દિવ્યા દેશમુખે FIDE Women Chess World Cup 2025 નો ખિતાબ જીતી લીધો છે. દિવ્યાએ સમગ્ર ટુર્નામેન્ટ દરમિયાન સારું પ્રદર્શન કર્યું અને હવે તે ગ્રાન્ડમાસ્ટર પણ બની ગઈ છે. FIDE ચેસ મહિલા વર્લ્ડ કપ 2025માં, ભારતની દિવ્યા દેશમુખે ટાઈબ્રેકરમાં ભારતની જ કોનેરુ હમ્પીને હરાવી. આ પ્રતિષ્ઠિત ટુર્નામેન્ટ જીતીને દિવ્યા ગ્રાન્ડમાસ્ટર બની, જે ટુર્નામેન્ટની શરૂઆતમાં અશક્ય લાગતી હતી. બે ક્લાસિકલ મેચ ડ્રો થયા બાદ તેણીએ ટાઈબ્રેકર જીત્યો.
દિવ્યા દેશમુખ કોણ છે?
9 ડિસેમ્બર 2005 ના રોજ નાગપુરમાં જન્મેલી દિવ્યાએ પાંચ વર્ષની ઉંમરે ચેસ રમવાનું શરૂ કર્યું હતું. તેના માતાપિતા ડોક્ટર છે. તેના પિતાનું નામ જીતેન્દ્ર છે અને માતાનું નામ નમ્રતા છે. દિવ્યાએ 2012 માં સાત વર્ષની ઉંમરે અંડર-7 નેશનલ ચેમ્પિયનશિપ જીતી હતી. આ પછી, તેણે અંડર-10 (ડરબન, 2014) અને અંડર-12 (બ્રાઝિલ, 2017) કેટેગરીમાં વર્લ્ડ યુથ ટાઇટલ પણ જીત્યા હતા. આ પછી, તેણે 2014 માં ડરબનમાં આયોજિત અંડર-10 વર્લ્ડ યુથ ટાઇટલ અને 2017 માં બ્રાઝિલમાં અંડર-12 કેટેગરી પણ જીતી હતી.
2023 માં ઇન્ટરનેશનલ માસ્ટરનો ખિતાબ
દિવ્યાએ 2023 માં ઇન્ટરનેશનલ માસ્ટરનો ખિતાબ પણ મેળવ્યો હતો. 2024 માં, તેણે વર્લ્ડ જુનિયર ગર્લ્સ અંડર-20 ચેમ્પિયનશિપ પણ જીતી હતી, જ્યાં તે 11 માંથી 10 પોઇન્ટ મેળવીને ટોચ પર રહી હતી. આ ઉપરાંત, તેણીએ 45મા ચેસ ઓલિમ્પિયાડમાં ભારત માટે ગોલ્ડ મેડલ અપાવવામાં પણ મહત્વપૂર્ણ ભૂમિકા ભજવી હતી. દિવ્યા એશિયન જુનિયર ચેમ્પિયન પણ છે. દિવ્યા હવે ચેસની દુનિયામાં એક જાણીતું નામ છે.
નંબર વન ખેલાડી હૌ યિફાનને હરાવી છે
દિવ્યા દેશમુખે આ વર્ષે FIDE વર્લ્ડ બ્લિટ્ઝ ટીમ ચેસ ચેમ્પિયનશિપમાં વિશ્વની નંબર વન ખેલાડી હૌ યિફાનને હરાવી છે. વડા પ્રધાન નરેન્દ્ર મોદીએ પણ તેના આ માટે પ્રશંસા કરી હતી. દિવ્યાએ 10 થી 16 જૂન દરમિયાન લંડનમાં યોજાયેલી FIDE વર્લ્ડ બ્લિટ્ઝ ટીમ ચેમ્પિયનશિપના સેમિફાઇનલના બીજા તબક્કામાં ચીનની યિફાનને હરાવી હતી. આ દિવ્યાની કારકિર્દીની સૌથી મોટી જીત છે.
દિવ્યાએ કેન્ડિડેટ ટુર્નામેન્ટ માટે ક્વોલિફાય કર્યું છે
ઓલિમ્પિયાડમાં ત્રણ ગોલ્ડ, અનેક એશિયન અને વર્લ્ડ યુથ ટાઇટલ. ચેન્નાઈના ચેસ ગુરુકુળમાં GM RB રમેશ હેઠળ તાલીમ પામેલી, દિવ્યાએ તેના તીક્ષ્ણ વ્યૂહાત્મક દ્રષ્ટિ, અતૂટ ધીરજ અને સર્જનાત્મક પ્રતિભા માટે પ્રશંસા મેળવી છે. દિવ્યાએ કેન્ડિડેટ ચેસ ટુર્નામેન્ટ માટે ક્વોલિફાય કર્યું છે. મહિલા વર્લ્ડ કપમાં ટોચના ત્રણ ખેલાડીઓ કેન્ડિડેટ ટુર્નામેન્ટ માટે ક્વોલિફાય થાય છે.
એક બોલ… અને 22 રન!: RCB ના વિસ્ફોટક બેટ્સમેને સ્થાપ્યો વિશ્વ વિક્રમ!
