કાજલ અગ્રવાલે સાઉથ ઇન્ડસ્ટ્રીની શિસ્તના કર્યા વખાણ : સલમાન ખાન વિશે કર્યો ખુલાસો

કાજલ અગ્રવાલે સાઉથ ઇન્ડસ્ટ્રીની શિસ્તના કર્યા વખાણ, સલમાન ખાન વિશે કર્યો ખુલાસો

અભિનેત્રી કાજલ અગ્રવાલે તાજેતરના એક ઇન્ટરવ્યૂમાં સાઉથ ફિલ્મ ઇન્ડસ્ટ્રી અને બોલિવૂડ વચ્ચેના કામ કરવાની રીત અંગે ખુલ્લેઆમ વાત કરી. તેમણે જણાવ્યું કે સાઉથ ઇન્ડસ્ટ્રીમાં સમયપાલન અને શિસ્તને ખૂબ મહત્વ આપવામાં આવે છે, જ્યારે બોલિવૂડમાં ઘણી વખત કામ નક્કી કરેલા સમય મુજબ થતું નથી.

'સાઉથમાં સમય એટલે સમય'

કાજલે જણાવ્યું કે જો શૂટિંગનો કોલ ટાઇમ સવારે 6 વાગ્યાનો હોય તો કામ બરાબર તે જ સમયે શરૂ થાય છે. બપોરે લંચ બ્રેક પણ સમયસર મળે છે, જેના કારણે કામ વધુ વ્યવસ્થિત રીતે થાય છે. તેમના મતે, આ શિસ્તને કારણે કામ કરવાનો અનુભવ વધુ સારો બને છે.

આ પણ વાંચો : https://offbeatstories.in/news/jeetendra-rs-4-25-lakh-bungalow-worth-rs-450-crore-gujarati-8470788805

સલમાન ખાન સાથેનો અનુભવ શેર કર્યો

કાજલ અગ્રવાલે કહ્યું કે બોલિવૂડમાં તેમને સૌથી વધુ રાહ સલમાન ખાન માટે જોવી પડી હતી. તેમણે જણાવ્યું કે શૂટિંગ દરમિયાન સલમાન ખાન ઘણીવાર બપોરે અથવા સાંજે સેટ પર આવતા હતા. રાહ જોવાના સમયનો ઉપયોગ તેઓ જિમમાં વર્કઆઉટ કરીને કરતા હતા. જોકે, તેમણે આ વાત માત્ર પોતાના અનુભવ તરીકે શેર કરી હતી.