ICC Women's World Cup 2025 India vs South Africa Final: 2025 મહિલા વર્લ્ડ કપની ફાઇનલ 2 નવેમ્બરના રોજ ભારત અને સાઉથ આફ્રિકા વચ્ચે રમાશે. આ મેચ રવિવાર (2 નવેમ્બરે) નવી મુંબઈના ડીવાય પાટિલ સ્ટેડિયમ ખાતે રમાશે. આ એ જ સ્ટેડિયમ છે જ્યાં ભારતીય ટીમે સેમિફાઇનલમાં ઓસ્ટ્રેલિયાને 5 વિકેટથી હરાવીને રેકોર્ડ રન ચેઝ કર્યો હતો. સેમિફાઇનલમાં સાત વખતના વર્લ્ડ ચેમ્પિયન ઓસ્ટ્રેલિયાને હરાવ્યા બાદ Jemimah Rodrigues ભાવુક દેખાઈ રહી હતી. જીત પછી તે મેદાનમાં રડી પડી હતી, પ્લેયર ઓફ ધ મેચનો એવોર્ડ મેળવતી વખતે પણ તેના આંસુ વહી રહ્યા હતા. ત્યારપછીની પ્રેસ કોન્ફરન્સમાં, તેને પોતાની ચિંતા, તેના ફોર્મ અને ટીમમાંથી તેની ડ્રોપ થવા વિશે પર વાત કરી.
Jemimahને મળ્યો બેસ્ટ ફીલ્ડરનો એવાર્ડ
હવે, BCCIએ Jemimahનો વધુ એક નવો વીડિયો શેર કર્યો છે. આ વીડિયોમાં, મહિલા ટીમના ફિલ્ડિંગ કોચ Munish Baliએ પહેલા ટીમને સંબોધન કર્યું. ત્યારપછી Jemimahને તેની ઉત્તમ ફિલ્ડિંગ માટે મેડલ પણ આપવામાં આવ્યો હતો. આ વીડિયોમાં Munish Baliએ Renuka Singhની પ્રશંસા કરી, નોંધ્યું કે તેને ઓસ્ટ્રેલિયા સામે ફિલ્ડિંગથી 10 વાર બોલ રોક્યો હતો. તેમણે Shree Charaniના કેચ અને બોલિંગના વખાણ કર્યા. Kranti Goudએ ફિલ્ડિંગમાં ડાઇવ મારવાની રીતથી ફિલ્ડિંગ કોચ પણ ખુશ હતા. Jemimah Rodriguesએ ઓસ્ટ્રેલિયા સામેની મેચમાં એક રન-આઉટ કર્યો અને એક શાનદાર કેચ પકડ્યો, જેના માટે તેને બેસ્ટ ફિલ્ડરનો એવોર્ડ આપવામાં આવ્યો.
BCCI દ્વારા શેર કરાયેલા વીડિયોમાં Jemimah Rodriguesએ શું કહ્યું?
જ્યારે Jemimahને બેસ્ટ ફિલ્ડરનો મેડલ આપવામાં આવ્યો, ત્યારે તેને ઓસ્ટ્રેલિયા સામેની રમેલી 127ની નોટઆઉટ ઇનિંગનો પણ ઉલ્લેખ કર્યો. Jemimahએ કહ્યું, "જ્યારે હું 85 રન પર હતી, ત્યારે હું થાકી ગઈ હતી. ટીમના ખેલાડીઓ સતત મેદાનમાં આવી રહ્યા હતા અને મને પીવા માટે પાણી આપી રહ્યા હતા." આ દરમિયાન Jemimahએ Deepti Sharmaનો પણ ઉલ્લેખ કર્યો. તેને કહ્યું, "મેં Deeptiને મારી સાથે વાત કરતા રહેવા કહ્યું. તે પછી, તેને મને સતત પ્રોત્સાહિત કરતી રહી, તેણે મારા એક રન માટે પોતાની વિકેટ પણ છોડી દીધી. જ્યારે તે પાછી જઈ રહી હતી, ત્યારે તેને મને કહ્યું કે, કંઈ વાંધો નહીં, બસ મેચ પૂરી કરીને પાછી આવજે...
પાર્ટનરશીપ અને વધુ એક મેચ!
Jemimahએ કહ્યું કે, જ્યારે ઘણીવાર ખાસ ઇનિંગ્સની ચર્ચા થાય છે, ત્યારે ભાગીદારી અને નાની ઇનિંગ્સ વિના તે અશક્ય છે. આ ઘણીવાર ધ્યાન બહાર રહે છે, પરંતુ Deepti, Richa Ghosh અને Amanjot Kaurની ઇનિંગ્સ મહત્વપૂર્ણ હતી. તેને ઉમેર્યું, "મારી બહેન (Harmanpreet Kaur) સાથેની મારી ખૂબ સારી પાર્ટનરશીપ હતી." પહેલા ઘણી વખત, જ્યારે આપણે વિકેટ ગુમાવતા હતા, ત્યારે આપણે મેચ હારી જતા હતા, પરંતુ હવે આ ભારતીય ટીમે તે બદલી નાખ્યું છે. વિડિઓના અંતે, તેને કહ્યું, "અમે પૂરતું કર્યું છે, ફક્ત એક વધુ..." Jemimah ફાઇનલ જીતવાનો ઉલ્લેખ કરી રહી હતી.
ભારતીય ટીમ વર્લ્ડ કપ ફાઇનલમાં કેટલા વખત આવી?
ભારતીય ટીમ અગાઉ 2005 અને 2017માં ODI વર્લ્ડ કપ ફાઇનલમાં પહોંચી ચૂકી છે. તેથી, હવે તેમની પાસે પહેલીવાર ODI વર્લ્ડ કપ ફાઇનલ જીતવાની તક છે.
