વધતી ગરમી હ્રદય માટે બની શકે છે જોખમી : આટલુ ધ્યાન રાખો

ભારતમાં હાલ ગરમી દિવસેને દિવસે વધી રહી છે અને વાતાવરણમાં ફેરફાર એક ગંભીર સમસ્યા છે. વધતું તાપમાન, અસંતુલિત હવામાન અને પ્રદૂષણ માત્ર પર્યાવરણને જ અસર કરી રહ્યું નથી પરંતુ આપણા સ્વાસ્થ્યને પણ ગંભીર રીતે અસર કરી રહ્યું છે. ઓસ્ટ્રેલિયામાં તાજેતરમાં થયેલા એક અભ્યાસમાં દાવો કરવામાં આવ્યો છે કે વધતા તાપમાન અને આબોહવા પરિવર્તનને કારણે હૃદય રોગોનું જોખમ ઝડપથી વધી રહ્યું છે. અતિશય ગરમી હૃદયના સ્વાસ્થ્ય માટે સારી નથી.

હૃદય પર આબોહવા પરિવર્તનની અસર

યુનિવર્સિટી ઓફ એડિલેડના સંશોધકોનું કહેવું છે કે જ્યારે તાપમાન વધે છે ત્યારે શરીર પર અસર જોવા મળે છે. તે આપણા શરીરને ગરમ કરે છે. આવી સ્થિતિમાં શરીરને ઠંડુ રાખવા માટે હૃદયને વધુ મહેનત કરવી પડે છે. જે લોકો પહેલેથી જ કોઈ પ્રકારની સમસ્યાથી પીડાઈ રહ્યા છે તેમના માટે આ સ્થિતિ વધુ જોખમી છે. ગરમી વધવાથી લોહીનું દબાણ અસંતુલિત થઈ શકે છે, જે હૃદયરોગનો હુમલો અને સ્ટ્રોક અથવા હૃદયની અન્ય સમસ્યાઓનું જોખમ વધારે છે.

ગરમી અને હૃદય રોગ

અભ્યાસ મુજબ, જો ગ્રીનહાઉસ ગેસનું ઉત્સર્જન યથાવત્ રહેશે, તો આગામી 25 વર્ષોમાં હૃદય રોગ ત્રણ ગણો વધી શકે છે. દેશમાં હૃદય સંબંધિત કેસો ઝડપથી વધી રહ્યા છે. આબોહવા પરિવર્તન હૃદય રોગનું જોખમ વધારી શકે છે. આબોહવા પરિવર્તનને કારણે તાપમાન વધી રહ્યું છે, વધુ ગરમ દિવસો પણ વધી રહ્યા છે, જેના કારણે ખતરો વધુ ગંભીર બની રહ્યો છે.

ભારતમાં તાપમાન વધી રહ્યું છે.

હવામાન વિભાગે આ વર્ષે વધુ ગરમીની આગાહી કરી છે. માર્ચમાં દેશના ઘણા ભાગોમાં તાપમાન વધ્યું છે. રાજ્યના ઘણા ભાગોમાં તાપમાન 40 ડિગ્રી સેલ્સિયસની આસપાસ રહે છે. અતિશય ગરમી ઘણી સમસ્યાઓનું કારણ બની શકે છે.

કેવી રીતે બચવું?

1.ઉનાળામાં શરીર હાઇડ્રેટેડ રાખો જેથી રક્ત પરિભ્રમણ યોગ્ય રીતે જાળવવામાં આવે છે.
2. ઘરની બહાર નીકળતી વખતે માસ્ક પહેરો અને ઉચ્ચ પ્રદૂષણવાળા સ્થળોથી દૂર રહો.
3.હાર્ટને હેલ્ધી રાખવા માટે ઓમેગા 3થી ભરપૂર ફળ, શાકભાજી ખાઓ
4. તમારા હૃદયને મજબૂત રાખવા માટે નિયમિતપણે વ્યાયામ કરો પરંતુ વધુ ગરમીમાં સખત વર્કઆઉટ્સ ટાળો
5.યોગ, ધ્યાન અને સંગીત તણાવ ઘટે છે અને હૃદય તંદુરસ્ત રહે છે.