₹4.25 લાખમાં ખરીદેલો જીતેન્દ્રનો બંગલો આજે ₹450 કરોડનો : એક સમયે 'અનલકી' લાગેલો બંગલો આજે મુંબઈની સૌથી મૂલ્યવાન પ્રોપર્ટીમાં ગણાય છે

₹4.25 લાખમાં ખરીદેલો બંગલો આજે ₹450 કરોડનો, જીતેન્દ્રે સંભળાવી રસપ્રદ કહાની

બોલિવૂડના દિગ્ગજ અભિનેતા જીતેન્દ્રે વર્ષો પહેલાં મુંબઈના પાલી હિલ વિસ્તારમાં અભિનેતા ભરત ભૂષણ પાસેથી માત્ર ₹4.25 લાખમાં એક બંગલો ખરીદ્યો હતો. તે સમયે આ સોદો સામાન્ય લાગતો હતો, પરંતુ આજે તે જ જમીનની કિંમત અંદાજે ₹450 કરોડ સુધી પહોંચી ગઈ છે.

'અનલકી' માનીને છોડી દીધો હતો બંગલો

જીતેન્દ્રે એક ઇન્ટરવ્યૂમાં જણાવ્યું કે બંગલામાં રહેવા ગયા બાદ તેમની સતત 4 ફિલ્મો ફ્લોપ ગઈ હતી. તેના કારણે તેમને લાગ્યું કે આ ઘર તેમના માટે શુભ નથી. તેથી તેમણે પરિવાર સાથે ત્યાંથી સ્થળાંતર કરવાનો નિર્ણય લીધો.

લાકડામાંથી જ મળી ગઈ ખરીદી કિંમત કરતાં વધુ રકમ

વર્ષો પછી જ્યારે બંગલાનું પુનઃવિકાસ (Redevelopment) થયું, ત્યારે તેમાં વપરાયેલ બર્મા ટીકના લાકડામાંથી જ જીતેન્દ્રને ₹11.5 લાખ મળ્યા. એટલે કે, માત્ર લાકડાની વેચાણ કિંમત જ બંગલાની મૂળ ખરીદી કિંમત કરતાં ઘણી વધારે હતી. બાદમાં આ જગ્યાએ ગૌતમ એપાર્ટમેન્ટ્સ બનાવવામાં આવ્યા.

આ પણ વાંચો : https://offbeatstories.in/news/imtiaz-ali-childhood-home-jamshedpur-emotional-gujarati-7941662628

આજે જમીનની કિંમત કરોડોમાં

સમય જતાં પાલી હિલ મુંબઈના સૌથી મોંઘા વિસ્તારોમાં સામેલ થઈ ગયો. જીતેન્દ્રના જણાવ્યા મુજબ, જ્યાં ક્યારેય તેમનો બંગલો હતો, તે જમીનની હાલની અંદાજિત કિંમત ₹450 કરોડ છે. આ સોદો તેમના જીવનના સૌથી સફળ રિયલ એસ્ટેટ રોકાણોમાંનો એક માનવામાં આવે છે.