ભારત સહિત સમગ્ર વિશ્વમાં સુપરબાઈક્સનો ક્રેઝ યુવાનોમાં ઘણો વધારે જોવા મળે છે. માત્ર સામાન્ય લોકો જ નહીં, પરંતુ Hollywood ના મોટા સિતારાઓ પણ ફિલ્મોમાં આ દમદાર બાઈક્સ ચલાવતા જોવા મળે છે. હોલીવુડની એવી ઘણી સુપરહિટ ફિલ્મો છે જેમાં બાઈક સ્ટંટ અને હાઈ-સ્પીડ ચેઝ સીન્સ ફિલ્મના આકર્ષણનું મુખ્ય કેન્દ્ર બન્યા છે. અહીં અમે તમને એવી જ કેટલીક આઈકોનિક સુપરબાઈક્સ વિશે જણાવી રહ્યા છીએ જેને મોટા પડદા પર જોઈને દુનિયાભરના લોકો તેના દિવાના બની ગયા હતા.
Harley Davidson Fat Boy
Harley Davidson ની મોટરસાઈકલ તેની રોયલ લુક અને અવાજ માટે જાણીતી છે. તેની પ્રખ્યાત મોટરસાઈકલ 'ફેટ બોય' ત્યારે વધુ લોકપ્રિય થઈ જ્યારે હોલીવુડ સુપરસ્ટાર અર્નોલ્ડ શ્વાર્ઝેનેગર તેને ફિલ્મ Terminator 2 માં ચલાવતા જોવા મળ્યા હતા. આ ફિલ્મની સફળતા બાદ આ બાઈક વિશ્વભરમાં પ્રખ્યાત થઈ ગઈ અને આજે પણ તે બાઈક લવર્સની પ્રથમ પસંદગીમાં સામેલ છે.
Kawasaki GPZ 900R
Kawasaki ની GPZ 900R મોટરસાઈકલ હોલીવુડની સુપરહિટ ફિલ્મ Maverick માં જોવા મળી હતી. આ ફિલ્મમાં હોલીવુડના જાણીતા અભિનેતા ટોમ ક્રૂઝ આ બાઈક ચલાવતા નજરે પડ્યા હતા. એક સીન દરમિયાન આ મોટરસાઈકલ ફાઈટર જેટ સાથે રેસ લગાવતી જોવા મળી હતી, જે આજે પણ સિનેમા જગતના યાદગાર સીન્સમાંનો એક છે.
Kawasaki Ninja H2
કાવાસાકીની જ બીજી શક્તિશાળી બાઈક Kawasaki Ninja H2 પણ હોલીવુડ ફિલ્મોમાં પોતાનો દબદબો બનાવી ચૂકી છે. આ સુપરબાઈક તાજેતરમાં Top Gun: Maverick ફિલ્મમાં જોવા મળી હતી, જેના કારણે તેની લોકપ્રિયતામાં અનેકગણો વધારો થયો છે.
MV Agusta F4
MV Agusta ની F4 દુનિયાની સૌથી ઝડપી મોટરસાઈકલમાંથી એક ગણાય છે. વર્ષ 2004 માં આવેલી ફિલ્મ I, Robot માં આ બાઈકનું SPR 750 વર્ઝન બતાવવામાં આવ્યું હતું. આ એક લિમિટેડ એડિશન મોટરસાઈકલ હતી, જેના વિશ્વભરમાં માત્ર 300 યુનિટ્સ જ બનાવવામાં આવ્યા હતા. તેની સ્પીડ અને ડિઝાઈને પ્રેક્ષકોને મંત્રમુગ્ધ કરી દીધા હતા.
Ducati 996
Ducati પણ પ્રીમિયમ સુપરબાઈક બનાવવામાં અગ્રેસર છે. ફિલ્મ The Matrix Reloaded ના એક રોમાંચક સીનમાં જ્યારે ટ્રિનિટી કારો અને ટ્રકની વચ્ચેથી રસ્તો કાઢતી હોય છે ત્યારે તે Ducati 996 ચલાવતી જોવા મળે છે. આ બાઈક પણ એક લિમિટેડ એડિશન હતી અને તેના માત્ર 250 યુનિટ્સનું જ ઉત્પાદન કરવામાં આવ્યું હતું.
