Actor Kartik Aaryan: બોલિવુડ અભિનેતા કાર્તિક આર્યન આ દિવસોમાં પોતાની નાની બહેન કૃતિકા ટિયા શર્માના લગ્નને કારણે ચર્ચામાં છે. લગ્નની દરેક રસમમાં પુરા ઉત્સાહથી ભાગ લેનાર કાર્તિકે હવે લગ્ન પૂરા થતાં જ ઈન્સ્ટાગ્રામ પર પોતાની બહેન માટે એક લાંબી અને ખૂબ જ ભાવુક નોંધ લખી છે.
મને તારા પર ગર્વ છે… તારા મૂલ્યો પર ગર્વ છે
કાર્તિકે લગ્નના અનેક સુંદર ફોટા શેર કરતાં લખ્યું, “કેટલાક દિવસો એવા હોય છે જે શાંતિથી તમારી દુનિયા બદલી નાખે છે. આજનો દિવસ તેમાંથી એક હતો. મારી કિકીને દુલ્હન તરીકે જોતા એવું લાગ્યું કે વર્ષો એક ક્ષણમાં બદલાતા રહ્યા. કિકી, મેં તને તે નાની છોકરીથી મોટી થતી જોઈ છે જે મારી પાછળ પાછળ દરેક જગ્યાએ આવતી હતી… અને આજે આ સુંદર દુલ્હન બનીને ખૂબ આનંદ અને શક્તિ સાથે નવા જીવનમાં પ્રવેશ કરી રહી છે. મને તારા પર ગર્વ છે… તારા મૂલ્યો પર ગર્વ છે. અમે જે હાસ્ય, ઝઘડા, રહસ્યો અને યાદો શેર કરી છે તે બધા માટે આભાર.
તું હંમેશા અમારા પરિવારની ધડકન રહેશે
”તેણે આગળ લખ્યું, “આજે જેમ તું આગળ વધી રહી છે, મારું હૃદય તારી સાથે છે. તું જે ઈચ્છે છે એ બધું તને મળે. તું હંમેશા મારી નાની બહેન, અમારા પરિવારની ધડકન રહેશે. મને એ જાણીને વધુ ખુશી છે કે તને તેજ જેવો શુદ્ધ અને કેરિંગ વ્યક્તિ મળ્યો છે. આ નવી સફર તને તે બધું આપે જેનું તેં ક્યારેય સપનું જોયું હશે.”
“એક હજારો મેં મેરી બહેના હૈ” પર બહેન સાથે પર્ફોર્મ
લગ્ન દરમિયાન કાર્તિકના નૃત્યના વીડિયો પણ ખૂબ વાયરલ થયા હતા. હલ્દીમાં “કજરા રે” પર ધમાલ મચાવતો, સંગીતમાં “એક હજારો મેં મેરી બહેના હૈ” પર બહેન સાથે પર્ફોર્મ કરવું અને ફૂલોની ચાદર નીચે બહેનને મંડપ સુધી લઈ જવું – દરેક ક્ષણમાં કાર્તિકનો ભાઈ તરીકેનો પ્રેમ સ્પષ્ટ દેખાયો. કામના મોરચે કાર્તિક આર્યન હાલ “તુ મેરી મૈં તેરા મૈં તેરા તુ મેરી” ફિલ્મમાં વ્યસ્ત છે, જેમાં તે અનન્યા પાંડે સાથે જોવા મળશે. ફિલ્મ 25 ડિસેમ્બર 2025ના રોજ સિનેમાઘરોમાં રિલીઝ થશે.
