IPL 2025: ક્રિકેટ ચાહકો માટે સૌથી મોટી ખુશખબર. ભારત-પાકિસ્તાન વચ્ચે યુદ્ધની સ્થિતિને પગલે સુરક્ષાના કારણોસર આઈપીએલ મેચને સ્થગિત કરવાનો નિર્ણય લેવામાં આવ્યો હતો. બીસીસીઆઈએ જણાવ્યું હતુંકે, હાલ અમારી સૌથી પહેલી પ્રાથમિકતા તમામ ખેલાડીઓની સુરક્ષાની છે. ખાસ કરીને તમામ વિદેશી ખેલાડીઓને તેમના ઘરે પહોંચાડવા એ બીસીસીઆઈની પ્રાથમિકતા હતી.
હાલ અમેરિકાની મધ્યસ્થતા અને ભારતે કરેલાં પ્રચંડ હુમલા બાદ ભીખારી પાકિસ્તાનની શાન ઠેકાણે આવી ગઈ છે. એટેલે પાકિસ્તાને યુદ્ધવિરામની ભીખ માગી છે. જેનો ભારતે સ્વીકાર કરતા હાલ ધીરે ધીરે સ્થિતિ સામાન્ય બની રહી છે. ત્યારે સૂત્રો પાસેથી એવી માહિતી સામે આવી રહી છેકે, આગામી 16 મે ના રોજ સ્થગિત થયેલી આઈપીએલની બાકીની મેચનો પ્રારંભ થશે. આઈપીએલની પહેલી ક્વાલિફાયર મેચ હૈદરાબાદ ખાતે રમાઈ શકે છે એવી પણ સંભાવના વ્યક્ત કરવામાં આવી છે. 30 મી મે ના રોજ આઈપીએલની ફાઈનલ રમાય તેવી પણ સંભાવના વ્યક્ત કરવામાં આવી છે. જોકે, આ સમાચાર હજુ પણ સત્તાવાર નથી. હજુ આ અંગે બીસીસીઆઈનું સત્તાવાર નિવેદન આવવાનું બાકી છે. તેમ છતાં હાલ આ મેસેજ વહેતો થતા ક્રિકેટ રસિકોમાં ઉત્સાહ જોવા મળી રહ્યો છે.
ઉલ્લેખનીય છેકે, ઇન્ડિયન પ્રીમિયર લીગ (IPL) 2025 માં 8 મે સુધી 58 મેચ રમાઈ હતી, જેમાં પંજાબ કિંગ્સ (PBKS) અને દિલ્હી કેપિટલ્સ (DC) વચ્ચેની મેચનો સમાવેશ થાય છે. ૮ મે (બુધવાર) ના રોજ ધર્મશાલામાં યોજાનારી આ મેચ ભારત-પાકિસ્તાન તણાવને કારણે અધવચ્ચે જ રદ કરવામાં આવી હતી. દરમિયાન, ધર્મશાલામાં હિમાચલ પ્રદેશ ક્રિકેટ એસોસિએશન (HPCA) સ્ટેડિયમ ખાલી કરાવવામાં આવ્યું હતું. ખેલાડીઓને ધર્મશાળાથી દિલ્હી લાવવા માટે એક ખાસ ટ્રેન ચલાવવામાં આવી હતી.
ગયા વર્ષે પણ IPL બે ભાગમાં યોજાઈ હતી-
૨૦૨૪ની આઈપીએલ બે ભાગમાં રમાઈ હતી કારણ કે તે જ સમયે લોકસભાની ચૂંટણીઓ પણ યોજાઈ રહી હતી. પહેલો ભાગ 22 માર્ચથી 7 એપ્રિલ સુધી ચાલ્યો હતો, જેમાં 21 મેચ રમાઈ હતી. આ પછી, જ્યારે ચૂંટણીની તારીખો નક્કી કરવામાં આવી, ત્યારે બાકીની મેચો અને પ્લેઓફ શેડ્યૂલ કરવામાં આવ્યા અને રમાયા. આ કારણે ટુર્નામેન્ટ સરળતાથી યોજાઈ શકી અને કોઈ સમસ્યા ન હતી.
