પ્લેઓફની ટિકિટ કન્ફર્મ! : મુંબઈ ઈન્ડિયન્સના જબરદસ્ત વાપસી, માત્ર 15 દિવસમાં આ રીતે કર્યો 'ચમત્કાર'

Mumbai Indians: હાર્દિક પંડ્યાની આગેવાનીમાં પાંચ વખતની ચેમ્પિયન મુંબઈ ઈન્ડિયન્સ આઈપીએલ 2025માં શાનદાર પ્રદર્શન કરી રહી છે. એક સમયે ટીમ પ્લેઓફની રેસમાંથી સંપૂર્ણ રીતે બહાર દેખાતી હતી, પરંતુ તે પછી ટીમે જબરદસ્ત પુનરાગમન કર્યું અને ધમાકો સર્જ્યો.

પ્રથમ પાંચ મેચમાંથી માત્ર એક જ જીતી શકનારી મુંબઈની ટીમે હવે પછીની તમામ પાંચ મેચ જીતી લીધી છે. આ શાનદાર પ્રદર્શનના આધારે ટીમ હવે પ્લેઓફમાં જગ્યા બનાવવાની નજીક છે.

ટીમના હાલમાં 10 મેચમાં 12 પોઈન્ટ છે અને તે પોઈન્ટ ટેબલમાં ત્રીજા સ્થાને છે. ટીમે માત્ર 15 દિવસમાં આ જબરદસ્ત વાપસી કરી છે, જ્યાં એક સમયે તે પોઈન્ટ ટેબલમાં નવમા સ્થાને હતી. ટીમ પાસે હજુ ચાર મેચ બાકી છે અને જો તે અહીંથી બે મેચ પણ જીતી લે તો તેની પ્લેઓફમાં પહોંચવાની શક્યતા વધી જશે.