T20 World Cup 2026માં શુક્રવારે ઇંગ્લેન્ડ અને ન્યુઝીલેન્ડ વચ્ચે સુપર-8નો રોમાંચક મુકાબલો કોલંબોના આર પ્રેમદાસા સ્ટેડિયમમાં ખેલાયો હતો. આ મેચમાં ઇંગ્લેન્ડે 4 વિકેટથી શાનદાર જીત મેળવી હતી. વિલ જેક્સ અને રેહાન અહેમદની જોડીએ અંતિમ 18 બોલમાં મેચનું પાસું ફેરવી નાખ્યું હતું.
અંતિમ ઓવરોનો રોમાંચ
ઇંગ્લેન્ડને છેલ્લી 18 બોલમાં જીતવા માટે 43 રનની જરૂર હતી.
ન્યુઝીલેન્ડના કેપ્ટન મિશેલ સેન્ટનરે ગ્લેન ફિલિપ્સને ઓવર આપી, જેમાં ઇંગ્લેન્ડે 22 રન ફટકાર્યા હતા.
ત્યારબાદ 19મી ઓવરમાં 16 રન આવ્યા, જેનાથી અંતિમ ઓવરમાં માત્ર 5 રનનો લક્ષ્યાંક બાકી રહ્યો હતો.
ઇંગ્લેન્ડે છેલ્લી ઓવરના 3 બોલમાં જ જરૂરી રન બનાવીને મેચ જીતી લીધી હતી.
વિલ જેક્સ 32 રન અને રેહાન અહેમદ 19 રન બનાવી અણનમ રહ્યા હતા.
પાકિસ્તાન માટે સેમીફાઈનલની તક
ઇંગ્લેન્ડની આ જીતથી પાકિસ્તાન ટીમને મોટો ફાયદો થયો છે અને તે સેમીફાઈનલની રેસમાં યથાવત છે.
પાકિસ્તાને તેની છેલ્લી મેચ શ્રીલંકા સામે રમવાની છે.
જો પાકિસ્તાન આ મેચ જીતશે, તો તેના પોઈન્ટ્સ ન્યુઝીલેન્ડ જેટલા જ એટલે કે 3 થઈ જશે.
આવી સ્થિતિમાં જે ટીમનો નેટ રન રેટ સારો હશે તે સેમીફાઈનલમાં પ્રવેશ કરશે.
મેચનો સ્કોરકાર્ડ
ન્યુઝીલેન્ડે પ્રથમ બેટિંગ કરતા 20 ઓવરમાં 159/7 રન બનાવ્યા હતા.
ન્યુઝીલેન્ડ તરફથી ગ્લેન ફિલિપ્સે 39 રન અને ટીમ સીફર્ટે 35 રનનું યોગદાન આપ્યું હતું.
ઇંગ્લેન્ડ માટે આદિલ રશીદ, વિલ જેક્સ અને રેહાન અહેમદે 2-2 વિકેટ ઝડપી હતી.
જવાબમાં ઇંગ્લેન્ડે 19.3 ઓવરમાં 161/6 રન બનાવી લક્ષ્યાંક હાંસલ કર્યો હતો.
ઇંગ્લેન્ડ તરફથી ટોમ બેન્ટને સૌથી વધુ 33 રન બનાવ્યા હતા, જ્યારે ન્યુઝીલેન્ડના રચીન રવીન્દ્રએ 3 વિકેટ લીધી હતી.
