IPL 2026 Auction: IPL 2026ની તૈયારીઓ પૂર્ણ થઈ ગઈ છે અને મીની ઓક્શનની તારીખ, સ્થળ અને સમયની વિગતો જાહેર કરવામાં આવી છે. વિશ્વની સૌથી લોકપ્રિય ક્રિકેટ લીગ IPLમાં આગામી સીઝન માટે સ્ટેજ તૈયાર છે. બધી 10 ટીમોએ તેમના રિટેન કરેલા અને રિલીઝ કરેલા ખેલાડીઓની યાદી IPL ગવર્નિંગ કાઉન્સિલને સબમિટ કરી દીધી છે. હવે બધાની નજર 16 ડિસેમ્બરે યોજાનારી મીની હરાજી પર છે.
ઓક્શન ક્યારે અને ક્યાં થશે?
IPL 2026ની મીની ઓક્શન 16 ડિસેમ્બરે અબુ ધાબી (UAE)ના એતિહાદ એરેનામાં યોજાશે. આ એક દિવસની હરાજી હશે, જે ભારતીય સમય મુજબ બપોરે 2:30 વાગ્યે શરૂ થશે. આ ત્રીજી વખત છે જ્યારે IPL હરાજી ભારતની બહાર યોજાઈ રહી છે (2024માં દુબઈ, 2025માં જેદ્દાહ પછી). મીની હરાજી હોવાથી ટીમો રાઇટ ટુ મેચ (RTM) વિકલ્પનો ઉપયોગ કરી શકશે નહીં.
ઓક્શનમાં કેટલા ખેલાડીઓ ખરીદી શકાશે?
કુલ 77 ખેલાડીઓ ખરીદી શકાશે, જેમાંથી 31 વિદેશી ખેલાડીઓ છે. ઓક્શન માટે 350 ખેલાડીઓ શોર્ટલિસ્ટ કરવામાં આવ્યા છે (આમાંથી કેટલાક અનકેપ્ડ પણ છે). નોંધનીય છે કે 40 ખેલાડીઓએ ₹2 કરોડની બેઝ પ્રાઇસ સાથે નોંધણી કરાવી છે, જેમાં ભારતના વેંકટેશ ઐયર અને રવિ બિશ્નોઈ જેવા સ્ટાર્સનો સમાવેશ થાય છે.ટીમોના નિયમો: કોઈપણ ટીમમાં વધુમાં વધુ 25 ખેલાડીઓ રાખી શકાય છે (ન્યૂનતમ 18).
વધુમાં વધુ 8 વિદેશી ખેલાડીઓ (પ્લેઇંગ XIમાં માત્ર 4).
કઈ ટીમ પાસે સૌથી વધુ પર્સ બાકી છે?
કોલકાતા નાઇટ રાઇડર્સ (KKR) પાસે હરાજી માટે સૌથી વધુ ₹64.30 કરોડ બાકી છે. પાંચ વખતની ચેમ્પિયન ચેન્નઈ સુપર કિંગ્સ (CSK) પાસે ₹43.40 કરોડ છે. બીજી તરફ, મુંબઈ ઇન્ડિયન્સ (MI) પાસે સૌથી ઓછા ₹2.75 કરોડ બાકી છે.આ મીની હરાજીમાં બિડિંગ વોર્સ રસપ્રદ રહેવાની અપેક્ષા છે, કારણ કે કેટલાક મોટા નામો જેવા કે કેમરોન ગ્રીન, વેંકટેશ ઐયર અને અન્ય સ્ટાર્સ હરાજીમાં ઉપલબ્ધ છે. હરાજીનું લાઇવ ટેલિકાસ્ટ સ્ટાર સ્પોર્ટ્સ અને જિયોસ્ટાર પર જોવા મળશે.
