત્વ:તેઓ પોતાની ટ્વિટર પોસ્ટ્સ અને જાહેર નિવેદનોને કારણે ઘણીવાર વિવાદમાં આવી જાય છે.
એલન મસ્કનું જીવન વ્યસ્ત છે, પણ તેમની શિસ્તબદ્ધ જીવનશૈલી અને નવું શીખવાની ધગશ તેમને દુનિયાના અગ્રણી ઉદ્યોગસાહસિકોમાં સામેલ કરે છે
