IPL 2026; RCB અને SRH વચ્ચે રમાશે પ્રથમ મેચ! : 20 મેચોનું રોમાંચક શેડ્યૂલ થયું જાહેર, ક્યારે રમાશે પહેલી મેચ?

IPL 2026 : ક્રિકેટ પ્રેમીઓ જેની આતુરતાથી રાહ જોઈ રહ્યા હતા તે ઘડી આવી ગઈ છે. ઇન્ડિયન પ્રીમિયર લીગ (IPL) 2026 ના પ્રથમ તબક્કાના શેડ્યૂલની સત્તાવાર જાહેરાત કરવામાં આવી છે. આ વખતે ટૂર્નામેન્ટની શરૂઆત ખૂબ જ રોમાંચક થવાની છે, કારણ કે ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) ઘરઆંગણે મેદાનમાં ઉતરશે.

સીઝનનો પ્રારંભ

IPL 2026 નો પ્રારંભ 28 માર્ચ, શનિવારના રોજ થશે. સીઝનની પહેલી જ મેચ બેંગલુરુના એમ. ચિન્નાસ્વામી સ્ટેડિયમમાં રમાશે, જેમાં ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) અને સનરાઇઝર્સ હૈદરાબાદ (SRH) આમને-સામને ટકરાશે.

દિગ્ગજ ટીમોના મુકાબલા

ટૂર્નામેન્ટના બીજા જ દિવસે એટલે કે, 29 માર્ચે મુંબઈ ઈન્ડિયન્સ (MI) વાનખેડે સ્ટેડિયમમાં કોલકાતા નાઈટ રાઈડર્સ (KKR) સામે પોતાનું અભિયાન શરૂ કરશે. તે જ રીતે, ચેન્નાઈ સુપર કિંગ્સ (CSK) ની પ્રથમ મેચ ગુવાહાટીમાં રાજસ્થાન રોયલ્સ (RR) સામે રમાશે. આ વખતે પંજાબ કિંગ્સ અને ગુજરાત ટાઇટન્સ વચ્ચેનો મુકાબલો પણ આકર્ષણનું કેન્દ્ર રહેશે.

પ્રથમ તબક્કાની વિગતો

IPL 2026 ના પ્રથમ તબક્કામાં કુલ 20 મેચો રમાવાની છે. આ શિડ્યુલમાં બે 'ડબલ હેડર' (એક દિવસમાં બે મેચ) નો પણ સમાવેશ કરવામાં આવ્યો છે, જે રવિવારના દિવસે રમાશે. વિવિધ શહેરો જેવા કે બેંગલુરુ, મુંબઈ, ગુવાહાટી, અમદાવાદ અને કોલકાતામાં મેચોનું આયોજન કરવામાં આવ્યું છે.

ગુજરાત ટાઇટન્સની મેચો

ગુજરાતી ક્રિકેટ ચાહકો માટે સારા સમાચાર એ છે કે, ગુજરાત ટાઇટન્સ તેમની પ્રથમ મેચ 31 માર્ચે પંજાબ કિંગ્સ સામે મુલ્લાનપુરમાં રમશે. ત્યારબાદ 4 એપ્રિલે અમદાવાદના નરેન્દ્ર મોદી સ્ટેડિયમમાં રાજસ્થાન રોયલ્સ સામે હાઇ-વોલ્ટેજ ડ્રામા જોવા મળશે.