આજે ભારત અને ન્યૂઝિલેન્ડ વચ્ચે મહામુકાબલો : કોણ કોણ હશે આજે પ્લેઈંગ ઈલેવનમાં સામેલ?

ભારતીય ટીમ આજે ચેમ્પિયન્સ ટ્રોફીમાં ન્યૂઝીલેન્ડ સામે મેચ રમશે. બંને ટીમો વચ્ચે મેચ દુબઈ ઈન્ટરનેશનલ સ્ટેડિયમમાં રમાશે. આ મેચ ભારતીય સમય મુજબ બપોરે 2.30 વાગ્યે શરૂ થશે. ગ્રુપ સ્ટેજમાં ભારતની આ છેલ્લી મેચ છે. ભારતે પાકિસ્તાન અને બાંગ્લાદેશને હરાવીને સેમિફાઇનલમાં પ્રવેશ કર્યો છે. આવી સ્થિતિમાં શું ન્યુઝીલેન્ડ સામેની ભારતીય ટીમમાં ફેરફાર કરવો શક્ય છે? ઉપરાંત, વન-ડે ફોર્મેટમાં ભારત અને ન્યુઝીલેન્ડનો હેડ-ટુ-હેડ રેકોર્ડ શું છે? બંનેમાંથી કઈ ટીમ મજબૂત છે? તે જોઈએ.

બંને ટીમો વચ્ચે શું તફાવત છે?
વન-ડેમાં ભારત અને ન્યૂઝીલેન્ડ 118 વખત એકબીજા સામે ટકરાઈ ચૂક્યા છે. ભારતે ન્યૂઝીલેન્ડને 60 વખત હરાવ્યું છે અને ન્યૂઝીલેન્ડે 50 વખત ભારતને હરાવ્યું છે. આ ઉપરાંત બંને ટીમો વચ્ચેની 7 વન-ડે મેચ કોઈ પરિણામ વિના પૂરી થઈ છે. ભારત અને ન્યૂઝીલેન્ડ વચ્ચે અત્યાર સુધીમાં 1 મેચમાં ટાઈ થઈ છે. આ આંકડાઓ પરથી સ્પષ્ટ થાય છે કે ન્યૂઝીલેન્ડ સામે વન-ડે ફોર્મેટમાં ભારતીય ટીમની લીડ ઘણી મોટી રહી છે.

ભારતની પ્લેઇંગ ઇલેવન શું હશે?
ન્યૂઝીલેન્ડ સામેની મેચમાં રોહિત શર્મા વગર ટીમ રમે તેવી શક્યતા છે. રોહિતની જગ્યાએ રિષભ પંતને તક મળી શકે છે. ફાસ્ટ બોલર મોહમ્મદ શમીને પણ આરામ આપવામાં આવી શકે છે. મોહમ્મદ શમીની જગ્યાએ અર્શદીપ સિંહને પ્લેઇંગ ઇલેવનમાં સામેલ કરવામાં આવી શકે છે. જો રોહિત શર્માની જગ્યાએ ઋષભ પંતને તક મળશે તો શુભમન ગિલ સાથે કોણ ઓપનિંગ કરશે? જો રોહિત શર્માને આરામ આપવામાં આવે તો કેએલ રાહુલ શુભમન ગિલ સાથે ઓપનિંગ કરી શકે છે. આ સિવાય બેટિંગ ક્રમમાં અન્ય ફેરફારોની શક્યતા ઓછી છે.

ભારતીય ટીમની સંભવિત પ્લેઇંગ ઇલેવનઃ
કે એલ રાહુલ, શુભમન ગિલ, વિરાટ કોહલી, ઋષભ પંત, અક્ષર પટેલ, હાર્દિક પંડ્યા, વૉશિંગટન, હર્ષિત રાણા, અર્શદીપ સિંહ, કુલદિપ યાદવ