ખેડૂતોનો ડેટા રહેશે 100% સુરક્ષિત: ગુજરાત કૃષિ વિભાગે રચી 'વિભાગીય ડેટા સમિતિ'

ગાંધીનગર, 09 જુલાઈ: મુખ્યમંત્રી ભુપેન્દ્રભાઈ પટેલના નેતૃત્વમાં ગુજરાત સરકારે ખેડૂતોની માહિતી સુરક્ષિત રાખવા માટે ‘વિભાગીય ડેટા સમિતિ’ (DDC)ની રચના કરી છે. કેન્દ્ર સરકારના 'ડીપીડીપી એક્ટ, 2023' અને ગુજરાત સ્ટેટ ડેટા ગવર્નન્સ ફ્રેમવર્ક હેઠળ આ પગલું લેવાયું છે. આ વ્યવસ્થાથી ખેડૂતોનો વ્યક્તિગત, નાણાકીય અને કૃષિ સંબંધિત ડેટા સંપૂર્ણ સલામત રહેશે અને તેનો ઉપયોગ માત્ર ખેડૂતોની સંમતિથી જ થશે. આનાથી વચેટિયાઓ અને છેતરપિંડી પર નિયંત્રણ આવશે તેમજ સરકારી સહાય સીધી અને ઝડપથી લાભાર્થી ખેડૂતો સુધી પહોંચશે. આ સમિતિ કૃષિ વિભાગ, બોર્ડ-નિગમો અને કૃષિ યુનિવર્સિટીઓના ડેટાનું પારદર્શક સંચાલન સુનિશ્ચિત કરશે.