શું બપોરે ઉંઘવુ ખરેખર લાભદાયક છે કે નહીં? : શું કહે છે રિસર્ચ?

હાલ ઉનાળો ચાલી રહ્યો છે તેવામાં બપોરના ભોજન પછી આંખો ભારે થવા લાગે છે અને ઊંઘ આવવા લાગે છે. કેટલાક લોકોને દિવસ દરમિયાન ઊંઘવાની ટેવ હોય છે. તે ઉર્જાને રિચાર્જ કરે છે ", કેટલાક લોકોનું માનવું છે કે બપોરે સૂવું સ્વાસ્થ્ય માટે સારું નથી. તેઓ માને છે કે તે ઊંઘ નથી પરંતુ માત્ર આળસ છે. ચાલો જાણીએ નિષ્ણાતો શું કહે છે, તમારે બપોરે સૂવું જોઈએ કે નહીં.

રાત્રે સારી ઊંઘ ક્યારે આવે છે?
જો તમે આખી રાત ઊંઘી શકતા નથી અથવા માનસિક રીતે થાક અનુભવો છો, તો બપોરે 15થી 30 મિનિટનો પાવર નેપ તમને તાજગી આપી શકે છે. આ પાવર નેપ મગજની ઉત્પાદકતા, મૂડ અને યાદશક્તિમાં સુધારો કરે છે. નેશનલ ઇન્સ્ટિટ્યૂટ ઓફ હેલ્થ (એનઆઇએચ) અનુસાર, બપોરે 20 મિનિટની ઊંઘ હૃદયની તંદુરસ્તી અને તણાવને નિયંત્રિત કરવામાં મદદ કરી શકે છે. તાજેતરમાં, એક નવા અભ્યાસમાં એવું પણ દર્શાવવામાં આવ્યું છે કે બપોરે 20 મિનિટ સુધી સૂવું સારું છે.

દિવસ દરમિયાન ઊંઘવું ક્યારે નુકસાનકારક છે?

નિષ્ણાતોનું કહેવું છે કે જો તમે બપોરે 1 કલાકથી વધુ ઊંઘો છો અથવા દરરોજ ઊંઘ લો છો, તો તે તમારી રાતની ઊંઘને અસર કરી શકે છે. આ રાત્રે ઊંઘવાનું મુશ્કેલ બનાવી શકે છે અને શરીરના ઊંઘના ચક્રને વિક્ષેપિત કરી શકે છે.

બપોરે ઉંઘતી વખતે રાખો આટલુ ધ્યાન
1. બપોરે ચાર વાગ્યા સુધી ના ઉંઘવુ જોઈએ. ડાયાબિટીસ અને હાઈ બ્લડ પ્રેશર ધરાવતા લોકોએ વધુ સાવચેતી રાખવાની જરૂર છે.
2. બાળકો માટે બપોરે ઉંઘવુ લાભદાયી છે. તે વૃદ્ધ માટે પણ જરૂરી છે. કામ કરતા વ્યાવસાયિકો પાવર નેપ લઈ શકે છે.
3.રાત્રે સારી રીતે ઉંઘવાવાળાને બપોરે ઉંઘની જરૂર નથી.
4. જો તમારી ઉંઘ પુરી નથી થતી અથવા તો અનિદ્રાથી પીડાતા હોવ તો પછી બપોરે ઊંઘ વધુ સમસ્યાઓ સર્જી શકે છે.
5. બપોરે 20-30 મિનિટથી વધુ ઊંઘશો નહીં, શાંત અને અંધારાવાળી જગ્યા પસંદ કરો, લંચ પછી તરત જ ઊંઘશો નહીં, સૂવાનો સમય નિયમિત રાખો અને જાગવા પછી 1 ગ્લાસ પાણી ચોક્કસપણે પીવો.