Amroha Highway Accident: ઉત્તર પ્રદેશના અમરોહામાં બુધવારે મોડી રાત્રે નેશનલ હાઇવે-9 પર એક ભયાનક માર્ગ અકસ્માત સર્જાયો હતો. મેરઠથી ગાઝિયાબાદ પરત ફરી રહેલી ઝડપી કાર રાજબપુર-અત્રાસી વચ્ચે ફ્લાયઓવર પાસે રસ્તાની બાજુએ અંધારામાં પાર્ક કરેલા માલવાહક DCM (ટ્રક) સાથે જોરદાર ટક્કર મારી હતી. આ અકસ્માતમાં કારમાં સવાર ચારેય યુવાનોનાં ઘટનાસ્થળે જ મોત નીપજ્યાં હતાં. ચારેય મૃતક શ્રી વેંકટેશ્વર યુનિવર્સિટીના મેડિકલ કોલેજના વિદ્યાર્થીઓ (ડોક્ટર્સ ઇન મેકિંગ) હોવાનું જાણવા મળ્યું છે.
કારને કાપીને ચારેય મૃતદેહો બહાર કાઢવામાં આવ્યા
અકસ્માત એટલો ભયાનક હતો કે કાર પૂરેપૂરી ચૂર-ચૂર થઈ ગઈ અને ચારેયનાં મૃતદેહ કારમાં જ ફસાઈ ગયા હતા. ઘટના રાત્રિના લગભગ 10 વાગ્યે બની હતી. માહિતી મળતાંની સાથે જ રાજબપુર પોલીસ અને સ્થાનિક લોકો ઘટનાસ્થળે પહોંચી ગયા. ક્રેનની મદદથી કારને કાપીને ચારેય મૃતદેહો બહાર કાઢવામાં આવ્યા અને પોસ્ટમોર્ટમ માટે મોકલી દેવાયા. ટક્કર બાદ DCMનો ડ્રાઇવર ઘટનાસ્થળેથી ફરાર થઈ ગયો હતો.
<blockquote class="twitter-tweet"><p lang="hi" dir="ltr">अमरोहा का NH-9 बना खूनी हाईवे, 6 की मौत<br><br>रजबपुर मे खड़े ट्रक में घुसी कार, वेंकटेश्वरा यूनिवर्सिटी के 4 MBBS छात्रों की मौत<br><br>गजरौला मे हाईवे पर ट्रक-बाइक टक्कर, दो बाइक राइडर्स युवकों की मौत<a href="https://twitter.com/hashtag/Amroha?src=hash&ref_src=twsrc%5Etfw">#Amroha</a> <a href="https://twitter.com/hashtag/Accident?src=hash&ref_src=twsrc%5Etfw">#Accident</a> <a href="https://t.co/mAE6lpv5CV">pic.twitter.com/mAE6lpv5CV</a></p>— Arun (आज़ाद) Chahal 🇮🇳 (@ArunAzadchahal) <a href="
?ref_src=twsrc%5Etfw">December 4, 2025</a></blockquote> <script async src="https://platform.twitter.com/widgets.js" charset="utf-8"></script>
પોલીસે ગુનો નોંધીને DCM ડ્રાઇવરની શોધખોળ શરૂ કરી
પોલીસે જણાવ્યું કે, રસ્તાની બાજુએ અંધારામાં બિનનિયમિત રીતે પાર્ક કરેલો ટ્રક જ અકસ્માતનું મુખ્ય કારણ લાગી રહ્યું છે. આવા કિસ્સા અગાઉ પણ અનેકવાર બન્યા છે, જ્યારે રાત્રે રસ્તા કિનારે પાર્ક કરેલા ટ્રકો સાથે વાહનો અથડાતાં મોટી દુર્ઘટનાઓ સર્જાઈ છે.પોલીસે ગુનો નોંધીને DCM ડ્રાઇવરની શોધખોળ શરૂ કરી દીધી છે અને અકસ્માતના ચોક્કસ કારણોની તપાસ હાથ ધરી છે. આ દુખદ ઘટનાએ ફરી એકવાર હાઇવે પર રાત્રે ટ્રકોની બિનનિયમિત પાર્કિંગના જોખમને ઉજાગર કર્યું છે. ચાર પ્રતિભાશાળી મેડિકલ વિદ્યાર્થીઓના અકાળે મૃત્યુએ તેમના પરિવારો પર દુ:ખનો પહાડ તૂટી પડ્યો છે.
