India Weather: ભારતના વિવિધ ભાગોમાં હવામાન ઝડપથી બદલાઈ રહ્યું છે. કેટલાક વિસ્તારોમાં વરસાદ, વાવાઝોડા, વીજળી અને ભારે પવનની સંભાવના છે, જ્યારે અન્યમાં તાપમાનમાં 4થી 7 ડિગ્રી સેલ્સિયસનો વધારો થઈ શકે છે. હવામાન વિભાગે મોટી ચેતવણી આપી છે, ચાલો જાણીએ સમ્રગ વિગતો.
ઉત્તરપૂર્વ ભારતમાં તીવ્ર વરસાદ અને તોફાનની ચેતવણી
અરુણાચલ પ્રદેશ, આસામ અને મેઘાલયમાં 22 અને 24 માર્ચે અલગ-અલગ જગ્યાએ ભારે વરસાદની સંભાવના.
26 માર્ચ સુધી છિટપૂટથી વ્યાપક હળવો થી મધ્યમ વરસાદ, વાવાઝોડા, વીજળી અને 30-50 કિમી/કલાકની ઝડપે પવનો.
નાગાલેન્ડ, મણિપુર, મિઝોરમ અને ત્રિપુરામાં પણ 22 માર્ચે વરસાદ અને તોફાનની અસર.
પર્વતીય અને ઉત્તરપશ્ચિમ ભારતમાં વરસાદ/હિમવર્ષા
હિમાચલ પ્રદેશ અને ઉત્તરાખંડમાં 23 માર્ચે હળવો વરસાદ/હિમવર્ષા અને 30-50 કિમી/કલાકના પવનો સાથે વીજળી.
26 માર્ચથી નવો હળવો પશ્ચિમી વિક્ષેપ (Western Disturbance) આવવાની સંભાવના, જેનાથી ઉત્તરપશ્ચિમમાં વધુ ફેરફાર થઈ શકે છે.
પૂર્વ અને પૂર્વીય ભારતમાં વરસાદ અને કરા
બિહાર, ઝારખંડ, ઓડિશા, પશ્ચિમ બંગાળ અને સબ-હિમાલયન વેસ્ટ બંગાળ-સિક્કિમમાં 24થી 28 માર્ચ દરમિયાન વરસાદ, વાવાઝોડા અને 30-50 કિમી/કલાક પવનો.
24 માર્ચે સબ-હિમાલયન વેસ્ટ બંગાળ-સિક્કિમમાં કરા (હેઇલસ્ટોર્મ)ની સંભાવના – ખેડૂતો માટે ખાસ સાવધાની જરૂરી.
મધ્ય અને પશ્ચિમ ભારતમાં તોફાની વરસાદ
છત્તીસગઢમાં 22-23 માર્ચે હળવો-મધ્યમ વરસાદ અને વાવાઝોડા.
મધ્ય મહારાષ્ટ્ર અને મરાઠવાડામાં 23થી 25 માર્ચે 40-50 કિમી/કલાક પવનો સાથે વીજળી અને વાવાઝોડા.
દક્ષિણ ભારતમાં વાવાઝોડા અને ગરમ-ભેજવાળું હવામાન તેલંગાણા, કોસ્ટલ આંધ્ર પ્રદેશ, રાયલસીમા વગેરેમાં 22થી 26 માર્ચ દરમિયાન અલગ-અલગ વાવાઝોડા અને 30-50 કિમી/કલાક પવનો.
કોંકણ-ગોવા, કેરળ વિસ્તારોમાં ગરમ અને ભેજવાળું હવામાન ચાલુ રહેશે.
તાપમાનમાં વધારો અને ગરમીની અસર
ઉત્તરપશ્ચિમ, મધ્ય અને પૂર્વ ભારતમાં આગામી 5 દિવસમાં મહત્તમ તાપમાન 4થી 7 ડિગ્રી વધવાની ધારણા.
દિવસનું તાપમાન વધુ તીવ્ર બની શકે છે, ખાસ કરીને ઉત્તર પ્રદેશ અને આસપાસના વિસ્તારોમાં.
માછીમારો અને ખેડૂતો માટે સલાહ
અરબી સમુદ્રના કેટલાક ભાગોમાં ભારે પવનોની ચેતવણી – માછીમારોએ દરિયામાં જતું ટાળવું.
ખેડૂતોએ વરસાદ, કરા અને તોફાનથી પાકના નુકસાનને રોકવા તૈયારી કરવી.
હવામાન વિભાગની સત્તાવાર વેબસાઇટ mausam.imd.gov.in પરથી નિયમિત અપડેટ ચકાસો અને સ્થાનિક ચેતવણીઓનું પાલન કરો.
