Shakib Al Hasan Created History: બાંગ્લાદેશ ક્રિકેટ ટીમના પૂર્વ કેપ્ટન શાકિબ અલ હસને ઇતિહાસ રચ્યો છે. તે હાલમાં કેરેબિયન પ્રીમિયર લીગ 2025 માં રમી રહ્યો છે. ટુર્નામેન્ટની 11મી મેચ 24 ઓગસ્ટે નોર્થ સાઉન્ડ ખાતે સેન્ટ કિટ્સ અને નેવિસ પેટ્રિઓટ્સ અને એન્ટિગુઆ અને બાર્બુડા ફાલ્કન્સ વચ્ચે રમાશે. જ્યાં એન્ટિગુઆ અને બાર્બુડા ફાલ્કન્સ તરફથી રમતી વખતે શાકિબ અલ હસન ખૂબ જ શાનદાર પ્રદર્શન કરતો જોવા મળ્યો હતો. પ્રથમ બોલિંગ દરમિયાન, તેને બે ઓવરમાં 11 રન આપીને ત્રણ વિકેટ મેળવી હતી. આ પછી, તેને બેટિંગમાં પણ એક મહત્વપૂર્ણ ઇનિંગ રમી. તેમણે ટીમ માટે કુલ 18 બોલનો સામનો કર્યો. આ દરમિયાન, તેણે 138.88 ના સ્ટ્રાઇક રેટથી 25 રનનું યોગદાન આપ્યું. જેના માટે તેને 'પ્લેયર ઓફ ધ મેચ' તરીકે પણ પસંદ કરવામાં આવ્યો.
શાકિબ અલ હસને ઇતિહાસ રચ્યો
શાકિબ અલ હસને સેન્ટ કિટ્સ અને નેવિસ પેટ્રિઓટ્સ સામે શાનદાર બોલિંગ કરીને એક મોટી સિદ્ધિ હાંસલ કરી. તે T20 ક્રિકેટમાં 500 વિકેટ લેનાર વિશ્વનો પાંચમો ખેલાડી બન્યો છે. 2006 થી તેને ક્રિકેટના સૌથી ટૂંકા ફોર્મેટમાં 457 મેચ રમી છે અને 448 ઇનિંગ્સમાં 502 વિકેટ લીધી છે.
રાશિદ ખાને T20 ક્રિકેટમાં સૌથી વધુ વિકેટ લીધી
T20 ક્રિકેટમાં સૌથી વધુ વિકેટ લેવાનો રેકોર્ડ અફઘાન સ્પિનર રાશિદ ખાનના નામે નોંધાયેલો છે. તેણે 2015 થી અત્યાર સુધી 487 મેચ રમી છે. આ દરમિયાન, 483 ઇનિંગ્સમાં તેને 18.51 ની એવરેજથી 660 વિકેટ લીધી છે.
T20 માં સૌથી વધુ વિકેટ લેનારા વિશ્વના ટોપના પાંચ બોલરો
660 વિકેટ - રાશિદ ખાન - અફઘાનિસ્તાન
631 વિકેટ - ડ્વેન બ્રાવો - વેસ્ટ ઈન્ડિઝ
590 વિકેટ - સુનિલ નારાયણ - વેસ્ટ ઈન્ડિઝ
554 વિકેટ - ઈમરાન તાહિર - દક્ષિણ આફ્રિકા
502 વિકેટ - શાકિબ અલ હસન - બાંગ્લાદેશ
