સાંઈ - ગિલની ધુઆંધાર બેટિંગમાં ઉડી ગઈ દિલ્હી : GTની ધમાકેદાર જીત સાથે પ્લેઓફમાં એન્ટ્રી

આજના IPL 2025ના રોમાંચક મુકાબલામાં, ગુજરાત ટાઇટન્સ (GT)એ દિલ્હી કેપિટલ્સ (DC) સામે 10 વિકેટથી વિજય મેળવીને પ્લેઓફમાં પોતાની જગ્યા નિશ્ચિત કરી છે. આ જીત સાથે GT, રોયલ ચેલેન્જર્સ બેંગલુરુ (RCB) અને પંજાબ કિંગ્સ (PBKS) પણ પ્લેઓફ માટે ક્વોલિફાય થઈ ગયા છે.

અરુણ જેટલી સ્ટેડિયમ, નવી દિલ્હીમાં રમાયેલી આ મેચમાં, DCએ પ્રથમ બેટિંગ કરતા 20 ઓવરમાં 199/3નો મજબૂત સ્કોર બનાવ્યો. કૅપ્ટન કે.એલ. રાહુલએ 112 રનની શાનદાર અણનમ ઇનિંગ રમી, જે IPL 2025માં કોઈ પણ રાઈટ-હેન્ડેડ બેટ્સમેનની પ્રથમ સદી છે . તેમની આ ઇનિંગે ટીમને મજબૂત સ્થિતિમાં પહોંચાડી, પરંતુ બોલિંગ વિભાગ તેમની મહેનતને જીતમાં ફેરવી શક્યો નહીં.

જવાબમાં, GTના ઓપનર્સ શુભમન ગિલ અને સાઈ સુદર્શને વિસ્ફોટક શરૂઆત આપી. સાઈ સુદર્શને 108 રન અને ગિલે 93 રન બનાવતાં, GTએ 19 ઓવરમાં વિના વિકેટ ગુમાવ્યા 205 રન બનાવીને મેચ જીતી લીધી . DCના બોલર્સ, ખાસ કરીને મિચેલ સ્ટાર્કની ગેરહાજરીમાં, GTના બેટ્સમેન સામે કોઈ પ્રભાવશાળી પ્રદર્શન કરી શક્યા નહીં.

આ જીત સાથે GT IPL 2025ના પ્લેઓફમાં પહોંચનાર પ્રથમ ટીમ બની છે, જ્યારે DC માટે પ્લેઓફની આશાઓ હવે મુશ્કેલ બની ગઈ છે.

ગિલે 5000 T20 રન પૂરા કર્યા

આ મેચમાં, સાઈ સુદર્શને 61 બોલમાં 108 રનની અણનમ ઇનિંગ રમી હતી જ્યારે શુભમન ગિલ 93 રનની અણનમ ઇનિંગ રમવામાં સફળ રહ્યો હતો. સુદર્શને 56 બોલમાં પોતાના IPL કારકિર્દીની બીજી સદી ફટકારી. તે જ સમયે, ગિલે સિઝનની તેની છઠ્ઠી અડધી સદી ફટકારી. આ મેચમાં ગુજરાતના કેપ્ટને પોતાના શાનદાર પ્રદર્શનથી T20 માં 5000 રન પૂરા કર્યા. તેણે 154 ઇનિંગ્સમાં આ સિદ્ધિ મેળવી હતી.

ટી20 માં સૌથી ઝડપી 5000 રન બનાવનાર બેટ્સમેન (ઇનિંગ્સ મુજબ)

132 - ક્રિસ ગેઇલ
143 - કેએલ રાહુલ
144 - શોન માર્શ
144 - ડેવોન કોનવે
145 – બાબર આઝમ
154 – શુભમન ગિલ