Goa Night Club Fire Case: ગોવા નાઈટક્લબ આગ કેસના આરોપી લુથરા બંધુઓ મંગળવારે દિલ્હી એરપોર્ટ પર પહોંચ્યા હતા. 6 ડિસેમ્બરના રોજ નાઈટક્લબમાં લાગેલી આગમાં 25 લોકોના મોત થયા બાદ તેઓ થાઈલેન્ડ ભાગી ગયા હતા.
ગૌરવ લુથરા અને સૌરભ લુથરા ઉત્તર ગોવાના આર્પોરામાં બિર્ચ બાય રોમિયો લેન નાઇટક્લબના સહ-માલિકો છે. આગ લાગ્યા પછી તરત જ તેઓ થાઇલેન્ડના ફુકેટ ભાગી ગયા હતા. તેમની સામે ઇન્ટરપોલ બ્લુ કોર્નર નોટિસ જારી કરવામાં આવી હતી.
ભારતીય દૂતાવાસના હસ્તક્ષેપ બાદ, થાઈ અધિકારીઓએ 11 ડિસેમ્બરના રોજ ફુકેટમાં લુથરા બ્રધર્સની અટકાયત કરી હતી. ભારતીય મિશન આ બાબતે થાઈ સરકાર સાથે સતત સંપર્કમાં છે.
ઓનલાઈન શેર કરાયેલા ઘણા વીડિયોમાં લુથરા ભાઈઓ થાઈલેન્ડ જતા પહેલા બેંગકોક એરપોર્ટ પર હતા. ભારતમાં પહોંચ્યા પછી, તેમને આ કેસમાં વધુ કાનૂની કાર્યવાહી માટે ભારતીય અધિકારીઓને સોંપવામાં આવ્યા હતા. ગોવા પોલીસે આગની ઘટનાના સંદર્ભમાં પાંચ મેનેજરો અને કર્મચારીઓની ધરપકડ કરી છે.
