સલમાન ખાન અને રશ્મિકા મંદાના અભિનિત ફિલ્મ 'સિકંદર' આ વર્ષે તહેવાર પર રિલીઝ થવાની છે. આ ફિલ્મમાં સલમાન અને રશ્મિકા સાથે કાજલ અગ્રવાલ પણ જોવા મળશે. ફિલ્મના રિલીઝ થયેલા ગીતોમાં સલમાન અને રશ્મિકા વચ્ચેની કેમિસ્ટ્રીલોકોને પસંદ આવી રહી છે. તાજેતરમાં આ ફિલ્મનું એક ગીત રિલીઝ થયું, અને સાથે જ એક ચાહકની એક રસપ્રદ કોમેન્ટ સોશિયલ મીડિયા પર ચર્ચાનો વિષય બની છે.
ફેન્સની અજીબોગરીબ થિયરીઓ
આ કોમેન્ટ મુજબ, 'સિકંદર' ફિલ્મનું કનેક્શન ઐશ્વર્યા રાય બચ્ચન સાથે છે. ગીતમાં સલમાન ખાનની આંખોમાં આંસૂ જોવા મળે છે, જ્યારે રશ્મિકા સફેદ કપડાંમાં દેખાય છે. એથી ચાહકો માનવાનું શરૂ કર્યું છે કે રશ્મિકા ફિલ્મમાં સલમાનની પ્રેમિકા હશે, પરંતુ તે જીવતી નહીં હોય. હવે લોકો રશ્મિકાના પાત્રની તુલના એક અન્ય પ્રસિદ્ધ ફિલ્મના પાત્ર સાથે કરી રહ્યા છે. તે ફિલ્મમાં એક મહત્વપૂર્ણ પાત્ર આત્મા તરીકે દર્શાવવામાં આવ્યું હતું, અને લોકો માને છે કે 'સિકંદર'માં પણ કંઈક આવું જ જોવા મળશે.
એક ચાહકે લખ્યું, 'સફેદ કપડાંમાં હિરોઈન હીરોને સ્પર્શ કરે છે અને એક્ટર દુઃખી દેખાય છે... ચોક્કસપણે આ એક આત્માનું પાત્ર હશે.' એક અન્ય ચાહકે પણ સહમત થઈને કહ્યું, 'આ વાત શક્ય લાગે છે, કેમ કે જો તમે લાઈટિંગ જુઓ, તો તે પણ એક અલગ માહોલ બનાવે છે, જાણે કે તે કોઈ દિવ્ય આકાર છે. તેના આસપાસ ધૂમાડો પણ વધુ જોવા મળે છે.'
એશ્વર્યાના મોહબ્બતેના પાત્ર સાથે તુલના
હવે લોકો રશ્મિકાના રોલની તુલના ઐશ્વર્યા રાયના 'મોહબ્બત' ફિલ્મના મેઘાના પાત્ર સાથે કરી રહ્યા છે.ફિલ્મમાં ઐશ્વર્યાએ શાહરૂખ ખાનના પાત્ર રાજ આર્યન મલ્હોત્રાની પ્રેમિકા તરીકે અભિનય કર્યો હતો. આ ફિલ્મમાં એશ્વર્યાના પાત્રનું મૃત્યુ થઈ ગયુ હતું, પરંતુ તેના હોવાનો અહેસાસ રાજ આર્યનને થતો રહે છે. 'સિકંદર'માં બે અભિનેત્રીઓ છે, અને હોળી ગીતના દ્રશ્યોમાં જ્યાં સલમાન રશ્મિકા સાથે રોમાન્સ કરતા ઉદાસ દેખાય છે, તે સ્પષ્ટ સંકેત આપે છે કે રશ્મિકા તેમની જિંદગીમાં હાજર નથી, પણ માત્ર યાદોમાં જ છે. રશ્મિકાએ પણ કહ્યું હતું કે તેમની ભૂમિકા એટલી પ્રભાવશાળી, મહાન અથવા કંઈક અલગ નહીં હોય. 'સિકંદર' માં તેમની ભૂમિકા ‘એનિમલ’ અથવા ‘પુષ્પા’ જેવી નથી, બસ ઠીકઠાક રહેશે.'
ક્યારે રિલીઝ થશે ફિલ્મ?
આ ફિલ્મનું દિગ્દર્શન એ.આર. મુરુગદોસે કર્યું છે અને તે એક્શનથી ભરપૂર ફિલ્મ છે. ઈદ પર આ ફિલ્મ રિલીઝ થવાની છે.
