ભારતીય માર્ગો પર અત્યંત લોકપ્રિય એવી Kia Seltos હવે પોતાની સેકન્ડ જનરેશનમાં પ્રવેશ કરી ચૂકી છે. આ વખતે કંપનીએ SUVને નવું આકર્ષક ડિઝાઈન અને અપડેટેડ ફીચર્સ આપ્યા છે. જોકે, એન્જિન અને ટ્રાન્સમિશન વિકલ્પોમાં કોઈ ફેરફાર કર્યા વગર તેને યથાવત રાખવામાં આવ્યા છે. નવી Kia Seltos ને કુલ 10 વેરિઅન્ટ્સમાં રજૂ કરવામાં આવી છે, જેમાં દરેક ટ્રિમ સાથે એન્જિન અને ગિયરબોક્સનું અલગ કોમ્બિનેશન મળે છે.
નવી Kia Seltos ની વેરિઅન્ટ વાઈઝ કિંમતો
કંપનીએ દરેક એન્જિન અને ટ્રાન્સમિશન મુજબ અલગ અલગ કિંમતો નક્કી કરી છે. નીચે મુજબ તેની વિગતવાર યાદી છે:
એન્જિન / ટ્રાન્સમિશન | વેરિઅન્ટ (ટ્રિમ / પેક) | કિંમત (અંદાજિત) |
G1.5 6MT (Petrol) | HTE થી HTX (A) | ₹ 10,99,000 થી ₹ 16,69,000 |
G1.5 IVT (Automatic) | HTE (O) થી X-Line (A) | ₹ 13,39,000 થી ₹ 19,49,000 |
G1.5 T-GDi 6iMT (Turbo) | HTE (O) થી HTK (O) | ₹ 12,89,000 થી ₹ 14,99,000 |
G1.5 T-GDi 7DCT (Turbo) | HTK (O) થી X-Line (A) | ₹ 16,29,000 થી ₹ 19,99,000 |
1.5L Diesel 6MT | HTE થી HTX (A) | ₹ 12,59,000 થી ₹ 18,29,000 |
1.5L Diesel 6AT | HTE (O) થી X-Line (A) | ₹ 14,99,000 થી ₹ 19,99,000 |
એન્જિન ઓપ્શન્સ અને પાવર ડિટેલ્સ
નવી Seltos માં ત્રણ એન્જિન વિકલ્પો આપવામાં આવ્યા છે:
1.5-લીટર NA પેટ્રોલ: 115 PS પાવર અને 144 Nm ટોર્ક. તેમાં 6-સ્પીડ MT અને CVT નો વિકલ્પ છે.
1.5-લીટર ટર્બો-પેટ્રોલ: 160 PS પાવર અને 253 Nm ટોર્ક. આ સૌથી પાવરફુલ એન્જિન છે જેમાં 6-સ્પીડ iMT અને 7-સ્પીડ DCT ટ્રાન્સમિશન મળે છે.
1.5-લીટર ડીઝલ: 116 PS પાવર અને 250 Nm ટોર્ક. તે 6-સ્પીડ મેન્યુઅલ અને 6-સ્પીડ ઓટોમેટિક સાથે ઉપલબ્ધ છે.
કયા વેરિઅન્ટમાં શું છે ખાસ?
બેઝ વેરિઅન્ટ HTE: આમાં માત્ર મેન્યુઅલ પેટ્રોલ અને ડીઝલ એન્જિન જ ઉપલબ્ધ છે. ઓટોમેટિક કે CVT નો વિકલ્પ મળતો નથી.
લોઅર વેરિઅન્ટ્સ HTE (O) અને HTK: અહીં ગ્રાહકોને પેટ્રોલ CVT, ટર્બો-પેટ્રોલ iMT અને ડીઝલ ઓટોમેટિકના વધારાના વિકલ્પો મળી રહે છે.
વર્સેટાઈલ HTK (O): આ વેરિઅન્ટ સૌથી યુનિક છે કારણ કે તેમાં ત્રણેય એન્જિન અને તમામ ટ્રાન્સમિશન વિકલ્પો ખુલ્લા છે.
ટોપ વેરિઅન્ટ્સ (GTX અને X-Line): આ ટ્રિમ્સ સંપૂર્ણપણે ઓટોમેટિક પર ધ્યાન કેન્દ્રિત કરે છે. અહીં મેન્યુઅલ ગિયરબોક્સનો કોઈ વિકલ્પ આપવામાં આવ્યો નથી. આ વેરિઅન્ટ્સમાં હવે નેચરલી એસ્પિરેટેડ પેટ્રોલ એન્જિન પણ CVT સાથે ઉપલબ્ધ કરાવવામાં આવ્યું છે.