આ વર્ષે ઇન્ડિયન પ્રીમિયર લીગ અને પાકિસ્તાન સુપર લીગનું આયોજન લગભગ એકસાથે કરવામાં આવ્યું છે. પીએસએલ 2025 11 એપ્રિલના રોજ શરૂ થયું. જ્યારે IPL 22 માર્ચે શરૂ થઈ હતી. પીએસએલ ડ્રાફ્ટ આઈપીએલ 2025 મેગા ઓક્શન પછી યોજવામાં આવ્યો હતો, જેથી ફક્ત તે ખેલાડીઓનો જ સમાવેશ કરી શકાય જે આઈપીએલ ઓક્શનમાં વેચાયા ન હતા. આવી સ્થિતિમાં, ડેવિડ વોર્નર, ડેરિલ મિશેલ, જેસન હોલ્ડર, રાસી વાન ડેર ડુસેન અને કેન વિલિયમસન જેવા મહાન ખેલાડીઓએ પીએસએલ તરફ વળ્યા. આ ખેલાડીઓ IPL 2025 ની મેગા હરાજીમાં વેચાયા વગરના રહ્યા.
પહેલા બાકીની મેચોનું શેડ્યૂલ આ પ્રમાણે હતું-
૫૮. પંજાબ કિંગ્સ વિરુદ્ધ દિલ્હી કેપિટલ્સ, ૮ મે, સાંજે ૭:૩૦ વાગ્યે, ધર્મશાલા (રદ મધ્યમાં)
૫૯. લખનૌ સુપર જાયન્ટ્સ વિરુદ્ધ રોયલ ચેલેન્જર્સ બેંગ્લોર, ૯ મે, સાંજે ૭:૩૦ વાગ્યે, લખનૌ
૬૦. સનરાઇઝર્સ હૈદરાબાદ વિરુદ્ધ કોલકાતા નાઈટ રાઇડર્સ, ૧૦ મે, સાંજે ૭:૩૦ વાગ્યે, હૈદરાબાદ
૬૧. પંજાબ કિંગ્સ વિરુદ્ધ મુંબઈ ઇન્ડિયન્સ, ૧૧ મે, બપોરે ૩:૩૦ વાગ્યે, ધર્મશાલા
૬૨. દિલ્હી કેપિટલ્સ વિરુદ્ધ ગુજરાત ટાઇટન્સ, ૧૧ મે, સાંજે ૭:૩૦ વાગ્યે, દિલ્હી
૬૩. ચેન્નાઈ સુપર કિંગ્સ વિરુદ્ધ રાજસ્થાન રોયલ્સ, ૧૨ મે, સાંજે ૭:૩૦ વાગ્યે, ચેન્નાઈ
૬૪. રોયલ ચેલેન્જર્સ બેંગ્લોર વિરુદ્ધ સનરાઇઝર્સ હૈદરાબાદ, ૧૩ મે, સાંજે ૭:૩૦ વાગ્યે, બેંગલુરુ
૬૫. ગુજરાત ટાઇટન્સ વિરુદ્ધ લખનૌ સુપર જાયન્ટ્સ, ૧૪ મે, સાંજે ૭:૩૦ વાગ્યે, અમદાવાદ
૬૬. મુંબઈ ઈન્ડિયન્સ વિરુદ્ધ દિલ્હી કેપિટલ્સ, ૧૫ મે, સાંજે ૭:૩૦ વાગ્યે, મુંબઈ
૬૭. રાજસ્થાન રોયલ્સ વિરુદ્ધ પંજાબ કિંગ્સ, ૧૬ મે, સાંજે ૭:૩૦ વાગ્યે, જયપુર
૬૮. રોયલ ચેલેન્જર્સ બેંગ્લોર વિરુદ્ધ કોલકાતા નાઈટ રાઈડર્સ, ૧૭ મે, સાંજે ૭:૩૦ વાગ્યે, બેંગલુરુ
૬૯. ગુજરાત ટાઇટન્સ વિરુદ્ધ ચેન્નઈ સુપર કિંગ્સ, ૧૮ મે, બપોરે ૩:૩૦ વાગ્યે, અમદાવાદ
૭૦. લખનૌ સુપર જાયન્ટ્સ વિરુદ્ધ સનરાઇઝર્સ હૈદરાબાદ, ૧૮ મે, સાંજે ૭:૩૦ વાગ્યે, લખનૌ
૭૧. ક્વોલિફાયર ૧, ૨૦ મે, સાંજે ૭:૩૦ વાગ્યે, હૈદરાબાદ
૭૨. એલિમિનેટર, ૨૧ મે, સાંજે ૭:૩૦ વાગ્યે, હૈદરાબાદ
૭૩. ક્વોલિફાયર ૨, ૨૩ મે, સાંજે ૭:૩૦ વાગ્યે, કોલકાતા
૭૪. ફાઇનલ, ૨૫ મે, સાંજે ૭:૩૦ વાગ્યે, કોલકાતા
