દુબઈ એર શોમાં LCA-Tejas ના ક્રેશ પછી તેના ભવિષ્ય, HAL ની ઉત્પાદન ક્ષમતા અને નિકાસ સંભાવનાઓ વિશે અનેક સવાલો ઉભા થયા હતા. જોકે, હિન્દુસ્તાન એરોનોટિક્સ લિમિટેડ (HAL) એ સ્પષ્ટ કર્યું છે કે આ ઘટના એક અલગ ઘટના છે અને કંપનીના વ્યવસાયિક કામગીરી, નાણાકીય પરિણામો કે ડિલિવરી સમયપત્રક પર એક પણ અસર નહીં થાય. HAL એ આ અંગે BSE અને NSE ને સત્તાવાર પત્ર દ્વારા માહિતી આપી છે.
તેજસનું મહત્વ અને ભારતની વાયુસેનામાં તેની ભૂમિકા
HAL અને DRDO દ્વારા સંયુક્ત રીતે વિકસાવવામાં આવેલું એલસીએ-તેજસ 2016માં ભારતીય વાયુસેનામાં સામેલ કરવામાં આવ્યું હતું. હાલમાં વાયુસેના બે તેજસ સ્ક્વોડ્રન ચલાવે છે—
એક તામિલનાડુના સુલુર એરબેઝ પર
બીજું પાકિસ્તાન સરહદ નજીક એક ફોરવર્ડ એરબેઝ પર
તેજસે ઓપરેશન સિંદૂર દરમિયાન એર સ્પેસ પેટ્રોલિંગમાં મહત્વપૂર્ણ યોગદાન આપ્યું હતું.
21 નવેમ્બરે દુબઈ એર શોમાં થયેલા દુર્ઘટનમાં વિમાન ચલાવતા વિંગ કમાન્ડર નામાંશ સ્યાલ નું દુઃખદ નિધન થયું હતું. ભારતીય વાયુસેનાએ અકસ્માતના કારણની તપાસ માટે ઉચ્ચ-સ્તરીય સમિતિની રચના કરી છે.
દુર્ઘટના બાદ તેજસ માર્ક-1A ના ઉત્પાદન તથા નિકાસ યોજનાઓ પર પ્રશ્નો ઉઠ્યાં, પરંતુ HAL એ પુષ્ટિ કરી છે કે તમામ પ્રોજેક્ટ્સ યથાવત ચાલુ રહેશે અને કંપની તપાસમાં સંપૂર્ણ સહકાર આપશે.
તેજસ માર્ક-1A નું ઉત્પાદન: મહત્વપૂર્ણ પ્રગતિ
ગયા મહિને નાસિકમાં સંરક્ષણ પ્રધાન રાજનાથ સિંહની હાજરીમાં તેજસના Mark-1A વર્ઝનએ સફળ પહેલી ઉડાન ભરી. 2021માં સંરક્ષણ મંત્રાલયે 83 Mark-1A વિમાનો માટે HAL સાથે કરાર કર્યો હતો.
પરંતુ GE F-404 એન્જિનની સપ્લાયમાં—
યુએસ સાથેના રાજનૈતિક તણાવ
પ્રક્રિયાત્મક ઔપચારિકતાઓને કારણે લગભગ બે વર્ષનો વિલંબ થયો હતો. અત્યાર સુધી માત્ર ચાર એન્જિન જ HALને પ્રાપ્ત થયા છે.
વધુ ઓર્ડર: તેજસની સંખ્યામાં મોટી વૃદ્ધિ
સપ્ટેમ્બર 2024 માં સંરક્ષણ મંત્રાલયે વધારાના 97 તેજસ Mark-1A માટે નવા કરાર પર હસ્તાક્ષર કર્યા. આથી આગામી દાયકામાં વાયુસેનાને મળનારી Mark-1A વિમાનોની કુલ સંખ્યા 180 પર પહોંચી ગઈ છે.
તે ઉપરાંત, HAL એ આ મહિનામાં વધુ 113 GE F-404 એન્જિન માટે GE Aerospace સાથે નવો કરાર કર્યો છે, જેથી ઉત્પાદન ગતિ વધારવામાં મદદ મળશે.
