India vs Australia 4th Test: ભારત અને ઓસ્ટ્રેલિયા વચ્ચે 26 ડિસેમ્બરથી મેલબોર્નમાં પાંચ મેચની ટેસ્ટ સિરીઝની ચોથી મેચ શરૂ થશે. બન્ને ટીમો કોઈપણ કિંમતે આ મેચ જીતવા માંગે છે. બન્ને ટીમો વચ્ચે ત્રીજી મેચ ગાબા ખાતે રમાઈ હતી, જે વરસાદને કારણે ડ્રો થઈ હતી. બન્ને ટીમ ચોથી મેચ માટે મેલબર્ન પહોંચી ગઈ છે, જ્યાં ખેલાડીઓ જોરશોરથી પ્રેક્ટિસ કરી રહ્યા છે. ગઈકાલે ટીમ ઈન્ડિયાના તમામ ખેલાડીઓ મેલબર્નમાં પ્રેક્ટિસ કરતા જોવા મળ્યા હતા. હવે અહેવાલો સામે આવી રહ્યા છે કે ટીમ ઈન્ડિયા આજે મેલબોર્નમાં પ્રેક્ટિસ કરવા જઈ રહી નથી. જેનું મુખ્ય કારણ પણ સામે આવ્યું છે.
કેમ પ્રેક્ટિસ નહીં કરે ભારતીય ટીમ?
રિપોર્ટ અનુસાર ભારતીય ક્રિકેટ ટીમ સોમવારે મેલબર્નમાં ભારત વિરુદ્ધ ઓસ્ટ્રેલિયા બોક્સિંગ ડે ટેસ્ટ પહેલા પ્રેક્ટિસ નહીં કરે. છેલ્લા બે દિવસમાં નેટ સેશનમાં સખત તાલીમ અને પરસેવો પાડ્યા બાદ રોહિત શર્મા એન્ડ કંપનીને એક દિવસનો આરામ મળશે. બ્રિસબેનમાં ત્રીજી ટેસ્ટ ડ્રો કર્યા બાદ ભારતીય ખેલાડીઓએ મેલબોર્ન પહોંચતા જ ચોથી ટેસ્ટની તૈયારીઓ શરૂ કરી દીધી હતી.
There is no substitute for hard work.
— BCCI (@BCCI) December 21, 2024
The relentless effort behind the scenes translates into success on the field. The Indian bowlers are ticking every box as we get ready for the Boxing Day Test 🔥🔥#AUSvIND #TeamIndia pic.twitter.com/ikNQjJz77b
બીજી તરફ ઓસ્ટ્રેલિયન ટીમ બોક્સિંગ ડે ટેસ્ટ માટે મેલબર્ન પહોંચ્યા બાદ તેનું પ્રથમ નેટ સેશન કરશે. બોર્ડર-ગાવસ્કર ટ્રોફી જીતવાની અને પ્રથમ વખત વર્લ્ડ ટેસ્ટ ચેમ્પિયનશિપની ફાઇનલમાં જીતવાની આશા જીવંત રાખવા માટે ભારત માટે આ મેચ જીતવી મહત્વપૂર્ણ છે.
Getting into the groove for the Boxing Day Test 🏏#WTC25 | #AUSvIND pic.twitter.com/CUeeFjU0A7
— ICC (@ICC) December 22, 2024
નેટ સેશનમાં ઈજાગ્રસ્ત થયા ભારતીય ખેલાડીઓ
છેલ્લા ઘણા દિવસોથી ટીમ ઈન્ડિયા મેલબર્નમાં નેટ્સ પ્રેક્ટિસ કરી રહી છે. કેએલ રાહુલ અને કેપ્ટન રોહિત શર્મા પ્રેક્ટિસ દરમિયાન ઈજાગ્રસ્ત થયા હતા. ગઈકાલે રોહિત ઘૂંટણ પર આઈસ પેક લઈને બેઠો જોવા મળ્યો હતો, જેના કારણે ટીમ ઈન્ડિયાનું ટેન્શન વધવા લાગ્યું છે. જો કે, રાહુલ અને રોહિતની ઈજા કેટલી ગંભીર છે તે અંગે હજુ કંઈ કહી શકાય તેમ નથી
