14 દિવસના રિમાન્ડ પર હીરોઈન! : DGP ની દીકરી અને જાણીતી અભિનેત્રી કરોડોના સોનાની સ્મગલિંગ કરતા રંગેહાથ ઝડપાઈ

નવી દિલ્હી: ડીજીપીની દીકરી કરોડોના સોનાની દાણચોરી કરતા ઝડપાઈ હોવાના સનસનીખેજ અહેવાલ સામે આવ્યાં છે. જે પ્રકારે આ ઘટના બની છે એ જાણીને તો સુરક્ષા એજન્સીઓ પણ હેરાન રહી ગઈ હતી. કન્નડ અભિનેત્રી રાણ્યા રાવની બેંગલુરુના કેમ્પેગૌડા આંતરરાષ્ટ્રીય એરપોર્ટ પર તેના કબજામાંથી 14.8 કિલોગ્રામ સોનું મળી આવ્યા બાદ ધરપકડ કરવામાં આવી હતી. તપાસ દરમિયાન ખબર પડી કે તેના પિતા એક રાજ્યના પોલીસ વડા છે. પિતા ડીજીપી હોવાથી ટર્મિનલમાંથી કોઈપણ તપાસ વગર બહાર આવતી હતી રાન્યા. મંગળવારે સાંજે તેને જજ સમક્ષ રજૂ કરવામાં આવી હતી અને 14 દિવસના રિમાન્ડ પર Judicial Custody માં મોકલવામાં આવી હતી.

સોનાની સ્મગલિંગ કરતા ઝડપાયેલી રૂપસુંદરી કોણ છે?
સૌથી પહેલાં એ જાણી લઈએ કે સોનાની દાણચોરીના આરોપમાં ધરપકડ કરાયેલ કન્નડ અભિનેત્રી રાણ્યા રાવ કોણ છે? રાણ્યા રાવ કર્ણાટકના ચિકમગલુરુની રહેવાસી છે. તેણીએ બેંગ્લોરની દયાનંદ સાગર કોલેજ ઓફ એન્જિનિયરિંગમાંથી એન્જિનિયરિંગની ડિગ્રી પૂર્ણ કરી છે. રાવે 2014 માં કન્નડ સુપરસ્ટાર સુદીપ સાથે 'માનિક્ય' (2014) ફિલ્મમાં પોતાનું ફિલ્મી કરિયર શરૂ કર્યું હતું. 2013 ની તેલુગુ ફિલ્મ 'મિર્ચી' ની રિમેક, 'માનિક્ય' માં રાવ એક પ્રભાવશાળી પરિવારની સ્ત્રી 'માનસા' તરીકે દર્શાવવામાં આવી છે, જે સુદીપની પ્રેમિકા બને છે.

તેણી તમિલ ફિલ્મ 'વાઘા' (2016) માં પણ વિક્રમ પ્રભુ સાથે જોવા મળી હતી. રાણ્યા આ ફિલ્મમાં પ્રભુની પ્રેમિકાની ભૂમિકા ભજવે છે, જેમાં ભારતમાં રમખાણો ફાટી નીકળ્યા પછી એક ભારતીય સૈનિક તેને પાકિસ્તાન પરત લઈ જતો બતાવે છે. કાશ્મીરમાં રમખાણો ફાટી નીકળ્યા પછી તે મુશ્કેલીમાં ફસાઈ જાય છે અને ત્યાંના પાકિસ્તાની રહેવાસીઓ સામેના તમામ વિરોધ વચ્ચે, તેને તેના પ્રેમીને તેના ઘરે, પાકિસ્તાનમાં પાછો લઈ જવો પડે છે. કન્નડ કોમેડી ફિલ્મ 'પટકી' (2017) માં, તેણી સંગીતા, એક પત્રકાર અને અભિનેતા ગણેશના પાત્રની પ્રેમિકાની ભૂમિકા ભજવી ચુકી છે. તેણી IPS અધિકારી અને પોલીસ મહાનિર્દેશક (પોલીસ હાઉસિંગ કોર્પોરેશન) રામચંદ્ર રાવની સાવકી પુત્રી હોવાનો દાવો કરે છે.