ઉનાળાની ગરમી વધતા જ ઘરમાં સૌથી વધુ ઉપયોગમાં આવતું ઉપકરણ એટલે ફ્રિજ. પાણી ઠંડું રાખવાથી લઈને ખોરાકને લાંબા સમય સુધી તાજું રાખવા સુધી દરેક કામ માટે ફ્રિજ પર આધાર રહે છે. પરંતુ ઘણી વખત લોકો ફરિયાદ કરતા હોય છે કે ફ્રિજ પહેલાં જેવી Cooling આપતો નથી, વસ્તુઓ ઝડપથી ખરાબ થઈ જાય છે અથવા વીજળીનું બિલ સતત વધી રહ્યું છે. મોટા ભાગે લોકો માને છે કે ફ્રિજમાં કોઈ ટેકનિકલ ખામી આવી ગઈ હશે, પરંતુ હકીકતમાં રોજિંદી જીવનની કેટલીક નાની ભૂલો જ તેની પાછળનું મોટું કારણ બની જાય છે.
યોગ્ય રીતે ઉપયોગ ન કરવામાં આવે તો ફ્રિજની કામગીરી ધીમે ધીમે કમજોર થવા લાગે છે અને પછી મોંઘી મરામત સુધી વાત પહોંચી શકે છે.
વારંવાર ફ્રિજ ખોલવાની આદત Cooling પર કરે છે સીધી અસર
ઘણા લોકોની આદત હોય છે કે તેઓ દિવસભરમાં વારંવાર ફ્રિજ ખોલતા રહે છે. ક્યારેક પાણી માટે, ક્યારેક કંઈ ખાવાનું શોધવા માટે અથવા માત્ર આદતવશ લોકો દરવાજો ખોલી દેતા હોય છે.
પરંતુ દરેક વખત દરવાજો ખોલતા બહારની ગરમ હવા અંદર પ્રવેશે છે. ત્યારબાદ અંદરનું તાપમાન ફરી સામાન્ય કરવા માટે ફ્રિજને વધુ મહેનત કરવી પડે છે. આ કારણે કંપ્રેસર પર વધારાનો ભાર પડે છે અને ધીમે ધીમે Cooling ઓછી થવા લાગે છે. જો આ આદત લાંબા સમય સુધી ચાલુ રહે તો વીજળીનો વપરાશ પણ નોંધપાત્ર રીતે વધી શકે છે. તેથી નિષ્ણાતો સલાહ આપે છે કે જરૂરિયાતની વસ્તુઓ એક સાથે કાઢવી અને દરવાજો વધુ સમય સુધી ખુલ્લો ન રાખવો.
ગરમ ખોરાક સીધો ફ્રિજમાં મૂકવો થઈ શકે છે નુકસાનકારક
ઘણી ગૃહિણીઓ અથવા ઓફિસમાં રહેતા લોકો ઉતાવળમાં ગરમ ખોરાક સીધો જ ફ્રિજમાં મૂકી દેતા હોય છે. પરંતુ આ આદત ફ્રિજ માટે ખૂબ નુકસાનકારક સાબિત થઈ શકે છે. ગરમ ખોરાક અંદર મૂકવાથી ફ્રિજનું આંતરિક તાપમાન અચાનક વધી જાય છે. પરિણામે બાકીના ખાદ્યપદાર્થોની Cooling પર પણ અસર પડે છે. સાથે જ અંદર ભેજ વધે છે, જેના કારણે ખોરાક ઝડપથી ખરાબ થવાની શક્યતા રહે છે.
ટેકનિકલ રીતે જોવામાં આવે તો આ પ્રક્રિયામાં કંપ્રેસરને વધુ કામ કરવું પડે છે, જેના કારણે મશીન પર દબાણ વધે છે. લાંબા ગાળે તે ફ્રિજની લાઇફ ઘટાડવાનું કારણ પણ બની શકે છે.
દીવાલ સાથે ચોંટાડીને રાખવાથી પણ ઘટે છે Cooling
ઘણા ઘરોમાં જગ્યા બચાવવા માટે ફ્રિજને દીવાલ સાથે એકદમ ચોંટાડી દેવામાં આવે છે. પરંતુ ફ્રિજની પાછળનો ભાગ ગરમી બહાર કાઢવાનું કામ કરે છે. જો હવા પસાર થવા માટે પૂરતી જગ્યા નહીં હોય તો મશીન સતત ગરમ રહેવા લાગે છે.
