ગાંધીનગર: ગુજરાત રાજ્યની રાજધાની ગાંધીનગરમાં આજે વહેલી સવારથી જ રાજકીય ગરમાવો જોવા મળી રહ્યો છે. સ્થાનિક સ્વરાજ્યની ચૂંટણીના પરિણામોને લઈને વહીવટી તંત્ર દ્વારા તમામ તૈયારીઓ પૂર્ણ કરી લેવામાં આવી છે. આજે સવારે 8:45 કલાકે ચુસ્ત પોલીસ બંદોબસ્ત અને સીસીટીવી કેમેરાની દેખરેખ હેઠળ સ્ટ્રોંગરૂમમાંથી પોસ્ટલ બેલેટ અને EVM મશીનો બહાર કાઢવામાં આવ્યા હતા. ઉમેદવારો અને તેમના પ્રતિનિધિઓની હાજરીમાં આ પ્રક્રિયા પૂર્ણ કર્યા બાદ સવારે 9 વાગ્યાથી સત્તાવાર રીતે મતગણતરીની પ્રક્રિયા હાથ ધરવામાં આવી છે.
ગાંધીનગર જિલ્લા પંચાયત, તાલુકા પંચાયત અને નગરપાલિકાઓ માટે થયેલા મતદાન બાદ આજે હાર-જીતનો ફેંસલો થવાનો છે. મતગણતરી કેન્દ્રો પર ત્રિ-સ્તરીય સુરક્ષા વ્યવસ્થા ગોઠવવામાં આવી છે, જેથી કોઈપણ પ્રકારની અનિચ્છનીય ઘટના ન બને. શરૂઆતમાં પોસ્ટલ બેલેટની ગણતરી કરવામાં આવી રહી છે અને ત્યારબાદ EVM માં નોંધાયેલા મતોની ગણતરી શરૂ કરવામાં આવશે. બપોર સુધીમાં ગાંધીનગર જિલ્લાનું રાજકીય ચિત્ર સ્પષ્ટ થઈ જશે.
ગાંધીનગર જિલ્લા પંચાયત: સેક્ટર-15 કોલેજ ખાતે ગણતરી
ગાંધીનગર જિલ્લા પંચાયતની બેઠકો માટેની મતગણતરી શહેરના સેક્ટર-15 સ્થિત સરકારી કોલેજ ખાતે યોજાઈ રહી છે. અહીં જિલ્લાના ગ્રામીણ વિસ્તારોનું ભવિષ્ય નક્કી થશે. વહીવટી તંત્ર દ્વારા દરેક ટેબલ પર માઇક્રો ઓબ્ઝર્વર્સ અને ગણતરી સ્ટાફની નિમણૂક કરવામાં આવી છે, જે પળેપળની વિગતો ચૂંટણી પંચને મોકલી રહ્યા છે.
દહેગામ અને કલોલ નગરપાલિકામાં કોણ મારશે બાજી?
નગરપાલિકાઓની વાત કરીએ તો:
દહેગામ નગરપાલિકા: દહેગામ પાલિકાની મતગણતરી મ્યુનિસિપલ બોયઝ સ્કૂલ ખાતે હાથ ધરવામાં આવી છે.
કલોલ નગરપાલિકા: કલોલની મહત્વની ગણાતી નગરપાલિકાની ગણતરી સેન્ટ ઝેવિયર્સ સ્કૂલ ખાતે યોજાઈ રહી છે. અહીં ભાજપ અને કોંગ્રેસ વચ્ચે સીધો જંગ હોવાનું મનાય છે.
આ પણ વાંચો: ગુજરાતમાં કોનું ચાલશે શાસન? : 483 ઉમેદવારોના ભાવિનો ફેંસલો, ગાંધી એન્જિનિયરિંગ કોલેજ ખાતે મતગણતરી શરૂ
તાલુકા પંચાયતો માટે વિવિધ કેન્દ્રો પર ગણતરી શરૂ
જિલ્લાની તમામ તાલુકા પંચાયતો માટે અલગ-અલગ કેન્દ્રો ફાળવવામાં આવ્યા છે, જ્યાં સવારથી જ કાર્યકરોની ભીડ ઉમટી પડી છે:
દહેગામ તાલુકા પંચાયત: જી.એમ.એન.એલ આર્ટ એન્ડ કોમર્સ કોલેજ, દહેગામ.
કલોલ તાલુકા પંચાયત: સ્વામિનારાયણ ગુરુકુલ, સઇઝ (કલોલ).
માણસા તાલુકા પંચાયત: શેઠ એમ.ડી. આર્ટ એન્ડ બી.આર. કોમર્સ કોલેજ, માણસા.
સીસીટીવી અને કડક પોલીસ પહેરો
