Know the price and features of Hero HF Deluxe and Hero Passion Plus: Hero HF Deluxe અને Hero Passion Plus ભારતમાં સૌથી લોકપ્રિય કોમ્યુટર બાઇક્સમાંની એક છે. બંને એવા લોકો માટે ડિઝાઇન કરવામાં આવી છે જેઓ કામ, કોલેજ અથવા રોજિંદા મુસાફરી માટે સસ્તી, ટકાઉ અને હાઇ-માઇલેજવાળી બાઇક ઇચ્છે છે. તેમનું બજેટ, ઓછું મેન્ટેનન્સ અને શાનદાર એન્જિન જેવી મુખ્ય ખાસિયત આ બે બાઇકમાં છે. જાણો બંને બાઇકની કિંમત, ફીચર અને એન્જિન વિશેની માહિતી.
કિંમતમાં કેટલો તફાવત છે?
Hero HF Deluxe ની એક્સ-શોરૂમ કિંમત લગભગ ₹55,785 થી ₹67,563ની વચ્ચે આવે છે. અને Hero Passion Plus ની એક્સ-શોરૂમ કિંમત લગભગ ₹76,844 થી ₹78,227 ની વચ્ચે છે. કિંમતની દ્રષ્ટિએ Hero HF Deluxe વધુ સસ્તી છે.
એન્જિન અને પર્ફોમન્સ
બંને બાઇકમાં 97.2cc, એર-કૂલ્ડ એન્જિન દ્વારા સંચાલિત છે જે 8.02PS પાવર અને 8.05Nm ટોર્ક ઉત્પન્ન કરે છે. બંને બાઇક 4-સ્પીડ ગિયરબોક્સ સાથે જોડાયેલી છે. આ બાઇક શહેર અને ગ્રામીણ બંને રસ્તાઓ પર સ્મૂધ સવારી આપે છે.
માઇલેજ
માઇલેજની દ્રષ્ટિએ બંને બાઇક લગભગ સમાન છે. કંપનીના જણાવ્યા મુજબ, બંને બાઇક 60-65 કિમી પ્રતિ લિટરની માઇલેજ આપે છે. રિયલ લાઇફમાં ડ્રાઇવિંગમાં, Hero HF Deluxe શહેરમાં લગભગ 65 થી 70 કિમી પ્રતિ લિટર માઇલેજ આપે છે. Hero Passion Plus માં i3S ટેકનોલોજી છે, જે ટ્રાફિકમાં ફ્યુલ બચાવવામાં મદદ કરે છે. Hero Passion Plus માં મોટી ફ્યુલ ટાંકી છે, જે એક જ સંપૂર્ણ ટાંકી પર લાંબા અંતર સુધી મુસાફરી કરવાનું સરળ બનાવે છે. Hero Passion Plus શહેરમાં લગભગ 60 થી 70 કિમી પ્રતિ લિટરની માઇલેજ આપે છે.
તે કઈ બાઇક્સ સાથે સ્પર્ધા કરે છે?
Hero HF Deluxe અને Hero Passion Plus આ બંને બાઇક 100cc ના સેગમેન્ટમાં આવે છે, જે એન્ટ્રી-લેવલ બાઇક્સ સાથે સીધું કોમ્પિટિશન કરે છે, જેમાં Honda Shine 100, Bajaj Platina 100, TVS Sport અને TVS Radeon જેવી બાઇકસ સાથે કોમ્પિટિશન કરે છે. આ બાઇકસ તેની માઇલેજ, ઓછું મેન્ટેનન્સ અને ઓછી કિંમતને કારણે આ બાઇકસ એકબીજાની કોમ્પિટિટર્સ છે.
ફીચર્સ અને લુક
Hero HF Deluxe માં સિમ્પલ ડિઝાઇન છે અને તે આવશ્યક ફીચર્સ આપે છે. જ્યારે Hero Passion Plus માં થોડો પ્રીમિયમ દેખાવ, વધુ સારા ગ્રાફિક્સ, એલોય વ્હીલ્સ અને વધુ કમ્ફર્ટ મળે છે. જો તમે લુક અને થોડું વધુ કમ્ફર્ટ શોધી રહ્યા છો, તો Hero Passion Plus વધુ સારી પસંદગી હોઈ શકે છે. અને જો તમે બજેટમાં છો અને હાઇ-માઇલેજ સાથે સસ્તું બાઇક ઇચ્છો છો, તો Hero HF Deluxe યોગ્ય પસંદગી છે. જોકે, જો તમે થોડી વધુ સ્ટાઇલ, વધુ કમ્ફર્ટ અને સ્મૂધ રાઇડ ઈચ્છો છો, તો Hero Passion Plus વધુ સારી પસંદગી છે. બંને બાઇક રોજિંદી મુસાફરી માટે યોગ્ય છે; કઈ બાઇક લેવાનો નિર્ણય તમારી જરૂરિયાતો પર આધાર રાખે છે.