તેના કારણે:
Cooling કમજોર થઈ શકે છે
કંપ્રેસર ઓવરહિટ થઈ શકે છે
વીજળી બિલ વધી શકે છે
વિશેષજ્ઞો મુજબ ફ્રિજને દીવાલથી ઓછામાં ઓછું 4 થી 6 ઇંચ દૂર રાખવું વધુ યોગ્ય માનવામાં આવે છે.
વધુ સામાન ભરવાથી હવા ફરતી નથી
કેટલાક લોકો ફ્રિજમાં જરૂર કરતાં વધુ સામાન ભરી દેતા હોય છે. ખાસ કરીને ઉનાળામાં ઠંડુ પાણી, શાકભાજી અને ખોરાકનો સ્ટોક વધતા ફ્રિજ સંપૂર્ણ ભરાઈ જાય છે. પરંતુ ફ્રિજની અંદર ઠંડી હવા યોગ્ય રીતે ફરતી રહે તે ખૂબ જરૂરી છે. જો અંદર જગ્યા નહીં રહે તો દરેક ખૂણામાં સમાન Cooling પહોંચી શકતી નથી. પરિણામે કેટલીક વસ્તુઓ ઝડપથી ખરાબ થઈ જાય છે. તેથી ફ્રિજમાં થોડો ખાલી સ્પેસ રાખવો જરૂરી માનવામાં આવે છે જેથી એર ફ્લો યોગ્ય રીતે ચાલુ રહી શકે.
સમયાંતરે સફાઈ ન કરવાથી પણ પડી શકે છે અસર
ઘણા લોકો માત્ર ફ્રિજની અંદર સફાઈ કરે છે, પરંતુ પાછળની કોઇલ, રબર સીલ અને ટ્રે તરફ ધ્યાન આપતા નથી. ધૂળ અને ગંદકી જમા થવાથી મશીનને વધુ મહેનત કરવી પડે છે. ખાસ કરીને પાછળની કોઇલ પર ધૂળ જમા થાય તો ગરમી બહાર નીકળવામાં મુશ્કેલી પડે છે. આ કારણસર Cooling ધીમે ધીમે ઓછી થવા લાગે છે. નિષ્ણાતો સલાહ આપે છે કે મહિને ઓછામાં ઓછું એક વખત સંપૂર્ણ સફાઈ કરવી જોઈએ.
સૌથી વધુ Cooling પર રાખવું પણ નથી યોગ્ય
ઘણા લોકો માને છે કે ફ્રિજને હંમેશા સૌથી વધુ Cooling મોડ પર રાખવાથી વધુ ઠંડક મળશે. પરંતુ હકીકતમાં આવું કરવાથી વીજળીનો વપરાશ વધી જાય છે અને મશીનના પાર્ટ્સ પર વધારાનો દબાણ પડે છે.
સામાન્ય રીતે 3 થી 5 ડિગ્રી સેલ્સિયસ વચ્ચેનું તાપમાન ઘરેલુ ઉપયોગ માટે યોગ્ય માનવામાં આવે છે. યોગ્ય Temperature સેટિંગથી Cooling પણ સારી રહે છે અને વીજળી બિલ પણ નિયંત્રણમાં રહે છે.
નાની ભૂલો બની શકે છે મોટું ખર્ચ
જો તમારા ફ્રિજની Cooling ઓછી થઈ રહી હોય તો હંમેશા સર્વિસ સેન્ટરને જવાબદાર ગણવું જરૂરી નથી. ઘણી વખત આપણી રોજિંદી નાની ભૂલો જ તેની પાછળનું મુખ્ય કારણ હોય છે.
યોગ્ય ઉપયોગ, નિયમિત સફાઈ અને સાવચેતી રાખવાથી:
ફ્રિજ લાંબા સમય સુધી સારી રીતે કામ કરે છે
વીજળીનો ખર્ચ ઓછો રહે છે
Cooling વધુ સારી મળે છે
ખોરાક લાંબા સમય સુધી સુરક્ષિત રહે છે
ઉનાળાની સિઝનમાં ખાસ કરીને ફ્રિજની યોગ્ય કાળજી રાખવી ખૂબ જરૂરી બની જાય છે.
