જગન્નાથપુરીમાં બનશે ભવ્ય રિસોર્ટ : નોનવેજ અને આલ્કોહોલ ફ્રિ રિસોર્ટની જાહેરાત

ઓડિશાના પુરીમાં આવેલા જગન્નાથ મંદિરમાં દેશ-વિદેશથી ભક્તો દર્શનાર્થે આવે છે. તીર્થયાત્રીઓની આ જરૂરિયાતનું ધ્યાન રાખતા મંદિરના એક પૂજારીએ રવિવારે કહ્યું કે વી જગન્નાથ પુરીમાં એક વૈભવી રિસોર્ટ બનાવવા જઈ રહ્યા છે, જેમાં 300 રૂમ્સ હશે. પૂજારીએ પત્રકાર પરિષદમાં જણાવ્યું કે "દરિયાકાંઠાનું રિસોર્ટ સંપૂર્ણપણે શુદ્ધ શાકાહારી અને આલ્કોહોલ મુક્ત હશે જેથી યાત્રાળુઓ આધૂનિક સુવિધાઓની સાથે આધ્યાત્મિક્તાનો અનુભવ કરી શકે.

આ રિસોર્ટ પુરીથી 8 કિમી દૂર સ્થિત હશે.
કહેવામાં આવી રહ્યું છે કે આ લક્ઝરી રિસોર્ટના નિર્માણ પર 200 કરોડ રૂપિયા ખર્ચ કરવામાં આવશે. "સેવાત દૈતાપતિ ભવાની દાસે કહ્યું," "પુરી હવે માત્ર એક ગંતવ્ય નથી રહ્યું, પરંતુ તે એક પવિત્ર સ્થળ છે જ્યાં દેવત્વ સમુદ્રને મળે છે". આ રિસોર્ટ આધ્યાત્મિક શાંતિ અને વૈભવી આતિથ્યનું મિશ્રણ હશે. 110 કરોડના ખર્ચે આ પ્રોજેક્ટ તૈયાર કરવામાં આવશે. આમાં જમીન સંપાદનનો ખર્ચ સામેલ નથી. મેરિડિયન મિસ્ટ હોટેલ એન્ડ રિસોર્ટ હેઠળ આ પ્રોજેક્ટ પુરીના જગન્નાથ મંદિરથી લગભગ 8 કિમી દૂર પુરી-કોણાર્ક મરીન ડ્રાઇવ સાથે સાત એકર જમીન પર બનાવવામાં આવશે.

2026માં પૂર્ણ થશે લક્ઝરી રિસોર્ટ
પૂજારીએ એમ પણ કહ્યું, "જમીન મારી છે અને જગન્નાથ મંદિરના હિતોનો કોઈ સંઘર્ષ નથી. તેમણે કહ્યું કે રિસોર્ટ, જે 2026ની રથયાત્રા પહેલા 14-16 મહિનામાં ખુલવાની અપેક્ષા છે, પુરીમાં આધ્યાત્મિક પ્રવાસનને ફરીથી વ્યાખ્યાયિત કરવાની અપેક્ષા છે, જે યાત્રાળુઓ તેમજ અન્ય પ્રવાસીઓને આકર્ષશે. પુજારી અને તેનો પરિવાર રિસોર્ટની 100 ટકા માલિકી ધરાવે છે, પરંતુ તેઓ પ્રોજેક્ટના સભ્યપદ કાર્યક્રમના પ્રતિસાદને આધારે ઇક્વિટી ઘટાડવા પણ તૈયાર છે.

મેમ્બરશિપ મળશે
3.5 લાખ રૂપિયા, 5 લાખ રૂપિયા અને 7 લાખ રૂપિયાના સભ્યોને પાંચ વર્ષ સુધી દર મહિને ત્રણ રાત રિસોર્ટમાં રહેવાની સુવિધા મળશે. આ રિસોર્ટનો ઉદ્દેશ પ્રારંભિક તબક્કામાં 5,000 સભ્યો ઉમેરવાનો છે. હોટેલમાં ફિટનેસ સેન્ટર, સ્પા, ટેનિસ કોર્ટ, જિમ અને ફિટનેસ સેન્ટર છે.