ત્વચા પરના બ્લેકહેડ્સથી મળશે છુટકારો : બસ અજમાવો આ ઘરગથ્થુ ઉપચાર

બ્લેકહેડ્સ એ સામાન્ય સમસ્યા છે.ખાસ કરીને ચહેરા પર જે ત્વચાની porosity અને તેલના ઉત્પાદનને કારણે થાય છે. જ્યારે છિદ્રોમાં જમા થયેલું તેલ, ગંદકી, મૃત ત્વચાના કોષો અને બેક્ટેરિયા હવાના સંપર્કમાં આવે છે અને કાળા થઈ જાય છે ત્યારે આ બને છે. બ્લેકહેડ્સ તમારી ત્વચાને નિર્જીવ બનાવે છે. બ્લેકહેડ્સની સમસ્યાને દૂર કરવા માટે ઘણા ઉપાયો છે. જેમાંથી કેટલાક સરળ ઘરેલું ઉપચાર છે.

બ્લેકહેડ્સથી છુટકારો મેળવવા અજમાવો ઘરગથ્થુ ઉપચાર
હળદર અને ચણાના લોટનો ફેસ પેક
હળદર અને ચણાનો લોટ કુદરતી એન્ટીબેક્ટેરિયલ અને એન્ટિફંગલ છે, જે ત્વચાને સાફ કરવામાં મદદ કરે છે.
1. એક ચમચી ચણાના લોટમાં 1/2 ચમચી હળદર અને થોડું દહીં ઉમેરો.

2. આ મિશ્રણને ચહેરા પર લગાવો અને તે સુકાઈ જાય ત્યાં સુધી રહેવા દો.

3. સુકાઈ ગયા પછી હળવા હાથે સ્ક્રબ કરો અને પછી પાણીથી ધોઈ લો. આ પેક ત્વચાને ઊંડે સુધી સાફ કરે છે અને બ્લેકહેડ્સ ઘટાડવામાં મદદ કરે છે.

સ્ટીમ લો
સ્ટીમ લેવાથી ત્વચાના છિદ્રો ખુલે છે, જેનાથી બ્લેકહેડ્સ દૂર કરવામાં સરળતા રહે છે.
1. એક વાસણમાં પાણી ગરમ કરો અને ચહેરા પર તેની વરાળ લો.

2. ધ્યાન રાખો કે પાણી વધારે ગરમ ન હોવું જોઈએ, જેથી ત્વચા બળી ન જાય.

3. સ્ટીમ લીધા પછી ચહેરાને ઠંડા પાણીથી ધોઈ લો અને રોમછિદ્રો બંધ કરી દો.