Champions Trophy 2025: ચેમ્પિયન્સ ટ્રોફી શરૂ થવામાં હવે બહુ સમય બાકી રહ્યો નથી. ચેમ્પિયન્સ ટ્રોફી 19 ફેબ્રુઆરીથી શરૂ થશે. આ ટુર્નામેન્ટની ફાઇનલ મેચ 9 માર્ચે રમાશે. ચેમ્પિયન્સ ટ્રોફી 8 વર્ષ પછી રમાઈ રહી છે. જ્યારે, આ ટુર્નામેન્ટ હાઇબ્રિડ મોડેલમાં રમાઈ રહી છે.
ટીમ ઈન્ડિયા તેની મેચ દુબઈમાં રમશે. જ્યારે અન્ય ટીમો પાકિસ્તાનના કરાચી, લાહોર અને રાવલપિંડીમાં તેમની મેચ રમશે. આ ટુર્નામેન્ટમાં 8 ટીમો વચ્ચે કુલ 15 મેચ રમાશે. દરમિયાન ICC એ ટુર્નામેન્ટ માટે અમ્પાયરો અને મેચ રેફરીઓના નામ જાહેર કર્યા છે. જોકે આ યાદીમાં એક પણ ભારતીયનું નામ નથી.
જાણો કોણ કોણ છે લિસ્ટ
2017 એડિશનમાં સામેલ છ અમ્પાયરોને ફરીથી મોકો છે. જેમાં રિચાર્ડ કેટલબોરો પણ સામેલ છે. રિચર્ડ કેટલબોરો 2017માં થયેલી ચેમ્પિયન્સ ટ્રોફીની ફાઈનલમાં પણ કેપ્ટન હતા. આ ઉપરાંત અમ્પાયર ક્રિસ ગેફની, કુમાર ધર્મસેના, રિચર્ડ ઇલિંગવર્થ, પોલ રીફેલ અને રોડ ટકર પણ ચેમ્પિયન્સ ટ્રોફી 2017માં અમ્પાયરિંગ કરી ચૂક્યા છે. જ્યારે શ્રીલંકાના અમ્પાયર કુમાર ધર્મસેનાને 132 વનડેમાં અમ્પાયરિંગનો અનુભવ છે. જ્યારે રિચર્ડ કેટલબોરોએ 108 મેન્સ વનડેમાં અમ્પાયરિંગ કરી ચૂક્યા છે.
વનડે વર્લ્ડકપમાં પણ કર્યું હતું અમ્પાયરિંગ
અમદાવાદમાં રમાયેલા ODI વર્લ્ડ કપ 2023 ની ફાઇનલમાં કેટલબોરો અને ઇલિંગવર્થે અમ્પાયરિંગ કર્યું હતું. જ્યારે ચેમ્પિયન્સ ટ્રોફી માટે માઇકલ ગફ, એડ્રિયન હોલ્ડસ્ટોક, અહસાન રઝા, શરાફુદ્દુલ્લાહ ઇબ્ને શાહિદ, એલેક્સ વ્હાર્ફ અને જોએલ વિલ્સનને સામેલ કરવામાં આવી છે.
ICC એ 8 મુકાબલા માટે 12 અમ્પાયરોની એક પેનલ પસંદગી
અમ્પાયરો
કુમાર ધર્મસેના, ક્રિસ ગેફની, માઈકલ ગફ, એડ્રિયન હોલ્ડસ્ટોક, રિચર્ડ ઇલિંગવર્થ, રિચર્ડ કેટલબોરો, અહસાન રઝા, પોલ રીફેલ, શરાફુદ્દૌલા ઈબ્રે શાહિદ, રોડની ટકર, એલેક્સ વ્હાર્ફ, જોએલ વિલ્સન.
મેચ રેફરી
ડેવિડ બૂન, રંજન મદુગલે, એન્ડ્રુ પાયક્રોફ્ટ.
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
