વડોદરાના આજવા ખાતે બનશે હાઇટેક ‘વાઇલ્ડલાઇફ સફારી પાર્ક’: સિંહ-વાઘ સાથે હવે જિરાફ-ઝીબ્રા પણ જોવા મળશે

વડોદરા: શહેરમાં ઇકો-ટૂરિઝમને વેગ આપવા માટે આજવા ખાતે આશરે 150 એકર જમીન પર અત્યાધુનિક ‘વાઇલ્ડલાઇફ સફારી પાર્ક’ બનાવવાની મંજૂરી મળી ગઈ છે. સ્ટેચ્યુ ઓફ યુનિટી ટૂરિઝમ સર્કિટના ભાગ રૂપે બનનારા આ પાર્કમાં મુલાકાતીઓ સિંહ અને વાઘ ઉપરાંત જિરાફ અને ઝીબ્રા જેવા વિદેશી પ્રાણીઓ પણ જોઈ શકશે. વડોદરા મહાનગરપાલિકા (VMC) દ્વારા આ પ્રોજેક્ટનું કામ જાતે જ આગળ ધપાવવામાં આવી રહ્યું છે, જેનો પ્રથમ તબક્કો આગામી દોઢ-બે વર્ષમાં પૂર્ણ થશે. આ હાઇટેક સફારી પાર્કથી વાર્ષિક ₹100 કરોડની કમાણી થવાની અને અંદાજે 4500 નવી રોજગારીની તકો ઊભી થવાની અપેક્ષા છે, જેનાથી સ્થાનિક પ્રવાસન ઉદ્યોગને મોટો ફાયદો થશે.