Bigg Boss 19 Winner: કલર્સ ટીવીનો સૌથી લોકપ્રિય અને વિવાદાસ્પદ રિયાલિટી શો 'Bigg Boss Season 19'નું ગ્રાન્ડ ફિનાલે 7 ડિસેમ્બર, 2025ના રોજ ધામધૂમથી પૂર્ણ થયું. શોના હોસ્ટ સલમાન ખાનએ ચમકતી ટ્રોફી સાથે વિજેતાનું નામ જાહેર કર્યું અને ટીવીના પ્રખ્યાત અભિનેતા ગૌરવ ખન્ના બિગ બોસ 19ના વિજેતા બન્યા. ગૌરવ ખન્નાને પ્રેક્ષકોના સર્વાધિક મતોના આધારે વિજેતા જાહેર કરવામાં આવ્યા. તેમને બિગ બોસની ચમકતી ટ્રોફી અને ₹50 લાખની ઈનામી રકમ એનાયત કરવામાં આવી. રનર-અપનું સ્થાન ફરહાના ભટ્ટએ મેળવ્યું.
સાડા ત્રણ મહિના ચાલ્યો શો
આ સીઝનની થીમ “ઘરવાલો કી સરકાર” હતી અને શો 24 ઓગસ્ટ, 2025થી શરૂ થઈને લગભગ સાડા ત્રણ મહિના ચાલ્યો હતો. ગૌરવ ખન્નાએ શરૂઆતથી જ “શાંત પણ ઘાતક” વ્યૂહરચના અપનાવી હતી, જેના કારણે તેઓ ઘરમાં રહીને પણ દરેક વખતે ચર્ચામાં રહ્યા. ગૌરવની સફર દરમિયાન તેમની રાજકીય ચતુરાઈ, પ્રણીત મોરે અને મૃદુલ તિવારી સાથેના સંબંધો તેમજ અંગત જીવનને લઈને ચાલેલી ચર્ચાઓએ શોને સતત ટ્રેન્ડિંગમાં રાખ્યો હતો.
₹50 લાખની ઈનામી રકમ
સલમાન ખાને પણ ફિનાલેમાં ગૌરવની રમતની ખુલ્લેઆમ પ્રશંસા કરી હતી. બિગ બોસ 18ના વિજેતા કરણ વીર મહેરાની જેમજ ગૌરવ ખન્નાને પણ પૂર્ણ ₹50 લાખની ઈનામી રકમ (કોઈ કપાત વગર) આપવામાં આવી છે. ગૌરવના ચાહકો સોશિયલ મીડિયાપર #GauravKhannaWinsBB19 સાથે ઉજવણી કરી રહ્યા છે અને ટીવી ઈન્ડસ્ટ્રીમાં પણ તેમની આ જીતને મોટી સિદ્ધિ ગણવામાં આવી રહી છે. આમ, Bigg Boss 19 નો તાજ હવે ગૌરવ ખન્નાના માથે છે!
