KTM RC 160 bike launched: KTM એ ભારતીય બજારમાં રેસિંગ DNA થી ભરપૂર તેની નવી RC 160 લોન્ચ કરી છે. 160cc સેગમેન્ટમાં સ્થિત આ ફુલ-ફેર સ્પોર્ટ્સ બાઇક, એવા રાઇડર્સ માટે છે, જે ટ્રેક-ઇન્સપાયર ડિઝાઇન અને વધુ સારું પર્ફોમન્સ ઇચ્છે છે. KTM RC 160 ની કિંમત ₹1.85 લાખ (એક્સ-શોરૂમ, અમદાવાદ) છે. તે દેશભરના KTM ડીલરશીપ પર ઉપલબ્ધ થશે.
એન્જિન અને પર્ફોર્મન્સ
KTM RC 160 માં 164.2cc, લિક્વિડ-કૂલ્ડ, સિંગલ-સિલિન્ડર SOHC એન્જિન છે. આ એન્જિન 9,500rpm પર 19bhp અને 7,500rpm પર 15.5Nm ટોર્ક ઉત્પન્ન કરે છે. આ એન્જિન 6-સ્પીડ ગિયરબોક્સ સાથે આસિસ્ટ અને સ્લિપર ક્લચ સાથે જોડાયેલું છે. બાઇકનું એન્જિન 10,200rpm સુધી ફરે છે અને તેની ટોપ સ્પીડ 118 km/h છે, જે તેને સેગમેન્ટમાં એક સ્પોર્ટી ઓપ્શન બનાવે છે.
ફીચર્સ અને ટેકનોલોજી
KTM RC 160 માં 13.75-લિટર મેટલ ફ્યુઅલ ટાંકી છે, જે લાંબી સવારી માટે મદદરૂપ થશે. બાઇકમાં સંપૂર્ણ LED લાઇટિંગ સેટઅપ, સ્પ્લિટ હેન્ડલબાર અને LCD ઇન્સ્ટ્રુમેન્ટ ક્લસ્ટર છે. તેમાં CAN-આધારિત ઇલેક્ટ્રોનિક સિસ્ટમ છે, અને TA વેરિઅન્ટમાં નેવિગેશન સપોર્ટ પણ ઉપલબ્ધ છે. વધુમાં, ABS માટે સુપરમોટો મોડ, ઇલેક્ટ્રોનિક ફ્યુઅલ ઇન્જેક્શન અને સ્લિપર ક્લચ જેવી ટેકનોલોજી આ બાઇકને વધુ રાઇડર-ફ્રેન્ડલી બનાવે છે.
ડિઝાઇન
KTM RC 160 નો દેખાવ સંપૂર્ણપણે KTM ની રેસિંગ બાઇક્સથી ઇન્સપાયર છે. તેમાં ટ્રેલીસ ફ્રેમ સાથે ફુલ-ફેરિંગ બોડીવર્ક છે, જે તેને શાર્પ અને એગ્રેસીવ લુક આપે છે. સસ્પેન્શન ડ્યુટીઝ 37mm અપસાઇડ-ડાઉન ફ્રન્ટ ફોર્ક્સ અને રીઅર મોનોશોક યુનિટ દ્વારા હેન્ડલ કરવામાં આવે છે. બાઇક 17 ઇંચના એલોય વ્હીલ્સ પર ચાલે છે જેમાં આગળ 110/70 સેક્શન ટાયર અને પાછળ 140/60 સેક્શન ટાયર છે. બ્રેકિંગ આગળ 320mm ડિસ્ક બ્રેક્સ અને પાછળ 230mm ડિસ્ક બ્રેક્સ દ્વારા હેન્ડલ કરવામાં આવે છે, જે ડ્યુઅલ-ચેનલ ABS દ્વારા સપોર્ટેડ છે.
યુવા રાઇડર્સ માટે રેસિંગનો અનુભવ
લૉન્ચ સમયે, બજાજ ઓટોના પ્રોબાઇકિંગ ડિવિઝનના પ્રમુખ માણિક નાંગિયાએ જણાવ્યું હતું કે, KTM RC 160 નો ઉદ્દેશ્ય શક્ય તેટલા યુવાનોને ટ્રેક-ઇન્સપાયર રાઇડિંગ અનુભવ આપવાનો છે. તેમના મતે, આ બાઇક ફક્ત એન્ટ્રી-લેવલ સ્પોર્ટ્સ મશીન નથી, પરંતુ KTM ના પર્ફોમન્સ-લક્ષી વિશ્વમાં પ્રથમ પગલું છે, જે સ્પીડ, કંટ્રોલ અને આત્મવિશ્વાસનું કોમ્બિનેશન આપે છે.
